Нийслэлийн Баянгол дүүргийн 16 дугаар хороо, Туулын хоёрдугаар гудамжинд гэр хаусын дээвэр шатаж байна гэсэн дуудлага өчигдөр /2020.02.05/  21.50 цагт нийслэлийн Онцгой байдлын газарт иржээ. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах ангийнхан 22:01 цагт очиж, иргэн Г-ын 14х30 метрийн хэмжээтэй гурван давхар байшингийн дээврийн хэсэг, таван ханатай хоёр гэр тус тус шатаж байсныг хоёр цаг ажиллаж унтраасан байна.

Мөн өчигдөр (2020.02.05) Дархан-Уул аймгийн Дархан суманд бага насны гурван хүүхэд хэрэглээний халуун усанд түлэгдэж нас барсан харамсалтай хэрэг гарчээ. Тус аймгийн Онцгой байдлын газрын алба хаагчид дуудлага мэдээллийн дагуу 17:30 цагт очиж, нас барсан 5 настай Я, 4 настай эмэгтэй А, 1 нас 6 зургаан сартай эмэгтэй Ц нарын цогцсыг тус аймгийн Нэгдсэн эмнэлэгт хүргэсэн байна. 

Иргэн Ч Орхон аймгийн Баян-Өндөр сумын харьяат бөгөөд 2019 оны есдүгээр сараас Дархан-Уул аймгийн Дархан суманд гэр бүлээрээ түр ирж, иргэн Г-ын эзэмшлийн дөрвөн өрөө байрны нэг өрөөг түрээсэлж амьдарч байжээ. Ажлын хэсэг тухайн айлд очиход угаалтуурын хэсэг бөглөрч, хэрэглээний халуун ус хальж /шалнаас 2.5 см/ гоожсон байдалтай, хальсан усан дотор уртасгагч залгуур цахилгааны эх үүсвэрт залгаатай орох боломжгүй байсныг аюулгүй болгожээ. Цагдаагийн болон прокурорын байгууллагаас ослын газарт үзлэг хийж байна.

Э.БУРАМ