Монгол Улсын мөрөөдлийн жагсаалт | News.MN

Монгол Улсын мөрөөдлийн жагсаалт

Монгол Улсын мөрөөдлийн жагсаалт

Монгол Улсын мөрөөдлийн жагсаалт

Монгол Улс өнгөрсөн 30 жилийн ололт амжилтаа дүгнэн, ирэх 2050 он хүртэлх зорилгоо тодорхойлон, холбогдох баримт бичгийг боловсруулан, иргэдээсээ санал авч байгаа билээ. Өнгөрсөн хугацаанд Монгол Улс үндэсний урт хугацааны бодлого хэмээн тодорхойлсон зургаан баримт бичиг баталж байсан ч тэдгээрийн хэрэгжилт хэр үр дүнтэй байсан бэ гэдэг нь эргэлзээтэй.

Учир нь өнөөдөр монголчуудын 28.6 хувь нь ядуу,  нэг хүнд ногдох ДНБ нь 4 ам.доллар, хүний хөгжлийн индексээр 0.7 оноотой буюу дэлхийн улс орнуудын жагсаалтын 92-т эрэмбэлэгдэж байна. Үүний зэрэгцээ, агаар, хөрс зэрэг орчны бохирдол, хорт хавдар зэрэг монгол хүнд тулгамдсан асуудал их байна. Тэгвэл эдгээр асуудлыг бид хэрхэн шийдэж, ямар амжилтад хүрэхээр зэхэж байгаа талаарх мөрөөдлийн жагсаалтыг танилцуулж байна. Хамгийн ойрын жишээг дурдвал, Монгол Улс тогтвортой хөгжлийн үзэл баримтлалыг хэрэгжүүлнэ хэмээн 2016 онд зарлан, зорилгоо тодорхойлсон билээ. Эдийн засгийн судалгаа, эрдэм шинжилгээний хүрээлэнгээс энэхүү баримт бичигт хийсэн судалгаагаар, тогтвортой хөгжлийн зорилтуудыг хангахад шаардагдах бодлогын арга хэрэгслүүд, тэдгээрийн нөлөөллийн үнэлгээ бүрэн хийгдээгүй, стратегийн болоод дагалдах бичиг баримтуудад нөөцийн үнэлгээ тусгагдаагүй, бодлогын шийдвэр гаргалт хэрхэн явагдаж байгааг дэлгэрэнгүй шинжлэх шаардлагатай хэмээн дүгнэсэн ажээ.

Тогтвортой хөгжлийн үзэл баримтлал -2030 

  1. Нэг хүнд ногдох үндэсний нийт орлого 17500 америк долларт хүрч, нэг хүнд ногдох орлогоороо дунд орлоготой орнуудын тэргүүлэх эгнээнд хүрнэ.
  2. Эдийн засгийн жилийн дундаж өсөлт 2016-2030 онд 6.6 хувиас доошгүй байна.
  3. Ядуурлын бүх төрлийг эцэс болгоно.

  4. Орлогын тэгш бус байдлыг багасгаж, нийт хүн амын 80 хувь нь дундаж болон чинээлэг дундаж давхаргын ангилалд багтсан байна.
  5. Суурь болон мэргэжлийн боловсролд хамрагдалтын түвшинг 100 хувьд хүргэж, насан туршийн боловсролын тогтолцоог бүрдүүлнэ.
  6. Монгол хүний эрүүл, урт удаан амьдрах нөхцөлийг хангаж, дундаж наслалтыг 78-д хүргэнэ.
  7. Хүний хөгжлийн өндөр үзүүлэлт бүхий эхний 70 орны нэг болно.
  8. Экологийн тэнцвэртэй байдлыг хадгалж, ногоон эдийн засгийн үзүүлэлтээр дэлхийн эхний 30 орны нэг болно.
  9. Бизнес эрхлэлтийн үзүүлэлтээр дэлхийн эхний 40, өрсөлдөх чадварын үзүүлэлтээр эхний 70 орны нэг болно.

  10. Хөгжлийн бодлогоо бүх түвшинд хэрэгжүүлэх чадвартай, авлигаас ангид, иргэдийн оролцоог хангасан, мэргэшсэн тогтвортой засаглал төлөвшсөн байна.

Алсын хараа -2050

  1. Үндэсний нэгдмэл үнэт зүйл – Нэг хэл, нэг түүх, нэг соёл, нэг итгэл үнэмшлийг нийт хүн амд төлөвшүүлж, үндэсний ижилсэн-ондоошлын гүн ухамсар дархлаатай үндэстэн –улс байгуулахад тулгуур болохуйц нэгдмэл үнэт зүйлсийг цогцлооно.
  2. Хүний хөгжил – хүний хөгжлийн индексийг 0.9 хувьд хүргэж байна. Аз жаргалын индексээр дэлхийн эхний 10 орны тоонд багтана.
  3. Амьдралын чанар ба дундаж давхарга – Дундаж давхрыг 2050 он гэхэд нийт хүний амын 80 хувьд хүргэнэ.
  4. Эдийн засаг 2050 он гэхэд ДНБ 6.1 дахин, нэг хүнд ногдох ДНБ 3.6 дахин нэмэгдэж, 15 мянган ам.долларт хүрнэ.

  5. Сайн засаглал цахим технологид тулгуурласан иргэн төвтэй төрийн үйлчилгээнд бүрэн шилжиж, төр- хувийн хэвшил- иргэний нийгмийн хамтын ажиллагааг бүхий л хүрээнд өргөжин, шударга ёсны тогтолцоо төлөвшсөн авлигагүй улс болно.
  6. Ногоон хөгжил – Байгаль орчинд ээлтэй ногоон хөгжлийг эрхэмлэн, экосистемийн тэнцвэрт байдлыг хадгалж байгаль орчны тогтвортой байдлыг ханган, үр өгөөжийг нь өнөө болон ирээдүй хойч үе хүртэх нөхцөлийг бүрдүүлэн, хүний амьдралын чанарыг сайжруулна.
  7. Амар тайван аюулгүй нийгэм – Улсын батлан хамгаалах чадавхыг бэхжүүлж, хүний эрх, эрх чөлөө, нийгмийн дэг журам, иргэдийн амьдрах орчны аюулгүй байдлыг хангах, гамшгийн эрсдэлийг бууруулах замаар хүн, нийгмийн аюулгүй байдлыг хангана.
  8. Бүсчилсэн хөгжил- Үндэсний соёлоо дээдэлсэн, хүн амын нутагшилт, суурьшлын тогтвортой тогтолцоотой, байгалийн унаган төрх, экосистемийн тэнцвэрт байдлыг хадгалан хойч үедээ өвлүүлсэн, эдийн засгийн төрөлжилт, дагналт, хоршилт бүхий ногоон үйлдвэрлэлийг хөгжүүлж, бүс нутгийн эдийн засгийн интеграцад нэгдсэн, өрсөлдөх чадвартай, харьцангуй тэнцвэртэй бүсүүдийг хөгжүүлнэ.

  9. Улаанбаатар ба дагуул хот – Амьдрахад таатай, байгаль орчинд ээлтэй, хүн төвтэй ухаалаг хот болгоно.

 

 

Энэ мэдээнд өгөх таны сэтгэгдэл?
5
ХахаХаха
3
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-11 66.181.161.61

Олон улсын байдал ээдрээтэй, өдөр өдрөөр өөрчлөгдөж байхад 30 жилийн дараахыг хэлж чадах зоригтой тэнэг манайд л байх юм даа. Одоо байгаа нь олхиогүй учраас хүмүүсийг алс хэтийн гоё үлгэрээр хуурдаг ядруу соц үеийн арга юм даа чааваас

Avatar

Зочин 2020-02-11 192.82.75.223

30 ЖИЛ ГҮРИЙЖ ЗҮТГЭЛЭЭ. ДАХИАД 30 ЖИЛ ИНГЭЖ ЗҮТГЭЖ БАЙЖ ХҮН ЁСООР АМЬДРАХ ЮМ БАЙНА. НАС ХҮРЭХГҮЙ НЬ ДААНЧ.

Avatar

Зочин 2020-02-11 119.40.98.177

2050 оны алсын хараа ба 2030 оны үзэл баримтлал хоорондоо уялдаа холбоо байдаг л болов уу

Avatar

Зочин 2020-02-11 202.179.24.170

Уг төлөвлөгөөг задлан гаргах хэрэгтэй.Энэ бол хоосон ерөнхий лозун байна.Ж нь,Аз жаргалтай амьдрал гэдэг ойлголтод хот хөдөөнийн ялгааг арилгах ёстой.Альч сумын төв,малчны хот,гэрт цахилгаан гэрэл эмнэлэг сургуулийн үйлчилгээ,бараа тавор нь дэргэд нь зүйрлэвэл Нарантуул явах шаардлаггүй болох_Тэр хөдөө хаа сайгүй ажлын байр,үйлдвэрлэл,усан сан,усалгааны суваг шууудуу,ус хуримтлуулах тараах хоолой,зам тээврийн бүтэц улаанбаатараас илүү хөгжих ёстой.Хотыг сонирхох шаардлаггүй болох ёсто

Avatar

aasdf 2020-02-11 202.21.108.135

naad tsaasiin gol zorilgo ni Maidar tusuld ulsiin mungu uguhud l baigaa yum. Tiimees iim yumiig hiiheer bolj bna

Avatar

Зочин 2020-02-11 202.55.188.83

ЧААВААС ДАА 2050 ОНД НЭГ ХҮНД НОГДОХ ДНБ 15000 ДОЛЛАР ГЭНЭЭ. БУСАД УЛСУУД БҮҮР ТАСРААД ЯВЧИХНА. ТЭГЭХЛЭЭР ЭРГЭЭЛ ЯДУУ УЛС ХЭВЭЭРЭЭ Л БАЙНА. ЭХНИЙ 70 ОРНЫ ТООНД ОРНО ГЭНЭЭ ХӨӨРХИЙ БУСАД УЛСУУД ОДООГИЙНХ ШИГЭЭ БАЙНА ГЭЖ БОДОО ЮМ БАЙХ ДАА! ТЭД УЛАМ Л ӨНДӨР ХӨГЖИЛТЭЙ БОЛНО. ҮНЭНДЭЭ 15000 ДОЛЛАР ГЭДЭГ МӨРӨӨДӨЛ БИШ Л ДЭЭ. БОЛОМЖТОЙ Л ЗҮЙЛ. ДААНЧ ЧАДАХ ЭСЭХ НЬ ЭРГЭЛЗЭЭТЭЙ. 2050 ОДООГИЙН ОРОСЫГ Ч ГҮЙЦЭХГҮЙ ГЭСЭН ҮГ ШДЭЭ. ЧААВААС ЧААВААС. НЭГ ХҮНД НОГДОН ДНБ 60,000 ДОЛЛАР ГЭВЭЛ ЖИНХЭНЭ МӨРӨӨДӨЛ БОЛНО

Avatar

Зочин 2020-02-11 122.201.21.100

эхний зорилго нь комунизм буцаад байгуулна л гэж л ойлгогдоод байх юм. Бүгдийг нь ижилхэн болгох гээд

Avatar

ИРГЭН 2020-02-11 202.21.127.168

МАН-ын Оюун эрдэнэ-ийн мөрөөдлийн жагсаалт ажээ. За лав Оюун эрдэнийн "Диваажин"-д амьдрахад миний нас хүрэхгүй бололтой. Харин энэ ноёнтон энэ жагсаалтаараа Монголчуудыг хуурсаар овоо хэдэн удаа сонгогдоно, дарга сайдаа хийнэ гэж найдаж буй бололтой.

Avatar

Зочин 2020-02-11 202.131.235.198

ЗХУ, СНГ болон ОХУ-д 5 жил сурч төгссөн хүмүүст магистрийн гэрчилгээ нөхөн олгож байна утас 88671597

Avatar

zochin 2020-02-11 103.212.117.98

ungursun 30 jiliin buh pop amlaltuudiig niiluuleed hugatsaag ni zaasan jagsaalt bish baigaasai

Avatar

Иргэн 2020-02-11 202.126.88.135

Яаж зорилгодоо хүрэх вэ гэдэг нь чухал л даа, даан ч дарга нар баяжаад ард түмэн ядуураад байгаа нь яалт ч үгүй үнэн.

Avatar

Зочин 2020-02-11 202.21.109.35

yadaj 5 jiliin saixan tuluvluguu gargachixgui dee.oyinerdene gej alban tushaald durtai axtaigaa niilj ix xor xutgaj bgaa zaluu daa

Avatar

Иргэн 2020-02-11 139.5.216.52

Ёстой л мөрөөдөл л байна даа

Avatar

Зочин 2020-02-11 202.21.102.221

шаана биздээ хошигруулалт

Avatar

Иргэн 2020-02-11 139.5.217.159

Ийм ч олон ч сайхан худал амлалтуудын сонслоо доо

Avatar

Зочин 2020-02-11 64.119.25.69

сонгуулын амлалт л байна хэзээ ч хэрэгдэггүй

Avatar

Иргэн 2020-02-11 139.5.218.142

Сайхан мөрөөдөл байна. Даанч МАНАН саад тээг болно доо.

NewsMN Гар утасны хувилбар Татах
NEWS.mn

Мэдээллийн эх сурвалж