Шинэ төрлийн коронавирусийн халдвар авсан хүний тоо хоногт 4000 орчмоор өсч, өнөөдөр өглөөний /2020.02.06/ байдлаар дэлхий даяар 28259 болоод байна. Халдвар авсан байж болзошгүй хүний тоо 24000 орчим байгаа юм. Түүнчлэн нас барагсдын тоо 74-өөр нэмэгдэж 565 болжээ. Харин эдгэрсэн өвчтөний тоо 260 гаруйгаар нэмэгдэж, нас барагсдынхаас хоёр дахин их буюу 1162 болжээ.

Зөвхөн Хятад улсад халдвар авсан 28060 хүн байгаа бол бусад 25 улсад 200 орчим тохиолдол бүртгэгдээд байна. Өмнөд Солонгост гэхэд дахин дөрвөн тохиолдол бүртгэгдэж, нийт 23 хүн уг өвчнөөр өвчлөөд байна.