Засгийн газар  өнгөрсөн  долоо хоногийн хуралдаанаараа Байгаль орчин, аялал жуулчлалын яамны /БОАЖЯ/  төрийн нарийн бичгийн даргын томилгоог хэлэлцсэн. Улмаар тус яамны төрийн нарийн бичгийн дарга Ц.Цэнгэлийг чөлөөлж, Д.Ганболдыг томилсон билээ. Ц.Цэнгэл нь Монгол Улсаас Болгар улсад суух Элчин сайдад нэр дэвшсэн ч  Ерөнхийлөгч Х.Баттулга дээрх 11 хүнийг Элчин сайдаар томилох саналыг түдгэлзүүлснээр УИХ-ын хаврын чуулган нээгдтэл энэ асуудлыг хэлэлцэх боломжгүй болсон юм.

БОАЖЯ-ны төрийн нарийн бичгийн даргаар томилогдсон Д.Ганболд нь Засгийн газрын Хэрэг эрхлэх газарт Захиргаа, хүний нөөцийн газрын даргаар ажиллаж байсан юм. Түүний намтрыг танилцуулъя.

• 1982 онд Хөвсгөл аймгийн Алаг-Эрдэнэ суманд төрсөн.
• Эхнэр, хүүгийн хамт амьдардаг.
• 2003 онд МУИС-ийн Эдийн засгийн сургууль
• 2014 онд Худалдаа үйлдвэрлэлийн дээд сургуулийг төгссөн.
• Статистик-эдийн засагч мэргэжилтэй.
• Эдийн засгийн ухааны магистр.
• 2003-2004 онд УИХ-ын Тамгын газарт УИХ-ын гишүүний туслах,
• 2006-2016 онд Засгийн газрын Хэрэг эрхлэх газарт шинжээч, Засгийн газрын референт,
• 2015 онд Сангийн яаманд Төрийн захиргааны удирдлагын газрын дарга,
• 2016 оноос Засгийн газрын Хэрэг эрхлэх газрын Захиргаа, хүний нөөцийн газрын даргаар тус, тус  ажиллаж байжээ.

Э.БУРАМ