АНУ-ын Ерөнхийлөгч Дональд Трампын амийг хөнөөхөөр санаархсан, Флоридагийн хутгатай эрийг Цагаан ордны өмнө хоёрдугаар сарын 8-нд баривчилжээ.

Вашингтоны цагдаагийн газрын баривчилгааны мэдээллээс үзэхэд 25 настай Рожер Хеджпет гэгч АНУ-ын нууц албаны офицер дээр очиж "Би Ерөнхийлөгч Дональд Трампыг хөнөөхөөр ирлээ" хэмээн хэлжээ.

Хеджпет Трампыг хөнөөхдөө хутга ашиглана хэмээсэн тул офицер түүнийг нэгжиж, баривчилсан байна. Баривчилгаа хийсэн офицер хутгатай эрийг шалгах явцдаа сэтгэцийн эмгэгтэй хэмээн мэдэгдэж, сэтгэцийн эмнэлэгт шилжүүлсэн байна.

Эх сурвалж: cnn.com