Милвауки Бакс баг өнөөдөр/2020.02.11/ өөрсдийн хүчний довтлогч, 2016 оны NBA-ийн драфтын дөрөвдэх сонголт Хорват залуу Драган Бендерийг хасч, түүний оронд саяхан Шарлотт Хорнетс багаасаа хасагдсан өдгөө 33 настай Марвин Уиллиамсыг багтаа нэгтгэж байгаа зарлалаа. NBA-д 15 дах улирлаа өнгөрүүлж буй 2005 оны NBA-ийн драфтын хоёрдох сонголт Марвин Уиллиамсын хувьд энэ улирал 41 тоглолтод 6.7 оноо, 2.7 самбараас бөмбөг авалт дунджилж байсан юм. Марвин Уиллиамс шинэ багтаа 20 дугаартай тоглоно. Ийнхүү Милвауки Бакс багийн бүрэлдэхүүн 20 тоглогчтой боллоо.

Welcome to Milwaukee, Marvin 😎#FearTheDeer pic.twitter.com/2NyxCJ1EZD

— Milwaukee Bucks (@Bucks) February 10, 2020

Харин багаасаа хасагдсан энэ жил 22 настай Д.Бендерийн хувьд энэ улиралд Милвауки Бакс багийн төлөө долоон тоглолтод оролцож 3.7 оноо, 2.9 самбараас бөмбөг авалт дунджилж байсан ажээ. Драган Бендер өнгөрсөн зун Евролигийн ЦСКА Москва багтай тохиролцсон ч Милвауки Бакс багийн саналаас татгалзаж чадалгүй NBA-д тоглосон юм.