АНУ-ын Техас мужийн Сан Антонио хотын амьтны хүрээлэн Валентины баяраар нэгэн хачирхалтай үйлчилгээ санал болгож байна.

"Cry Me a Cockroach" нэртэй энэхүү арга хэмжээний үеэр та ердөө таван доллар төлөөд, хүссэн жоомоо хуучин амрагийнхаа нэрээр нэрлэж, амьтан хооллох боломжтой аж.

Мөн хамгийн сонирхолтой нь, та хуучин амрагийнхаа нэртэй шавьжийг идүүлж байх үед заавал амьтны хүрээлэнд байх албагүй. Энэ бүх үйл явцыг уг амьтны хүрээлэн фэйсбүүкийн “live”-аар шууд дамжуулан үзүүлэх юм байна.

Хэрэв та зоригтой нэгэн бол энэхүү бичлэгийг өөрийн цахим хуудастаа нийтэлж, тэр азгүй нэгэнд харуулж ч болох юм. Хүсэлтийг энэ сарын 13-ны өдрийн 17.00 цаг хүртэл “San Antonio Zoo” амьтны хүрээлэнгийн вэбсайтаар хүлээн авах юм байна.

Эх сурвалж: CNN