Тайландын армийн оргодол цэрэг худалдааны төвд гал нээж, 26 хүнийг хөнөөн, 42 хүнийг шархтуулснаар олон нийтийг цочирдуулжээ. Түүнийг 12 цагийн турш эрэн сурвалжилсны дараа цагдаа нар Ням гаригт буудан хөнөөсөн байна. Сэжигтэн Жакрапхант Томмань Тайландын зүүн хойд хэсгийн Накхон Ратчасима мужийн “Terminal 21” худалдааны төвд гал нээжээ.

Жакрапхант Томма нь Тайландын 22-р зэвсгийн батальонд алба хаадаг байсныг Батлан хамгаалах яамнаас мэдээлсэн байна. Тэрбээр зэвсэг хулгайлж, дээд албан тушаалын өөр нэг цэргийг хөнөөн зугтсан аж. Одоогоор түүний халдлага үйлдсэн шалтгаан тодорхойгүй байна.

ЭХ СУРВАЛЖ: CNN