Сангийн мөнгө шамшигдаад өнгөрөх үү? | News.MN

Сангийн мөнгө шамшигдаад өнгөрөх үү?

Сангийн мөнгө шамшигдаад өнгөрөх үү?

Төрийн мөнгө ёолдоггүй гэж Б.Баабар нэгэнтэй бичсэн байдаг. Татвар төлөгчдийн мөнгөөр санхүүждэг Төрийн сангууд өдгөө  албан тушаалтнуудын “авлига”-ын үүр уурхай болсон. ЖДҮХС-гийн мөнгийг УИХ-ын МАН-ын гишүүд жигд хувааж идсэн нь баримт нотолгоотойгоо дэлгэгдсэн. Тариалан эрхлэлтийг дэмжих сан, Мал хамгаалах сантай холбоотой дуулиан ч тасардаггүй.

Тусгай сангуудыг сааж, хөлждөг дарга нарын хэрэг үргэлжилсээр, Шинжлэх ухаан технологийн сангийн захирлаар ажиллаж байсан Дамдингийн Энхжаргалтай холбоотой асуудал сөхөгдөөд байна. Түүний өөрийгөө ёс зүйтэй сайн ажилласан гэх гомдлын дагуу шүүх хурал ирэх Даваа гаригт болох аж.  Гэтэл “ёс зүйтэй” гэх Д.Энхжаргал дарга  2016 оны арваннэгдүгээр сараас 2019 оны нэгдүгээр сар хүртэл тус сангийн захирлаар ажиллахдаа бүтцийн өөрчлөлт хийж,  орон тооны бус зөвлөлийг байгуулан, урамшуулал нэрээр 7.5 сая төгрөгийг зувчуулсан байж болзошгүй гэх асуудалд нэр холбогдсоноор энэ бүхэн эхлэжээ. Тэрчлэн Шинжлэх ухааны технологийн санд огт ажилладаггүй хүнийг техникчийн орон тоонд томилж, 3.8 сая төгрөг олгосон, уг хүнийг сангийн ажилчид огт харж байгаагүй аж. Харж байгаагүй гэдгээ ажилчид нь батлаж гарын үсэг хүртэл зурж шалгалтынханд өгсөнийг та доорх баримтан дээрээс харж болно.

Үүгээр ч зогсохгүй өөрийн төрсөн дүү  Дамдингийн Амгалан-Энхийг 2016 оны арванхоёрдугаар сард сангийн мэргэжилтнээр ажил авахдаа Дамирангийн болгож овгийг нь өөрчилсөн байдаг. Цалингийн цэс дээрээ Дамирангийн Амгалан-Энх гэж бичээд сар бүр 536 мөнгөн төгрөгийн цалин олгодог байж. Гэвч, цалинг нь шилжүүлэхэд хэд, хэдэн удаа буцаагдсанаар Дамдин овогтой болохыг нь хамт ажиллагсад нь мэдсэн байна.  Эцгийнхээ нэрнээс татгалзан байж дүүгээ сангийн мөнгөөр тэжээсэн баримт нь энд байна.

Түүний сангийн мөнгийг хууль бусаар захиран зарцуулсан явдал үүгээр дуусахгүй аж.  Сангийн нэрээр захиалгат төсөл хэрэгжүүлэхээр 89 сая төгрөгийн гэрээнд санхүүжүүлэгчийг төлөөсөн атлаа өөрөө гүйцэтгэгчээр орж өөрөө өөртэйгээ гэрээ байгуулж мөнгө авсан ашиг сонирхлын зөрчил гаргажээ.  Энэ мэт 130 сая төгрөгийн хохирол улсад учруулсан ч ямар ч хариуцлага хүлээгээгүй ажлаасаа гарсан аж. Тиймээс боловсролын яамны зүгээс шинжлэх ухаан технологийн санг хохиролгүй болгох үүднээс түүнд эрүүгийн хэрэг үүсгэн шалгаж өгөх хүсэлтийг хуулийнханд гаргасан байна.

Д.Энхжаргал нь 2012-2015 оны хооронд Засгийн газрын хэрэгжүүлэгч агентлаг болох Худалдан авах ажиллагааны даргаар ажиллаж байхдаа АТГ-д шалгагдаж байсан.  Тодруулбал, УИХ-ын гишүүн Ч.Улаан, З.Баянсэлэнгэ нарт хууль бусаар тендер авч өгсөн гэх асуудлаар түүнийг АТГ шалгаж байсан юм.

Д.Энхжаргалыг Ч.Улааны хүн гэсэн яриа байдаг. Яам бүрийн дэргэд сан байгуулдаг. Түүгээр дамжуулан мөнгө шамшигдуулдаг энэ мэт байдлыг халж сангийн хуулийг шинэчлэх саналыг сангийн сайд Ч.Хүрэлбаатар цухас дурдаад өнгөрсөн. Эрх баригчид энэ мэт чухал ажлаа л сонгуулийн өмнө хийх цаг болсон байна даа.

 

Энэ мэдээнд өгөх таны сэтгэгдэл?
4
ХарамсалтайХарамсалтай
2
БурууБуруу
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-02-07 124.45.101.202

Яагаад ийм олон хүний регистрийн ба дансны дугаарыг нийтэд ил болгож зарлаж байгаа юм бэ? Эдгээр нь нууц байх ёстой биш үү? Үүний цаана ямар учир байна вэ?

Avatar

тийм 2020-02-07 192.82.66.22

Харин тийм.

Avatar

Зочин 2020-02-07 64.119.17.88

Монгол хүүхнүүд нь хулгайч эрчүүдийнхээ араас орлоо л доо!!! Муу юм халдвартай учраас ингэдэг юм даа! Уул нь манай монголчууд цөөхүүлээ учраас Төрийн дээд албан тушаалтнууд нь үнэхээр чин үнэнч шударга хүн байвал доош доошоо сүлжсэн хулгайг таслан зогсоох тун ч амархандаа!! Даанч Дээдчүүд маань өөрсдөө хулгай хийдэг учраас доошоо шаардлага тавих нүүргүй, хэцүү байгаа л даа, зайлуул!!!!

Avatar

Зочин 2020-02-07 203.169.48.146

Худлаа ярих, хулгай хийхдээ сайн авгай шүүүү

Avatar

zochin 2020-02-07 66.181.186.60

ENEASUUDLYG ATG SHALGADAGGUI YUM UU XAASHAA YUM LUIVARCHIN L BNA

Avatar

Зочин 2020-02-07 202.131.235.198

ЗХУ, ОХУ болон СНГ-д 5 жил сурч төгссөн хүмүүүст магистрийн гэрчилгээ нөхөн олгож байна. Утас: 88671597

Avatar

Зочин 2020-02-07 103.14.38.137

Мөнгө идсэн юм бх даа, уг нь их л шударга хүн дээ. Өмнө нь ажиллаж бсан Б гэдэг нөхрийн холбоосууд энэ хэргийг өдөөсийн биш бз дэ. Тэнд бүхэл бүтэн мафи ажиллаж улсын мөнгийн идэх биш ууж өгсөн дөө. Одоо яамны нэрээр мөнгө идэж байгаа.

Avatar

Amar 2020-02-07 182.160.39.145

Энэ хүний ард Тэрбишдагва байдаг.Яагаав ТБД-г МАХН-аас загатахад МАХН-ын гишүүд энэ хүүхнийх нь нүүррүү оймс шидээд байгаагүй юу.

Avatar

Загдаа 2020-02-07 64.119.19.251

TЭнэ тун эвгүй хүн юм байна даа.Дандаа л би төрийн л хүн гээд донжгоноодтбайдаг их зантай

Avatar

zochin 2020-02-07 202.179.31.28

Hunii register, avdag tsalin huvi hunii nuutsad orno biz dee

Avatar

Зочин 2020-02-07 183.81.171.2

Регистр нууц байх эсэх талаар мэдэхгүй байна. Харин хүмүүсийн татварын мөнгөөр цалинждаг Төсвөөс мөнгө гарч байгаа тохиолдолд нууц байх ёсгүй. Татвар төлөгч хэнийг хэдэн төгрөгөөр цалинжуулж байгаагаа мэдэх эрхтэй.

Avatar

Зочин 2020-02-07 203.91.115.45

Энэ нэг шамшийсан шар авгай одоо энд тэнд төсвийн мөнгө гудраад л явах юм.

Avatar

zochin 2020-02-07 202.179.31.28

naad asuudal chini yahav shalgagddag yum bgaa biz. Barimtad tsug bgaa humuusiin ovog ner registriig ingej tsatsaj bolj bgaa yumuu

Avatar

Зочин 2020-02-07 66.181.188.252

ЭНЭ НЭГ БАЛИАР АВГАЙ ДАНДАА ТӨСӨВ МӨНГӨТЭЙ ХОЛБООТОЙ АСУУДАЛ ҮҮСГЭХ ЮМАА. УРЬД НЬ ХУДАЛДАН АВАХ АЖИЛЛАГААНЫ ГАЗРЫН ДАРГА БАЙХДАА БАС БААХАН МӨНГӨ ИДЭЖ УУСАН АСУУДАЛД ОРООД БАЙСАН. ЭНЭ ХҮНД МОНОЛ ТӨР ЯМАР ӨРТЭЙ БОЛООД ЯАГААД ДАНДАА МӨНГӨ ЗАХИРАХ ЭРХ МЭДЭЛ ОЛГООД БАЙНА.

Avatar

зочин 2020-02-07 64.119.21.153

муу сайн луйварчид төрд шургалж ингэж мөнгө иддэг юм бна л даа. төрсөн эцгээсээ татгалзаж таван цаасны төлөө овгоо солих ч гэж дээ. арилсан дотортой авгай бна даа

NewsMN Гар утасны хувилбар Татах
NEWS.mn

Мэдээллийн эх сурвалж