Финланд шинэхэн аавд 6.6 сарын цалинтай чөлөө олгоно | News.MN

Финланд шинэхэн аавд 6.6 сарын цалинтай чөлөө олгоно

Финланд шинэхэн аавд 6.6 сарын цалинтай чөлөө олгоно

Финланд шинэхэн аавд 6.6 сарын цалинтай чөлөө олгоно

Финландын шинэ засгийн газар аавуудыг хүүхдүүдтэйгээ илүү их цаг өнгөрөөдөг болгохын тулд ээжүүдэд өгдөгтэй ижил хугацааны чөлөө өгч байхаар болжээ.

Шинэ журмын дагуу шинэ төрсөн хүүхдийн эцэг, эх хоёрт нийт 14 сар буюу тус бүр 164 ажлын өдрийн (зургаан өдрийн тогтолцоотой)  цалинтай чөлөө олгох гэнэ.

Хөрш Швед орон нь харин эцэг эхчүүдэд 240 өдрийн цалинтай чөлөө олгодгоороо Европдоо шинэ эцэг, эхийн чөлөөний журамд хамгийн өгөөмөр ханддаг улс хэмээгддэг билээ.

Финланд энэхүү өөрчлөлтөө "ард түмний аз жаргал, хүйсийн тэгш эрхийн төлөө" хэмээн тодорхойлж байгаа гэнэ. Эрүүл мэнд, нийгмийн хамгааллын сайд Айно Кайса Пеконен "Эцэг, эх болон хүүхдийн халуун дотно харилцааг анхнаас нь дэмжсэнээр эрүүл гэр бүл үүсэх нь манай улсад ашигтай" хэмээн тайлбарлажээ.

Финландад одоогийн мөрдөж байгаа хуулиар шинэ эцэг, эхэд олгох чөлөөний журамд хүүхэд төрсний дараа ээжүүдэд 4.2 сарын чөлөө олгох ба аавуудад хүүхдээ хоёр нас хүрэхээс өмнө 2.2 сарын чөлөө авах боломж олгодог. Бас нэмэлтээр зургаан сарын чөлөөг эцэг, эх хоёр хувааж авах боломжтой байдаг гэнэ. Гэвч харамсалтай нь дөрвөн аав тутмын нэг нь л чөлөөгөө авдаг ажээ.

Харин шинэ системийн дагуу эцэг, эх хоёул 6.6 сарын цалинтай чөлөө авч болох аж. Мөн жирэмсэн эхчүүдийн чөлөөний хугацаа нэг сараар нэмэгдэх гэнэ.

Дээрх чөлөөнөөс эцэг эхчүүд 69 өдрийг бие биедээ шилжүүлэх боломжтой бөгөөд ганц бие аав/ээж аль алиных нь чөлөөг буюу нийт 14 сарын чөлөө авах боломжтой гэнэ.

Финландын Ерөнхий сайд Санна Марины хэлснээр улс орныг хүйсийн тэгш эрхтэй болгох олон арга байгаа бөгөөд өнөөгийн байдлаар маш цөөхөн аавууд л хүүхдээ бага байхад нь хамт байх боломжтой байгаа аж.

Европчууд энэ жишгийг дагаж байна. Ослогийн их сургуулийн профессор Анн Лиз Эллингсер умардын улсууд аавуудад өгдөг чөлөө(ээжид шилжүүлэх боломжгүй)-гөөрөө тэргүүлж байгаа талаар ярьжээ.

Европын холбоо энэ жишгийг 2019 оноос дагаж гишүүн орнуудад гурван жилийн дотор эцэг, эхэд өгдөг цалинтай чөлөөг дор хаяж дөрвөн сар(хоёр сарыг нь шилжүүлэх боломжгүй) болгох захирамж гаргажээ. Харин Португаль аль хэдийн захирамжийг дагаж эцэг, эх нарт 120 хоногийн 100 хувь цалинтай чөлөө, 30 хоногийн 80 хувь цалинтай чөлөө олгодог болсон байна.

Мөн Данид аавууд хүүхэд төрснөөс хойш хоёр долоо хоногийн чөлөө, аав, ээж дундаа 32 долоо хоногийн чөлөө авдаг байна.

Эх сурвалж: bbc.com

Энэ мэдээнд өгөх таны сэтгэгдэл?
6
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Лорд 2020-02-07 103.26.195.141

Скандинавын аль нэг улсын аятайхан эмэгтэйг авч сууя дөө.Эр хүнийг ч гэсэн ойлгож дэмждэг төр засагтай, хууль журамтай юм байна.Энэ чинь бараг эхнэртэйгээ хамт декрит авчихдаг газар байна ш дээ.

Avatar

зочин 2020-02-07 182.160.34.20

дарханы 3 хөөрхөн хүүхэд амь үрэгдчихээд байхад тэр учрыг нь олоогүй сэтгэгдэл бичиж байгаа ШУЛМАСНУУДЫГ та нар харсан уу, эмэгтэй хүний эрхээр тархиа угаалгасан ШУЛМАСНУУД аав руу нь шууд дайрч байна лээ, гэтэл тэр аав, ээж хоёулаа шоконд орж ухаан алдаж, тэдний тайвшруулах гэж оролдож байдаг, тэгэхлээр энэ эмэгтэйчүүдийн эрхийг хэт ярьж, эрчүүдийг дорд үзэх хандлагыг бий болгож, эмэгтэйчүүдийг эрчүүдийн эсрэг болгож ШУЛАМ болгодог тархи угаалтыг төр минь зогсоож хайрла, эрчүүд ч бас хүн

Avatar

Зочин 2020-02-07 66.181.185.168

Финланд чинь Монголчуудыг орохыг нь хориглосон улс шүү дээ.

NewsMN Гар утасны хувилбар Татах
NEWS.mn

Мэдээллийн эх сурвалж