Оросын дипломат алба түүхэн үнэнийг гуйвуулж байгаатай тэмцэж буй нь | News.MN

Оросын дипломат алба түүхэн үнэнийг гуйвуулж байгаатай тэмцэж буй нь

Хуучирсан мэдээ: 2020.02.10-нд нийтлэгдсэн

Оросын дипломат алба түүхэн үнэнийг гуйвуулж байгаатай тэмцэж буй нь

Оросын дипломат алба түүхэн үнэнийг гуйвуулж байгаатай тэмцэж буй нь

Энэхүү нийтлэлийг ОХУ-д жил бүрийн 2-р сарын 10-нд тэмдэглэдэг Дипломат ажилтны өдөрт зориулсан болно. 2002 оны аравдугаар сарын 31-нд Оросын Холбооны Улсын Ерөнхийлөгчийн зарлигаар энэхүү өдрийг тунхагласан нь дотоодын дипломат албаны гавьяаг Оросын төр засгийн үндсэн бүрэлдэхүүн хэсгүүдийн нэг хэмээн хүлээн зөвшөөрсний илэрхийлэл билээ.

Өдгөө манай дипломатчид үндэснийхээ аюулгүй байдлыг болон улс орныхоо шат шатны хөгжил дэвшлийг хангахад таатай нөхцөлүүдийг бүрдүүлж, олон улсын эрх зүйг тодорхойгүй болгохын эсрэг болон дэлхийн цэрэг-улс төрийн тогтвортой байдлын гэрээний тогтолцоог нураахаас урьдчилан сэргийлэхийн тулд олон талт бодлогыг хэрэгжүүлсээр байна. Орос Улс гадаад бодлогын бие даасан чиглэлийг баримталж, дэлхийн хамтын нийгэмлэгийн нэгдмэл зорилтуудыг дэвшүүлж, олон улсын тулгамдсан асуудал, мөргөлдөөнүүдийг дэлхийн нийгэмлэгийн хамтын хүчээр ба оролцогч талуудын тэргүүлэх оролцоотойгоор үр дүнтэй шийдвэрлэх саналуудыг тууштай дэвшүүлдэг. Түүнчлэн сонирхлоо илэрхийлсэн бүх улс орнуудтай харилцан ашигтай хамтын ажиллагааг хөгжүүлж, НҮБ болон бусад олон улсын байгууллагууд, түүний дотор «Их хорийн бүлэг», БРИКС, ШХАБ, ХАБГБ, ЕАБХАБ-ын ажилд идэвхтэй оролцдог.

2020 онд Дэлхий даяар хоёр чухал ойг тэмдэглэх гэж байгаа ба энэ нь Аугаа эх орны дайны ялалтын буюу Дэлхийн хоёрдугаар дайн төгсгөл болсны, мөн НҮБ байгуулагдсаны 75 жилийн ой юм. ОХУ нь нацизмыг ялан дийлэхэд шийдвэрлэх үүрэг гүйцэтгэсэн болон Дэлхийн байгууллагыг үндэслэсэн улсуудын нэг учир бидний хувьд эдгээр үйл явдлуудын түүхэн холбоо нь онцгой ач холбогдолтой юм.

Фашизмыг ялж, хамтын Ялалтын төлөө хамгийн их хохирлыг амссан манай улсын эсрэг «түүхэн түрэмгийллийг» илт явуулж буй нь нууц биш болсон ба уг ажиллагааны ихэнх оролцогчид нь үүнийг улс төрийн болон олон улсын бусад тодорхой зорилгоор хийж байгаа нь маргаангүй. Тодруулбал, энэ нь ЗХУ-ын залгамжлагч болох орчин үеийн Орос Улсыг харлуулах, Гитлерийн дэглэмийг өөгшүүлсэн өөрсдийн улс орнуудын муу муухайг нуун дарагдуулах, нео-нацистуудын адгийн үйлдлүүдийг зөвтгөх, ард түмнүүдийн түүхэн дурсамжийг, түүний дотор чөлөөлөгч дайчин баатруудын хөшөө дурсгалуудыг бохир аргаар устгах тэмцлээ зөвтгөх гэсэн оролдлогууд юм. Мөн зарим улс орнууд нь Дэлхийн 2-р дайныг дэгдээгч гэмт улсууд нь фашист Герман болон Зөвлөлт Холбоот Улс хэмээн дэмийрэхдээ тулаад байна.

Хоорондоо уялдаа холбоогүй мэт замбараагүй эдгээр олон арга хэмжээнүүд нь үнэн хэрэгтээ стратегийн ганц зорилготой ба энэ нь орчин үеийн дэлхийн дэг журмын үндэс болсон олон улсын харилцааны Ялтын системийн нэр хүндийг унагаж, «Дүрэмд суурилсан дэг журам» хэмээх шинэ үзэл баримтлалаа тулган ялуулах нөхцөлүүдийг бүрдүүлэхэд оршиж байна. Үнэндээ бол энэхүү «Дүрэмд суурилсан дэг журмыг» тусгаар улс орнууд ч биш, хэдхэн үндэстэн дамнасан корпорацууд турхирч байгаа билээ. Тиймээс хэн нэгэн нь «дүрэмд суурилсан дэг журам»-тай холбоотой аливаа баримт бичигт гарын үсэг зурж, эсвэл баталж байхдаа юуны тухай ярьж хэлэлцэж байгаагаа сайн ойлгож, мэдэж байх хэрэгтэй.

Үүнтэй холбогдуулан түүхэн үнэнийг хадгалах чиглэлээр манай дипломатчуудын хийж буй ажил, тэр дундаа холбогдох баримт бичгүүдийг олон улсын байгууллагуудад сурталчилж байгаа нь онцгой ач холбогдолтой юм. Уламжлалын дагуу НҮБ-ын тавцан дээр нацизмыг алдаршуулахтай тэмцэх тухай ОХУ-ын боловсруулан тогтоол нь өргөн хүрээний дэмжлэгийг авсаар ирсэн. НҮБ-ын Ерөнхий Ассамблейн 74 дүгээр чуулган нь Дэлхийн 2-р дайны ялалтын 75 жилийн ойтой давхцаж байгаагийн улмаас Орос Улс нь Азербайжан, Армен, Беларусь, Казахстан, Киргизстан, Тажикстан, Туркменистан, Узбекистан, Хятадтай хамтран чуулганы хүрээнд «Дэлхийн 2-р дайн дууссаны 75 жилийн ой» гэсэн асуудлыг тусад нь хэлэлцэх саналыг оруулсан билээ. Энэхүү сэдвийн хүрээнд 2020 оны 5-р сарын 9-ний хавьцаа НҮБ-ын Ерөнхий Ассамблейн ёслолын чуулганыг тусад нь зохион байгуулахаар төлөвлөөд байна.

ОХУ-ын Гадаад хэргийн яамны Архивын алба идэвхтэй ажиллаж, Холбооны Архивын газартай хамтран Дэлхийн 2-р дайны үеийн бүхий л асуудлуудыг, түүний дотор дайн дэгдэхийн өмнөх үеийн түүхэн баримт бичгүүдийг олж тогтоох маш их төвөгтэй, өргөн хүрээний ажлыг хийж гүйцэтгэж байна. Эдгээр нотолгоо баримтуудыг манай улсын төр засгийн хамгийн өндөр түвшний байр суурийг түүхийн талаас тайлбарлахад хэрэглэж байгаа ба уг материалууд нь Оросын болон олон улсын шинжлэх ухааны нийгэмлэгийн үнэт хөрөнгө болоод байна. ОХУ-ын Ерөнхийлөгч Владимир Путин Дайны өмнөх үеийн түүхийн асуудлуудын тухай ярихдаа Оросын Гадаад хэргийн яамны архивд хадгалагдаж буй эдгээр баримт бичгүүдэд тулгуурласан.

ГХЯ-ны архивд хадгалагдаж буй Эх орны дайны үеийн давтагдашгүй өвөрмөц энэхүү баримт бичгүүдийг Ялалтын 75 жилийн ойд зориулан нийтлэх гэж буй «Дипломат фронтууд» цомогт багтаана. «1939. Дэлхийн 2-р дайны эхлэл» үзэсгэлэн болон интернет төсөлд зориулан ГХЯ-ны архив нийтдээ 300 гаруй өвөрмөц баримт бичгүүдийг гаргаж өгчээ. Энэ оны 4-р сард Холбооны архивын агентлагийн ивээл дор «Сталин, Черчилль, Рузвельт» өргөн хэмжээний үзэсгэлэнг толилуулах гэж байгаа ба түүний бэлтгэл ажилд ОХУ-ын ГХЯ идэвхтэй оролцож байна. Энэхүү арга хэмжээ нь Зөвлөлт Холбоот Улс Гитлерийн эсрэг эвслийн тэргүүлэх гүрнүүдтэй өрнүүлэх хамтын ажиллагаагаа өндрөөр үнэлж, харин тэдгээр орнуудын удирдагчид нь фашизмыг ялахад Улаан арми чухал үүрэг гүйцэтгэж байсныг хүлээн зөвшөөрч байсныг батлах болно. Дэлхийн 2-р дайны эхлэл, замнал, үр дагаврыг ойлгоход та бидний хамтын Ялалтын ойд зориулсан ёслолын арга хэмжээнүүдийн хүрээнд нээлтээ хийсэн  «Халхын Гол – 1939» Монгол-Оросын түүхэн баримтат үзэсгэлэн нь ихээхэн ач холбогдолтой байсан билээ. Орчин үеийн Оросын түүхчид Халхын гол дээр болсон тэрхүү үйл явдлуудыг Дэлхийн 2-р дайны бэлтгэл сургуулилт байсан гэсэн дүгнэлтэд хүрчээ.

Ялалтын 75 жилийн ойг тэмдэглэх бэлтгэл ажлын хүрээнд ОХУ-ын ГХЯ-ны гадаад улс орнуудад байрлах төлөөлөгчдийн газруудаар дамжуулан дурсгалт, ёслолын, мэдээллийн болон соёлын олон арга хэмжээнүүдийг зохион байгуулахаар төлөвлөөд байна. Тэдгээрийн дотор албан ёсны хүлээн авалтууд, баярын хурлууд, ахмад дайчидтай уулзаж, тэднийг ойн медалиудаар шагнах болон Зөвлөлтийн цэргүүдэд зориулсан хөшөө дурсгалуудын хажууд явуулах ёслолын ажиллагаанууд, бага хурлууд, төрөл бүрийн тэмцээнүүд, гэрэл зургийн үзэсгэлэнгүүд, баримтат болон бусад киноны наадмууд, Аугаа их Эх орны дайны сэдэвтэй Зөвлөлтийн болон Оросын шилдэг кинонуудын үзвэр, баярын концертууд зэрэг бусад олон арга хэмжээнүүд байх ба, мэдээжийн хэрэг, гадаад улс орнуудын нутаг дэвсгэр дээр үлдсэн Оросын (Зөвлөлтийн) цэргүүдийн оршуулгын газруудыг тохижуулах ажилд онцгой анхаарал хандуулах болно. Гадаадад ажиллаж, амьдарч байгаа ОХУ-ын иргэдийн нийгэмлэгүүд, холбоодоор дамжуулан нийгэм, улс төрийн олон тооны, түүний дотор «Гэгээн Георгийн тууз», «Гэгээн дурсгалын харуул», «Мөхөшгүй хороо» арга хэмжээнүүдийг зохион байгуулна.

Оросын дипломат албанаас Монголын чиглэлд явуулах өдөр тутмын ажил нь энэ оны 2-р сарын 5-нд ОХУ-ын Ерөнхийлөгч В.В.Путины дэвшүүлсэн буюу Оросын «эртний болон цаг хугацааны сорилтуудыг даван туулсан итгэлт анд»-тай байгуулсан улс төрийн харилцаагаа худалдаа, хөрөнгө оруулалт, хүмүүнлэгийн салбарын шинэ төслүүдээр бэхжүүлэх тухай зорилгоор зохицуулагдаж байна.

Оросын дипломатчууд нь хичээл зүтгэл гаргаж буй дэлхийн бүх улс орнуудтай, тэр дундаа НҮБ зэрэг олон улсын хамтын ажиллагааны тавцангууд дээр харилцаа холбоогоо бэхжүүлэх чиглэлээр идэвхтэй ажилласаар байх болно.

Монгол Улс дахь

Оросын Холбооны Улсын

Элчин сайдын яам

Энэ мэдээнд өгөх таны сэтгэгдэл?
7
ТэнэглэлТэнэглэл
5
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-10 103.57.92.62

Монголын түүхийг гуйвуулж ард түмэнд худал мэдээлэл өгдөг энэ ОХУ-ын элчинд манай төр юу ч хийхгүй юм даа.

Avatar

Зүчи 2020-02-10 66.181.186.87

ЗХУ нь Финлянд руу дайрч, Польшийг нацист Германтай хувааж авсан нь дайн эхлүүлсэн биш юу хийсэн байхнав. Орсууд шаалтуур шаалтуур гэхэд бач л дэндүү шаалтуур шүү

Avatar

Зочин 2020-02-10 202.179.31.82

Угаасаа л оросууд барууныхан тэр тусмаа америуудыг долигоноод дэлхийн 2-р дайны түүхийг өөрсдийн эсрэг болгоод бга. Ялалтын 70 жилээрээ дайны үед чин сэтгэлээсээ тусалсан Монголын ерөнхийлөгчийг үл тоож монголын тусламжийн талаар таг дуугай байж америк английн ленд-лиз гээд хашгачаад байсныг нь америкууд өлгөж аваад ялагчийн гавьяаг өөртөө наачихаж бга нь тэр. Одоо дэлхий даяар фашизмыг ялсан тал бол америк гэсэн ойлголт нилдээ тарцан.

Avatar

zochin 2020-02-10 122.201.24.118

Ta nar uursduu busad ulsad hundetgeltei handaj bh heregtei busdiig hundlehgui ih gurnii deerengui zangaar handaad baihaar iimerhuu zuil bolood baidag jishee ni ta buhen ukraind gehed l buh l medeelliinhee heregsleer buh l talaas ni muulj bn ukrainii neg irgen baga zereg buruu alham hiihed l tuuniig buh ukrainchuudad nyalzaagaad l muuldag ali boloh muu muuhai haragduulahiig hicheedeg herev orosuud ta nariin muu taliig bichvel burch ih zuil garah bh shuu alich ulsad sain muu tal bii

Avatar

Э.Р БИ 2020-02-10 183.81.171.2

ДЭЛХИЙН ХОЁРДУГААР ДАЙН УЛС БОЛГОНЫ ҮНДЭСНИЙ ЭРХ АШИГААС ҮҮДЭЛТЭЙ БАЙХ. ХАРИЙН НЭГ Л ЗҮЙЛ ҮНЭН ОРОСЫН ЖИРИЙН АРДЫН ХҮҮХДҮҮД Л УЛС ТӨРИЙН ТОГЛОЛТОНД МАШ ИХЭЭР ХЭЛМЭГДСЭН. ҮРЭГДСЭН. ТЭД ХҮН ТӨРЛӨХТНИЙ САЙН САЙХАНЫ ТӨЛӨӨ АЛТАН АМИА ИТГЭЛ ҮНЭМШИЛТЭЙГЭЭ ХАМТ ӨРӨГСӨН.. ТЭДЭНД МЭХИЙН ЁСЛОХ НЬ ХҮНИЙ ЁС ЮМ ШҮҮ

Avatar

мийгаа 2020-02-10 66.181.161.46

2-р дайныг Герман улс эхлүүлсэн гэж заалгаж итгэдэг байж билээ.Оросууд Гитлертэй хуйвалдаж Польшийн хоёр талаас дайрснаар энэ дайн эхэлсэн нь тодорхой болчихсон штэ,өөрсдийн бурууг хүлээж чаддаггүй хулмасууд.

Avatar

ИРГЭН 2020-02-10 66.181.182.237

Түүхэн үнэнийг тэр тусмаа ЗХУ-ын манай тусгаар тогтнолыг батлан тунхаглах үйл хэрэгт гүйцэтгэсэн үүргийг Монгол хүн бүр яавч мартах ёсгүй !

Avatar

ИРГЭН 2020-02-10 66.181.182.237

Бид түүхэн үнэнийг мартах ёсгүй ! Тэр тусмаа 2-р дайны эцэст дэлхий дахинд үүссэн улс төрийн нөхцөл байдалд Монгол Улсын тусгаар тогтнолын үйл хэрэгт ЗХУ, Сталины түүхэн үүрэг шйидвэрлэх ач холбогдолтой байсан. Их Сталины тулган шаардалтаар манай өнөөгийн эрх чөлөө тусгаар тогтнолыг Их гүрнүүд болон Хятад Улс хүлээн зөвшөөрч, түүхэнд баталгаажин үлдсэн. Манай тусгаар тогтнолыг хүлээн зөвшөөрсний үр дүнд ЗХУ, Монгол Улс хамтдаа Японд дайн зарлаж, Хятад Улс харийн түрэмгийллээс салсан.

Avatar

Зочин 2020-02-10 103.57.92.62

Сталин Монголыг Балтийн 3 улс, Баруун польш, Руминий Бессараб, Молдавын хэсэг, баруун Украин, баруун Берлин зэрэг болон Хятадаас салгах, Японы эсрэг байлдах түшиц газар болгох наймаагаар сольсон юм. Хайртай дуртайдаа Монголын төлөө биш. 40000 монголыг алсан хүн.

Avatar

Иргэд 2020-02-10 66.181.182.237

Энэхүү дайны төгсгөлд ЗХУ буюу ОХУ манай тусгаар тогтнолыг даян дэлхийн хэмжээнд жинхэнэ утгаар нь хамгаалан баталгаажуулахад шийдвэрлэх үүрэг гүйцэтгэсэн гэдгийг бид үеийн үед мартах ёсгүй !
Сталины цуцалтгүй тулган шаардсаны дагуу Их гүрнүүд болон Хятад Улс Монгол Улсын тусгаар тогтнолыг хүлээн зөвшөөрч, түүхэнд хөдлөшгүйгээр баримтжуулан үлдээжээ.
Ингэснээрээ Хятад Улс Япончуудын эзэрхийллээс чөлөөлөгдөн, өнөөгийн Хятад Улс үүсэн хөгжих үндэс суурь нь бий болсон юм.

Avatar

zochin 2020-02-10 58.109.161.167

bas nazi manaid baidag bololtoi

Avatar

Зочин 2020-02-10 103.14.38.134

Мөнхийн эрх ашиг байхаас мөнхийн дайсан байхгүй гэж гадаад харилцааг тодорхойлсон байдаг.

Avatar

зочин 2020-02-10 202.9.46.37

Аль ч улс оронд түүх бол зүгээр л нэг шинжлэх ухааны салбар . Түүхийн маргаан бол эрдэмтэд , судлаачдын л маргаан . Гэтэл Оросууд болхоор энийг төрийн бодлого болгодог … Ерөнхийлөгч нь өөрийн биеээр түүхийн маргаанд оролцоод л , … Буруу шдээ …

Avatar

Монгол хүн. 2020-02-10 103.10.21.22

Дэлхийн 2 дугаар дайныг үүсгэгч нь Нацист Германы холбоотон ЗХУ мөн юм. ОХУ нь хөрш улсуудынхаа тусгаар тогтнол эрх чөлөөнд заналхийлэгч, булаан эзлэгч, луйварын эзэнт улс мөн билээ. Украйн улсыг Нео Фашист гэх боловч Украйн нь жинхэнэ чөлөөт демокракт сонгуулиар Еврей үндэстэн Зеленскийг сонгосон нь Украйн нь эрх чөлөөт улс болохыг харууллаа. 21 жил ОХУ зайдлан дарлагч Путин нь энэхүү луйварчин орчин цагийн дүрээ хувиргасан Нео Фашист мөнөөсөө мөн.

Avatar

иргэн 2020-02-10 202.179.25.62

Оросуудыг Яаж ч харлуулий гээд бодит Үнэнээс зайлж чадахгүй шүү дээ, Угаасаа Дэлхийн 2-р дайнд Орооууд Ялах нь тодорхой болчихсон байх үед Англи Америк ганц Оросуудыг Ялалт байгуулахыг хүсээгүй учраас аргагүй эрхэнд Холбоотон улсууд 2-р Фронтоо нээж Дайныг хамтарч дуусгасан Нэр зүүсэн нь Үнэн шүү дээ,

Avatar

Зочин 2020-02-10 64.119.26.104

Тийм бол 1941-1943 оны хүнд үед японы араас цохиж америкт туслахгүй яасан юм бол. Америкийн хамаг хүч Номхон далайн дайнд японтой зууралдаатай байсан. Японы десант Панамын суваг, Мадагаскар, Афганистанд буухаар төлөвлөж Дарвин, Сиатле хотууд бөмбөгдүүлж бүр Аляскийн нутагт байлдаан болж байсан үе шүү. Ийм аюултай үед чам шиг хүн л орос руу цэргээ явуулж авгай хүүхдээ хамгаалалтгүй орхих байхдаа. 1943 оны Гуадалканалын тулалдаанд японы флотыг бүрмөсөн бут ниргэсны дараа германы эсрэг хөдөлсөн.

Avatar

МАН-ЫН ГИШҮҮН 2020-02-10 192.82.70.211

ПУТИН ТОЛГОЙЛСОН ОРОСЫН ТӨР ТҮҮХЭН ҮНЭНИЙГ ГУЙВУУЛАХ ШИНЭЭР БИЧИХ ГЭЖ ЗҮСЭН ЗҮЙЛИЙН АРГА ХЭРЭГЛЭЖ ИРСЭН ИРСЭЭР Ч БАЙГАА !!! ГЭВЧ ТҮҮХ ТҮҮХЭЭРЭЭ Л ҮЛДЭНЭ !!!

Avatar

bao bao er 2020-02-10 202.179.31.108

Baabar Hujaa ahaa muuldaggui ni sonin.
USA-g magtaad oros-g muulaad … USA bol bas bohir zavaan EGOIST uls guren shu dee!!!!!!!!!

Avatar

1 2020-02-10 119.40.103.6

Орос ах

NewsMN Гар утасны хувилбар Татах
NEWS.mn

Мэдээллийн эх сурвалж