Баянзүрх дүүргийн Иргэний хэргийн анхан шатны шүүх: МЭДЭГДЭЛ | News.MN

Баянзүрх дүүргийн Иргэний хэргийн анхан шатны шүүх: МЭДЭГДЭЛ

Баянзүрх дүүргийн Иргэний хэргийн анхан шатны шүүх: МЭДЭГДЭЛ

"ТВ-4” телевизийн "Дөрөв дэх засаглал” мэдээллийн хөтөлбөрийн 2020 оны 01 дүгээр сарын 22-ны өдрийн дугаарт иргэн И.Энхсайхан ярилцлага өгчээ. Тэрбээр "….Авлигач, хулгайч шүүгч байдгийг би өөрийн биеэр амсаж яваа юм. Баянзүрх дүүргийн Иргэний хэргийн анхан шатны шүүхэд хулгайч, авлигач, луйварчин шүүгч байна. Тэд Ц гэгч халдварт өвчин судлалын үндэсний төвд ажилтай, хулгайч, луйварчин авгайгаас авлига авсныхаа төлөө, ерөөсөө хулгайчийн амаар ажил хийгээд байна…” гэж шүүх эрх мэдэл, шүүгчийн хараат бус байдал, ажил хэргийн нэр хүндэд халдсан, гүтгэлгийн шинжтэй мэдээлэл хийснийг няцааж дараах мэдэгдлийг гаргаж байна.

Иргэн Ц нь тус шүүхэд иргэн И.Энхсайханд холбогдуулан "гэрлэлт цуцлуулах, орон сууцыг хуваарьт хөрөнгө болохыг тогтоолгох” үндсэн нэхэмжлэлийг, И.Энхсайхан "бэлэглэлийн гэрээг хүчин төгөлдөр бусад тооцуулах, орон сууц худалдан авахад зориулагдсан болон бусад эд хөрөнгийн үнэ 126.500.000 төгрөг” гаргуулах сөрөг нэхэмжлэл гаргасныг шүүх 2016 оны 7 дугаар сарын 05-ны өдөр хянан шийдвэрлэж 5091 дугаартай шийдвэр гаргасан.

Тухайн үед хариуцагч И.Энхсайхан шүүхийн шийдвэрийг гардан авсан. Тэрбээр шийдвэрийг эс зөвшөөрвөл гардан авсан өдрөөс эхлэн 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхээ хэрэгжүүлээгүй буюу шүүхийн шийдвэрийг хүлээн зөвшөөрснөөр анхан шатны шүүхийн шийдвэр хуулийн хүчин төгөлдөр болсон. Хариуцагч шүүхийн шийдвэрийг сайн дураар биелүүлээгүй тул шийдвэрийг албадан гүйцэтгэх ажиллагааг Нийслэлийн шүүхийн шийдвэр гүйцэтгэх газраас төлбөр төлөгч И.Энхсайханд холбогдуулан явуулж байна.

Тэрбээр дээрх шийдвэрийг шинээр илэрсэн нөхцөл байдлын улмаас дахин хянуулах хүсэлтийг 2016 оны 10 дугаар сарын 13, 2018 оны 10 дугаар сарын 18, 2019 оны 10 дугаар сарын 14-ний өдөр тус шүүхэд гаргасныг шүүх хуульд заасны дагуу шүүх хуралдаанаар хянан хэлэлцээд хүсэлтийг хангахаас татгалзжээ.

Гэтэл иргэн И.Энхсайхан шүүхийн шийдвэрийг биелүүлэхээс зайлсхийх, өөртэй нь холбоотой эсрэг шийдвэрийн талаар нийгэмд сөрөг ойлголт төрүүлэхийн тулд тухайн шийдвэрийг гаргасан, хүсэлтийг нь хянасан шүүгч нарыг "… хулгайч, авлигач, луйварчин” хэмээн олон нийтийн хэвлэл мэдээллийн хэрэгслийг ашиглан илтэд үндэслэлгүйгээр гүтгэн доромжилсон нь шүүгчийн шийдвэрлэсэн хэрэгтэй нь холбогдуулан нэр төр, ажил хэргийн нэр хүндэд халдсан гэж үзэж байна.

Иргэн И.Энхсайхан тухайн шүүх, шүүгчийн нэр төр, ажил хэргийн нэр хүндэд халдсан илт үндэслэлгүй, гүтгэлгийн шинжтэй мэдээллийг дахин тараах тохиолдолд хуульд заасан хариуцлага хүлээлгэхээр зохих байгууллагад хандахыг үүгээр мэдэгдье.

БАЯНЗҮРХ ДҮҮРГИЙН ИРГЭНИЙ ХЭРГИЙН

АНХАН ШАТНЫ ШҮҮХИЙН ТАМГЫН ГАЗАР

Энэ мэдээнд өгөх таны сэтгэгдэл?
3
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-11 103.57.92.142

ИЧЭЭЧ…ИЧЭЭЧ""" ЯГ .. ҮНЭНИЙГ.. ХЭЛЖЭЭ… ЭНЭ ..БОЛ.. СҮРДҮҮЛЭГ… ИЙМ … ЮМЫГ … ТҮМЭН .. ОЛОН … АВАХГҮЙ… ХАРИН ..ШҮҮГЧИД … ИХ ..БУРУУТАЙ …ШҮҮ..

Avatar

Зочин 2020-02-11 203.91.112.146

Шүүгчид шүүхүүд өөрсдийнх нь үнэн мөнийг илчилёэн иргэн албан байнгууллагуудыг МЭДЭГДЭЛ нэртьэй СҮРДҮҮЛГЭЭР хэвлэл мэдээллэр дарамтлахаа зогсоо
Монголын шүүх хуулийн байгууллага шудрага үнэн зөв ажилдаг байсанг бол Монгол Сингапур шиг бболох боломжтой байлаа
Захиалгаар ажиллаж авилгаар амьдардаг ЦАГДАА ПРОКУРОР ШҮҮХТЭЙ учраас МОНГОЛ өнөөдөр дэлхийн хамгийн новшийн улс болоод байгааг мэддэггүй малнууд МОНГОЛЫН ХУУЛИЙН БАЙГУУЛЛАГуудад 100 хувь байга энэ МЭДЭГДЭЛ нэртэй СҮРДҮҮЛГЭЭС харагдаад байна

Avatar

Avilgachin 2020-02-11 150.129.141.22

Avilgachin shuugchidee umuurch urgeniig shorond horino gej daramtalj bgan bn

NewsMN Гар утасны хувилбар Татах
NEWS.mn

Мэдээллийн эх сурвалж