ОХУ-ын өмчлөлд байсан 550 гаруй барилгыг иргэдэд өмчлүүлнэ | News.MN

ОХУ-ын өмчлөлд байсан 550 гаруй барилгыг иргэдэд өмчлүүлнэ

ОХУ-ын өмчлөлд байсан 550 гаруй барилгыг иргэдэд өмчлүүлнэ

ОХУ-ын өмчлөлд байсан 550 гаруй барилгыг иргэдэд өмчлүүлнэ

Засгийн газрын өнөөдөр /2020.02.12/-ийн хуралдаанаар ОХУ-ын өмчид байсан Монгол айл, өрхүүдийн түрээслэдэг байсан 550 гаруй орон сууцны барилгыг эдгээр иргэдэд өмчлөх шийдвэрийг гаргалаа.  Тодруулбал,  ОХУ-ын өмчлөлд байсан Монгол айл, өрхүүдийн түрээслэдэг 550 гаруй орон сууцны барилгыг эдгээр айл, өрхүүдэд өмчлүүлэхээр болсон байна. ингэснээр тухай айл өрхүүд одоогийн түрээслэж байгаа орон сууцаа өөрийн эзэмшил дээр авах боломж бүрдэж байгаа юм.

Түүнчлэн Улаанбаатар, Дархан дахь дэд станцуудын болон бусад зургаан обьектыг ОХУ-ын өмчлөлөөс Монголын төрийн өмчлөлд үнэгүй шилжүүлж байна. 1998 оноос хойш 550 гаруй өрх, орон сууцаа хувьчилж авах өргөдөл, хүсэлтээ үе үеийн Засгийн газарт тавьсаар ирсэн энэ асуудал ийнхүү шийдэгдлээ.

Мөн өнөөдрийн Засгийн газрын хуралдаанаар цэргийн 590 гаруй албан хаагчийн орон сууцны асуудлыг шийдсэн байна. Тодруулбал, Батлан хамгаалах яам, Зэвсэгт хүчний Жанжин штабын эзэмшилд буй 590 гаруй орон сууцыг цэргийн албан хаагчдад хөнгөлөлттэй үнээр болон хувьчилахаар боллоо. Батлан хамгаалах салбарын нийт алба хаагчдын 22 хувь нь нийтийн эзэмшлийн орон сууцанд 20 хувь нь албан тушаалын орон сууцанд 4 хувь нь албаны гэрт 39 хувь нь хувийн хашаанд 10 хувь нь айлын байр, хашаанд амьдардаг аж. Олон жил яригдсан энэ асуудлыг шат дараатайгаар шийдэж буйн эхлэл нь энэ ажил болжээ.

Сануулахад, Монгол Улсын Ерөнхий сайд У.Хүрэлсүх 2019 оны арванхоёрдугаар сард ОХУ-д айлчилсан бөгөөд айлчлалын үеэр дээрх асуудалд онцгой анхаарал хандуулж, ОХУ-ын талтай хэлцээр хийсний үр дүн өнөөдөр гарч байгаа нь энэ аж.

Ш.ОЧ

Энэ мэдээнд өгөх таны сэтгэгдэл?
8
ЗөвЗөв
3
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХахаХаха
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-12 103.26.195.200

Шуурхай шийдсэн засгийн газарт баярлалаа. Олон жил ярьсан зүйл шүү дээ.

Avatar

Зочин 2020-02-12 66.181.161.79

Bzd 15 horoolol 5 horoo 8 r bair ysan ym bol bid nar yah ym be harui uguurui 86296999

Avatar

Зочин 2020-02-12 202.9.40.97

Бусад байруудыг хэзээ өгөх юм бэ? Жуков дахь 2.10.9.8. гэх мэт…? 20 гаран жил амьдарч бна шүүдээ?

Avatar

2020 амлалт 2020-02-12 182.160.33.61

худлаа ярихаа болчивол сайн бн дандааа худлаа шаанааааа ямар хэрэг бн

NewsMN Гар утасны хувилбар Татах
NEWS.mn

Мэдээллийн эх сурвалж