АНУ-ын  Сан Франциско хотод өнгөрсөн нэгдүгээр сард зохион байгуулсан загварын шоунд монгол залуу амжилттай оролцжээ. Шоуны шалгаруулалтад 129 залуу оролцсоноос 12 нь шалгарч, Сан Францискод болсон "Fashion-2020" шоунд загвар өмссөн аж.  Тэдний нэг нь Бат-Эрдэнийн Батмөнх. Одоо 24 настай.   Дэлхийн загварын тайзан дээр анх удаа алхсан монгол эрэгтэй модель болж байна. Тэрбээр АНУ-ын FRISC агентлагийн гэрээт модель. Анх 19 настайдаа загвар өмсч эхэлсэнээсээ хойш таван жил болж байгаа аж.  Б.Батмөнх нь бизнесийн чиглэлээр суралцсан ч багын хоббигоо хөөж, АНУ-ын агентлагт ажилд орсон байна.

Тус шоу жилд ганцхан болдог. Тиймээс тус шоунд оролцох нь загвар өмсөгчдийн хувьд нэр төрийн хэрэг гэнэ. Түүний инстаграм хаяг нь Batmunkh.bate юм байна.

Б.БАТ