“Алтан намар”-ын шилдэг бүтээлүүд шалгарлаа | News.MN - Мэдээллийн эх сурвалж

“Алтан намар”-ын шилдэг бүтээлүүд шалгарлаа

Хуучирсан мэдээ: 2015.10.27-нд нийтлэгдсэн

“Алтан намар”-ын шилдэг бүтээлүүд шалгарлаа

Монголын хөгжмийн зохиолчдын оны шилдгийг шалгаруулдаг “Алтан намар” наадам 34 дэх жилдээ амжилттай болж өндөрлөлөө. Энэ сарын 21-нд нээлтээ хийж8 найрхал, хөгжмийн бүтээл, гоцлол болон дан, цөөхүүл хөгжмийн тоглолтоор үргэлжилсэн энэ жилийн наадмын шилдэг бүтээлээс бүрдсэн хүндэтгэлийн тоглолт ням гаригт Улсын филармонид болжээ.

Энэ жилийн наадамд 22 хөгжмийн зохиолч 30 гаруй бүтээлээ сойсноос шилдэг есөн бүтээлийг тоглолтын үеэр хүргэж, төрийн урын санд худалдан авах зургаан бүтээлийг тодруулсан байна. Үүнд, хөгжмийн зохиолч Г.Төвшинтөрийн “Эвэр бүрээ, үндэсний найрал хөгжимд зориулсан рапсоди”, Ш.Өлзийбаярын “Төгөлдөр хуурын рапсоди”, Б.Батболдын “Чавхдаст хөгжимд зориулсан дөрвөл”, Д.Ариунболдын ятга симфони найрал хөгжимд зориулсан “Ятгын аялгуу”, Э.Доржсүрэн “Төгөлдөр хуур, симфони найрал хөгжимд зориулсан радсоди”, Б.Энхбаярын “Оршихуйн үнэн” ораторын хоёрдугаар анги багтсан юм. Улс орны эдийн засаг хүндхэн байгаа гэсэн шалтгаанаар БСУШЯ-наас уг наадамд санхүүгийн дэмжлэг үзүүлээгүй ч олны дэмжлэгээр “Алтан намар”наадам боллоо. Хаалтын тоглолтын үеэр “Үйлдвэрлэл дагнасан сэргэн мандалт” группийн үүсгэн байгуулагч Б.Төмөрчулуун ирэх жилийн наадмыг ивээн тэтгэнэ гэдгээ албан ёсоор зарласан нь уран бүтээлчдэд томоохон бэлэг барьсан юм.

Төрийн хошой шагналт, хөгжмийн зохиолч Н.Жанцанноровын ая, Д.Цэдэвийн шүлэг “Алтан намар” дууг Ардын жүжигчин Б.Зангад амилуулсан билээ.

Ургацын талбайд хөгжөөн тасрахгүй

Уудам бэлчээрт шуугиан татрахгүй

Алтан намар он жил улиран дуурсгалтай

Аяны шувуудыг дагаад нисчихгүй нь сайхан

Ай даа намар цаг

Алтан сайхан цаг …

Ч.БОЛОР

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

jaahan sonin yum 2015-10-27 202.21.125.130

Э.Доржсүрэн “Төгөлдөр хуур, симфони найрал хөгжимд зориулсан радсоди”korea kino nii hugjim shig buteel mergejliin uran butreel munuu????erhem shuugch naraa