Зугаалдаг хүмүүсийнхээ төсвийг хас гэв | News.MN - Мэдээллийн эх сурвалж

Зугаалдаг хүмүүсийнхээ төсвийг хас гэв

Хуучирсан мэдээ: 2015.10.27-нд нийтлэгдсэн

Зугаалдаг хүмүүсийнхээ төсвийг хас гэв

УИХ-ын Аюулгүй байдал, гадаад бодлогын байнгын хорооны хуралдаанаар Монгол Улсын 2016 оны төсвийн хуулийн төслийн хоёрдугаар хэлэлцүүлгийг хийлээ.

Засгийн газар 2016 оны төсвийн хуулийн төслийг өргөн мэдүүлэхдээ батлан хамгаалах салбарын хувцас, сургалтын зардлыг Зэвсэгт хүчний хөгжлийн сангаас гаргахаар тусгажээ. Нийтдээ 5.3 тэрбум төгрөгийг тус сангаас босгохоор төлөвлөсөн байв. Мөн Тагнуулын байгууллагын тухай хуульд өөрчлөлт оруулах хуулийн төслийг өргөн мэдүүлсэн байлаа.

Эдгээр асуудлыг байнгын хороогоор хэлэлцэх шатанд УИХ-ын гишүүн Н.Номтойбаяр “30 гаруй агентлаг байдгаас хэдхэн нь тусгай чиг үүрэгтэй ажилладаг. Гэтэл Тагнуулын төсвийг танахаар хуульд нь өөрчлөлт оруулахаар оруулж ирж байгааг дэмжихгүй.

Тагнуул гэдэг халаасны хулгайч нарын араас хөөцөлддөг ажил биш, нэг гүйцэтгэх ажлын араас 4-5 жил явдаг. Эмч, багш нарын цалинг хасахаас айгаад оруулж ирээгүй хэрнээ тусгай хүчнийхэн рүү халдаж байна. Энэнийхээ оронд гадаадад амардаг хүмүүсийнхээ төсвийг хас” гэв.

УИХ-ын дарга З.Энхболд тус байнгын хороонд харьяалагддаг салбарынхныг 10 жилийн хугацаанд зардал нь хэдэн хувиар өссөн бэ гэдэгт тодорхой хариулт өгөхийг хүсэв.

Батлан хамгаалах яамны холбогдох албаны хүний тайлбараар бол тус салбарын төсөв 2008 онд 89.9 тэрбум, 2015 онд 202.5 тэрбум төгрөг болж, үндсэндээ 10 дахин өссөн байна. Цөмийн энергийн газар нь Ерөнхий сайдын мэдэлд очиж, төсвийг нь энэ онд 1.3 тэрбум төгрөгөөр баталж өгсөн гэх хариултыг тус бүр өгөв.

Улмаар зарчмын зөрүүтэй саналаар санал хураалгах шатанд УИХ-ын гишүүн Н.Номтойбаяр Тагнуулын байгууллагын тухай хуульд өөрчлөлт оруулах тухай хуулийн төслийг буцаах санал гаргасан нь олонхийн дэмжлэг хүлээлээ.

Уг нь Сангийн сайд Б.Болор дээрх хуульд өөрчлөлт оруулахаар Засгийн газар өргөн мэдүүлсэн нь Тагнуулын байгууллагын төсвийг танана гэсэн үг биш гэдэг тайлбар хийж байсан ч гишүүд Н.Номтойбаяр гишүүний саналыг дэмжсэн.

Мөн байнгын хорооны дарга, УИХ-ын гишүүн Ж.Энхбаяр “Хуульд зааснаар зэвсэгт хүчний хувцас, хоолны зардал төсөвт сууж байх ёстой. Гадны эх үүсвэрт найдах нь эрсдэлтэй. Тийм учраас төсөвт суулгах санал гаргаж байна” гэсэн нь олонхийн дэмжлэг хүлээсэн юм.

Тус байнгын хороогоор хэлэлцсэн хоёр дахь асуудал нь Ялтан шилжүүлэх тухай Европын зөвлөлийн конвенцид нэгдэн орох тухай хуулийн төслийг хэлэлцээд дэмжлээ.

Монгол Улс гадаад орнуудтай ялтан шилжүүлэх асуудлыг зохицуулсан хоёр талт гэрээг БНСУ, БНХАУ, ОХУ, Канад, Польш, Турк, Куба зэрэг 7 улстай байгуулсан байдаг аж.

Харин ялтан шилжүүлэх тухай гэрээ байгуулаагүй аливаа улстай ялтан шилжүүлэх асуудлыг дипломат шугамаар дамжуулан тухай бүр харилцан тохиролцож шийдвэрлэх шаардлагатай болдог бөгөөд ялтан шилжүүлэх талаар аливаа баримт бичиг байгуулаагүй тохиолдолд ялтан шилжүүлэхээс татгалздаг зарим улстай (тухайлбал АНУ) ялтан шилжүүлэх асуудлыг шийдвэрлэх боломжгүй байдаг.

Тиймээс Ялтан шилжүүлэх тухай Европын зөвлөлийн конвенцид нэгдэн орсон улсуудтай тус бүртэй нь ялтан шилжүүлэх тухай хоёр талт гэрээ байгуулахын оронд тус конвенцид нэгдэж орох нь ач холбогдолтой гэж үзжээ. Ингэснээр тус конвенцийн гишүүн улсуудтай эх орондоо ялаа эдлэхийг хүссэн иргэдийг шилжүүлэх харилцааг зохицуулсан эрх зүйн үндэс бүрдэх юм байна. Ийм харилцааг бүрдүүлснээр Монгол Улсын иргэд олноор зорчиж, амьдарч, суралцаж байгаа Их Британи, Умард Ирландын Нэгдсэн Вант улс, Герман, Бельги, Ирланд, Филиппин, Америк, Австрали, Япон зэрэг улсуудтай эх орондоо ялаа эдлэхийг хүссэн иргэдийг шилжүүлэх харилцаа бүрдэх аж.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

ЗҮЧИН 2015-10-27 202.131.225.147

ХЭРЭГТЭЙ ХЭРЭГГҮЙ ЗАРДЛАА ХАССАН ДЭЭР ДЭЭ, унадаг машинаа та нар прус болгоод гадаад явахдаа хэрэгтэй хэрэггүй юмнууд дагуулж явдагаа больвол таарна, их зантай төрийн харьцаа муутай төрийн албан хаагчдыг орон тоог цомхотгож хийж чаддагт нь нэмэгдэл өгч ажлуулах хэрэгтэй.

ннн 2015-10-27 122.201.25.46

Ерөөсөө гадаадад айлчлах, аялахаа боль.

Зочин 2015-10-27 103.229.120.38

АН-Н ГАДААДАД СУРГУУЛЬ СОЁЛЫН МӨР ХӨӨЖ ҮЗЭЭГҮЙ ШҮҮ ДЭЭ БАТҮҮЛ СОСОРБАРАМ НАРААС АВХУУЛААД ОЛОН ХҮН БИЙ ДЭЭ ОДОО НЭГ ЯЛСАН ДЭЭРЭЭ ОЮУНЫ ХОМСДОЛТОЙ ҮР ХҮҮХДҮҮД АХ ДҮҮ НАРАА ЮМ ҮЗҮҮЛЖ НҮД ТАЙЛУУЛЖ БАЙГАА ЮМ БАЙЛГҮЙ ДЭЭЭ ХӨӨРХИЙС НҮДЭЭР ҮЗЭЭД ӨНГӨРӨХ Ч ЯАХ ВЭ МӨН ЧАНАРЫГ НЬ ДААНЧ ОЙЛГОХГҮЙ МОДНУУД ЯВЖ БАЙГАА Л ДАА ХАРАМСАЛТАЙ НЬ

Зочин 2015-10-27 43.242.243.53

энэ ЭШАд мэргэжлийн хүмүүст нь төсөл өгөхгүй мөртөлөө ямар ч юм бүтээхгүй багш нарт, тэр яамны ажилтан нь хүртэл өөрөө 2-3 нь төсөл авчихсан цалингийнхаа хажуугаа сууж байдгийг хуулиар болиул. БЯ-ны хуулиуд гэж дандаа өөрсдөдөө зориулсан давхар цалин идэх гэсэн хуулиуд. за тэгээд үр дүн гаргачихдаг бол яахав, гаргахгүй. гарчихдаг юм бол нар баруунаас гарна. Монголд төсөл хийх онцлог ч гэх шиг тэнэг сэдэвээр төсөл хариуцсан мэргэжилтэн нь өөрөө өөрийгөө шалгаруулаад мөнгө идээд байдаг.

зочин 2015-10-27 103.229.120.66

Батлан хамгаалах гэлтгүй төрийн албаныхан бөөн бөөнөөрөө гадаадад аялдаг бие биенийгээ өөрсдийгөө тэрбумаар шагнаад байдаг мөнгөнүүдээ боличихвол нилээн мөнгө хэмнэх баймаар юм.Угаасаа бага цалинг хасах тухай ярьж байдаг. еоое еоое

митирим 2015-10-27 202.179.10.150

Тагнуулынханы төсөвийг хасна,танана гэж ярьдаг сайд нарыг шар хаданд хэвтүүлвэл таарна,ингэж тэнэгтэхийн оронд эхнэр хүүхдээ дагуулаад гадаадруу доншуучилдагаа л боль,ялтан шилжүүлэнэ гэж дэмий юм төсөвлөхийн оронд хүн толгойтой болгон нь гадагшаа тэнэж хэрэг төвөгт орооцолддогоо багасгах хэрэгтэй,ер нь эрүүгийн эльментүүд,эдийн шуналтан,хулгайч,худалч,***** элдвийн янхануудаа хилийн дээс алхахыг нь зогсоолдоо,гадаад зарим оронд НОХОЙ-МОНГОЛ хоёроос бусдад нь үйлчлэнэ гэж хаяг тавьсан гэх онигоо нэгийг хэлээд байгаа юм биш үү?

-цё 2015-10-27 150.129.142.135

Энэ төриихнии гар утас руу залгахаар дандаа гадаадад явж байх юм Яагаад зугаалганд иим их мөнгө үрж байнаа Гадаад явснаараа хөгждөг бол монгол өдиид тасарчмаарын Сингапурын Ли Кван Юуи байх хугатсаандаа ганц хоёр удаа л гадаад явсан байдгиин Улсаа хөгжүүлэхэд улсдаа л байж гэмээ нь хөгжмөөриин Манайхан гадаадын буудалд очиж хэвтэхээр гэнэт толгойд нь санаа ордгымуу яадгын бол

Зочин 2015-10-27 103.229.120.147

Монголын Тагнуул, Батлан хамгаалах гэж ёстой ор нэрийн төдий байгууллагад татвар төлөгчдийн хайран мөнгийг хий дэмийй урсгах юм даа!!! Хэнтэй байлдах юм бэ? ТЕГ-т мэргэжлийн кадр үгүй болж, гудамжны банди нараар дүүрсэн!!!

Зочин 2015-10-27 202.126.89.199

Гадаад орнуудад батлан хамгаалах салбараас суралцдаг хүмүүсийн тоо маш их.Зөвхөн АНУ, ХБНГУ л бүх зардлыг нь даадаг тул тэнд очиж суралцах хүмүүсийн хэлний бэлтэглийг маш хатуу шалгаж суралцуулдаг:Бусад орнуудын хувьд БХЯ-ны дарга нар үзэмжээрээ сонгож бараг хахуулиар явуулдаг тул очиж суралцах хүмүүсийн амын зардалд маш их мөнгө урсдаг.Үүнийг бас болиулах хэрэгтэй:Батлан хамгаалах салбарт зайлшгүй шаардлгатай зарим мэргэжлээс бусад дотооддоо бэлтгэдлэг мэргэжлээр гадаадад суралцуулах шаардлагагүй.Хэдйигээр хүлээн авагч орон замын зардлаас бусдыг нь даадагч гэсэн манай талаас буюу татвар төлөгчдийн мөнгөөр замын зардалд онгоцны 2 талын билет гэхэд л доод тал нь 2 сая төгрөг болдог.Үүнийг явж буй хүний тоогоор үржүүлэхэд сансрын тоо гарна.

Зочин 2015-10-27 202.126.89.199

Батлан хамгаалах салбарын төсөв 2008 онд 89.9 тэрбум, 2015 онд 202.5 тэрбум төгрөг болж, үндсэндээ 10 дахин өссөн байна гэдэг нь энэ салбарын ихэнх дарга сайд генерал хурандаа нар мөн олон жижиг хурган дарга нар гадаад хамтын хамтын ажиллагаа нэрийн дор гадаадад айлчлал нэрээр их доншуулчилдаг.Замын зардлаас гадна гадаад томилолтын мөнгө гэж хоногийн 100 доллароор бодож авьсан мөнгөө ихэнх нь хувьдаа завшдаг.

Зочин 2015-10-27 122.201.21.41

Гадаадад томлилтоор яваад ирэгсэд хуурамчаар баримт бүрдүүлж ирээд өөртөө мөнгө унагаадаг. Энэ нь ч зөв байх, хүний нохой идхээр өөрийн нохой идсэн дээо гэж. Ер нь гадаад томилолтын зардлыг эргэж ирээд санхүүтэй байр, хоолны тооцоо хийхгүйгээр журумыг өөрчилсөн дээр байх