Автомашин борлуулалт муудсан ч ҮНЭ НЬ ӨСЧЭЭ | News.MN

Автомашин борлуулалт муудсан ч ҮНЭ НЬ ӨСЧЭЭ

Автомашин борлуулалт муудсан ч ҮНЭ НЬ ӨСЧЭЭ

Автомашин борлуулалт муудсан ч ҮНЭ НЬ ӨСЧЭЭ

Цагаан сар айсуй. Монголчууд эртнээс сар шинээ хир буртаггүй, элбэг дэлбэг угтвал ирэх оны өнгө нь сайхан байх болно хэмээн бэлгэшээдэг ард түмэн. Гэвч энэ уламжлал сүүл, сүүлдээ утгаа алдаж тавгийн идээ, шүүсээс эхлээд өмсч зүүх гоёл, бэлэг сэлт, унаа машин гээд өөр хоорондоо уралдаж, баярхсаар цагаан сарыг дэндүү нүсэр тэмдэглэдэг болсон. Үүндээ ч олонх нь түүртэж, эдийн засгийн хямралд орох нь бий.

Цагаан сар, наадмаар аль болох гоёлын дээл, гэрийн тавилга, төмөр хүлгээ жил бүр шинэчлэхэд ач холбогдол өгдөг хүмүүс олон. Тиймээс хүмүүсийн энэхүү эрэлтийг дагаад автомашины үнэ баярын өмнө эрс өсдөг байв. Харин энэ жил коронавирусын аюулаас урьдчилсан сэргийлж цагаан сарыг цомхон тэмдэглэхээр болсон нь автомашины борлуулалт, үнэ ханшид хэрхэн нөлөөлж байгааг “Да хүрээ”-гээс сурвалжиллаа.

Хүмүүсийн хөл хөдөлгөөнд дарагддаж, ченжүүдийн халаас ид зузаардаг  цаг. Гэтэл "Да хүрээ" захад энэ жил  худалдан авалт буурсан нь илт. Өчигдрийн /2020.02.05/ байдлаар тус зах нам гүм, ченжүүд зүгээр суухаар гэгчээр машинаа зүлгэж зогсох.

Хаа нэг хүн ирж машиныг нь сонирхвол энд тэндээс  “наашаа наашаа” хэмээн булаацалдах нь сонсогдоно. Ченжүүдийн хэлснээр долоо хоногт 2-3 машин зарагдах нь ёндоо болж хувирчээ. Өмнөх жилүүдэд 4-5 машин борлуулдаг байсан аж. Автомашины томоохон худалдааны төвөөс өнөөдөр албан бус тоогоор таван мянга гаруй иргэн амьжиргаагаа залгуулж байгаа юм.

ЦАГААН САРЫН ӨМНӨ МАШИНЫ ЭРЭЛТ НЭМЭГДДЭГ Ч ЭНЭ ЖИЛ ХУДАЛДАН АВАЛТ МУУ БАЙНА

Ченж Б.УРАНЦОГТ: 

-Энэ жил худалдан авалт маш муу байна. Хамгийн борлуулалтай, эрэлттэй нь Toyota prius, Toyata Acua маркийн автомашинууд. Дунджаар 13-14 сая төгрөгийн үнэтэй. Иргэдийн дийлэнх нь лизингээр машин худалдан авч байна. Урьдчилгаа 20-30 хувь буюу машиныхаа төрөл, үнээс хамаарч 2-5 сая төгрөгийн хооронд хэлбэлзэж байгаа юм. Бэлэн мөнгөөр худалдаа хийх нь ховор.  Одоогоос дөрвөн жилийн өмнө лизинг гэсэн ойлголт байхгүй, иргэд бэлэн мөнгөөр машин худалдан авдаг байлаа. Машины борлуулалт сайн байсан. Долоо хоногт зургаан машин борлогддог байсан. Иргэдийн худалдан авалт жилээс жилд муудаж байна. Долоо хоногт хоёрхон  машин  зарж байна. Заримдаа үед сар болоход машин зарагдахгүй байх тохиолдол байна. Цагаан сар дөхөхөөр худалдан авалт сайн байсан бол энэ жил муудсан.

Ченж Б.АЗЖАРГАЛ: 

-Иргэдийн худалдан авах чадвар буурсан. Энэ жил машин борлуулалт тааруу байгаа. Гэхдээ баярын өмнө эрэлт нь нэмэгдэж, борлуулалт ч сайжрах байх. Миний хувьд Toyota маркийн машинууд зарж байна. Хамгийн хямд нь Toyota corolla 10.5 сая. Toyota prius 30 маркийн автомашин 16.5 сая үнэтэй. Ер нь ам.долларын ханш чангарвал машины үнэ дагаад өснө. Гэхдээ машин худалдан авч буй иргэд урьдчилгаа төлбөрөө өгөөд банк, банк бус санхүүгийн байгууллагаар дамжуулан лизингээр авдаг болсон. Заримдаа урьдчилгаа хоёр сая төгрөгтэй, машин лизингдэх боломжгүй, цалингийн зээлтэй хүмүүс ч байна. Машинтай болох гээд чадахгүй тохиолдол ч гардаг. Тийм болохоор ихэвчлэн банк бус санхүүгийн байгууллагаар өндөр хүүтэй машины зээл авах нь бий. Одоо бэлэн мөнгөөр худалдан авдаг тохиолдол байхгүй.

Ченж С.ОДГЭРЭЛ: 

-Цагаан сар дөхөхөөр машины эрэлт хэрэгцээ нэмэгддэг. Энэ жил машины борлуулалт буурсан, эрэлт алга. Баяр дөхсөн ч худалдан авалт сайжрах шинжгүй байна. Арилжааны банкууд хэрэглээний зээлийг хязгаарласан нь иргэдийн худалдан авалт буурахад нөлөөлсөн. Долоо хоногт 4-5 автомашин борлуулчихдаг байсан ч нэг, хоёрыг зарж байна. Хүмүүс ихэвчлэн 10-15 сая төгрөгийн  үнэд багтсан, бензин бага иддэг, туулах чадвар сайн, эвдрэл бага машин сонирхдог. Иргэдийн эрэлт хэрэгцээнд тулгуурлан Toyota маркийн автомашинууд борлуулж байна гэлээ.

TOYOTA МАРКИЙН АВТОМАШИН 14-22 САЯ ТӨГРӨГИЙН ҮНЭТЭЙ

Ам.долларын ханш чангарахын хэрээр гаалийн татвар нэмэгдэж, автомашины үнэ өссөн ч “Да хүрээ”-д худалдан авалт буурчээ. Тус газарт эзнээ хүлээсэн автомашинуудын дийлэнх нь монголчуудын хамгийн их сонирхон, худалдан авдаг “Toyota” маркийн машин эзэлдэг байна. Иргэдийн дунд хамгийн эрэлттэй байгаа "Тоyota" маркийн автомашины үнэ ханшийг сонирхуулъя.

АВТОМАШИНЫ ҮНЭ ӨСЧ, ХУДАЛДАН АВАЛТ БУУРСАН

“Да хүрээ” захын маркетингийн менежер Ч.ГАНЗОРИГ: 

-Автомашины үнийн өсөлт валютын ханшаас хамаарна. Ам.доллар, юань чангарвал дагаад үнэ нь өснө. Автомашины үнэ үйлдвэрлэсэн он, төрлөөсөө хамаарч үнэ нь харилцан адилгүй байна. Сүүлийн үед иргэд шатахуун зарцуулалт бага эко автомашин их сонирхож худалдан авах болсон. Хамгийн их борлуулалттай нь Toyota prius маркийн автомашинууд. Хүмүүс худалдан авах чадвараасаа хамаарч аль болох хямд, бензин бага иддэг автомашин сонгож байна. Нийт борлуулагдаж буй автомашины дийлэнх хувийг лизингээр худалдан авах нь их. Цагаан сар, шинэ жил, улсын баяр наадам зэрэг аливаа баяр ёслолыг угтаж автомашины үнэ өсч, эрэлт нэмэгддэг. Энэ жилийн хувьд худалдан авагчдын тоо өмнөх жилүүдтэй харьцуулахад буурсан. Урд хөршид дэгдсэн коронавирустэй холбогдуулан иргэд гадуур иргэдийн хөл хөдөлгөөн татарсан. Мөн онлайнаар автомашинаа худалдан авдаг болсон байна. Дээр нь автомашины үнийн өсөлт тодорхой хэмжээгээр нөлөөлсөн  болов уу. Ерөнхийдөө иргэдийн худалдан авах чадвар муудсан гэж харж байгаа гэлээ.

“Да хүрээ” зах дээр автомашин худалдан авахаар сонирхож буй хүмүүс цөөхөн. Гэхдээ машины үнэ ханш судалж яваа зарим  иргэдийн хувьд цагаан сараас өмнө хөл дүүжлэх унаатай болохоор зэхжээ.

МАШИНЫ ҮНЭ ӨСЧ, ТООЦООЛСНООС ИЛҮҮ ӨНДӨР ҮНЭТЭЙ БАЙНА

Иргэн Б.БАТ-ЭРДЭНЭ: 

-Цагаан сараас өмнө хүүдээ машин авч өгөхөөр үнэ ханшийг сонирхож явна. Машин үнэтэй байна. Уг нь 14-15 сая төгрөгт багтааж Toyota Prius 30 маркийн автомашин авах бодол байна. Зарим нь тооцоолсноос илүү үнэтэй юм. Дээр нь аль болох хүчтэй мотортой, эдэлгээ сайтай машин байвал хөдөө орон нутагт ч эвдрэл гарах нь бага.

 

 

 

Иргэн Д.УЛАМБАЯР: 

-Одоогоор машин боломжийн үнэтэй байна. Цагаан сараас өмнө найз маань машин авах гэж байгаа юм. Хамтдаа машины үнэ сонирхож явна. Мэдээж шатахуун зарцуулалт багатай, туулах чадвар сайтай машин л сонирхож байна. Таалагдсан машинаа лизингээр л авна гэлээ.

 

 

 

Өнөөдөр манай улсын автомашины зах зээл дээр "Приус 20", "Приус 30" загварууд хамгийн эрэлттэй байгаа нь “Да хүрээ” захаас харагдаж байна. Үнэ ханшийн тухайд гааль дээр буусан, иргэдийн гар дээр, зар дээр, "Дахүрээ" зах, автомашины ченжүүдийн гар дээрээс гээд харилцан адилгүй. Тухайлбал, "Приус20"  маркийн автомашин үйлдвэрлэсэн он, өнгө, тоноглолоосоо шалтгаалан гааль дээр 13-16 сая төгрөг бол "Дахүрээ" зах дээр 14-20 сая төгрөгийн үнэтэй байна. Харин "Приус 30" маркийн автомашины гааль дээр буусан үнэ 15,5-18 сая төгрөг бол "Дахүрээ"-д 16.5-22 сая төгрөгийн үнэтэй. "Приус-40, 41" загварын тухайд "Да хүрээ" зах дээр 19-22 сая төгрөгөөр борлуулж байна.

ГЭРЭЛ ЗУРГИЙГ Д.БАТМӨНХ

"Болор дуран"-аар шалгав.
Энэ мэдээнд өгөх таны сэтгэгдэл?
15
ТэнэглэлТэнэглэл
4
ХахаХаха
3
ХөөрхөнХөөрхөн
1
ЗөвЗөв
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

49 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-06 107.77.211.44

Энэ муухай захыг хотоос гаргаач ээээээ!!!!!!

Avatar

Зочин 2020-02-06 66.181.189.172

Бүгд машинтай болсон байлгүйдээ одоо. Нэг машин унаад бас нэг машин араасаа чирээд явалтай биш. Кккк. Улаанбаатар биш машинбаатар болсон ш дээ.

Avatar

Зочин 2020-02-06 192.82.71.67

интернэтээр захиалж өгдөг үйлчилгээнүүд гарсан

Avatar

ИРГЭН 2020-02-06 64.119.22.156

Шаагаад бай. Sai 20оос дээш ч гэх шиг 17 16 нтр гээд хог нэгээрээ л байна. Төлбөртэй мэдээ хахаха

Avatar

Зочин 2020-02-06 66.181.190.199

Батерейтай хямдхан лаазнуудыг хямдхан хүмүүс л авах юм даа, аюулгүй байдалаа бодоосой

Avatar

ЗэвүүнБаачка 2020-02-06 202.170.66.5

Энэ хэдэн чэнж үнэ хөөргөд байх юм (odooo korono tusaad bvged budaa kkkkkk😂😂😂😂

Avatar

Зочин 2020-02-06 64.119.17.88

Японы аукционоос авсан үнэтэй нь харьцуулахад арай л хэтэрхий их нэмээд байх юмаа, манайхан!! Жишээ нь: 2006 оны Toyota Town Ace машиныг 2016 онд аукционоос 83,000 иенээр аваад Монголд оруулж ирэхэд гар дээр 6 сая төгрөгөөр бууж байсан. Гэтэл яг тэр үед нь манай Техникийн зах дээрх үнэ нь 16,000₮ байсан шүү!!! Зөрүү нь арай их байгаа биз?

Avatar

Зочин 2020-02-06 64.119.17.88

Технийкийн алдаа: 16,000,000₮ шүү!

Avatar

Зочин 2020-02-06 202.21.99.42

Одоо ДА хүрээ ордог хүн байдаг юмуу Фэйсээр АНАНД караас л авчдаг

Avatar

Irgen 2020-02-06 103.57.92.179

MASHINII YNE NEMEGDEEGUI EE EROOSOO IRGEDIIN HUDALDAN AVAH CHADVAR BUURTSAN HARIN CH MASHIN ZARGDHGUI MASHIN HYMDARCHAAD BHAD BUH L SALBART HUDALDAN AVALT BHGUI BOLCHOOD BNA SHUUU DEE.

Avatar

Доко 2020-02-06 202.21.108.143

Хөдөө гарч мал хариулдаа ямарч хэрэггүй хүмүүс бол ченжүүд

Avatar

kkk 2020-02-06 202.9.47.28

Changuudiin hyazgaargui shunal l une nemehed hurgej bgaa , uur notstoi shaltgaan bhgui ee

Avatar

Зочин 2020-02-06 210.194.156.3

mongol hunii l zan shde. mashinii borluulalt muu bn tur zasgiin buruu mglchuud yaduu bn geel. uursduu bayar duhuhuur mashinii unee nemeed. baga mungu nemj hurdan hurdan zarj mungu ololdoo.

Avatar

ЗОЧИН 2020-02-06 64.119.26.41

Новшын чэнжүүд үнээ өсгөөд ч борлуулалт муу хэвээр байна . Одоо айл болгон хоёроос гурван машинтай болчихсон .

Avatar

Зочин 2020-02-06 202.131.231.86

ЕР нь бол приус япондоо 5 сая гэдэг гэсэн шүү.монгол мөнгөөр шүү. тэгээд орж ирээд баахан нэмдэг гэнэ ийм л байна цааш нь бол ойлгомжтой шүү дээ

Avatar

Зочин 2020-02-06 202.21.99.42

1.5-2.5сая гэдэг шүү

Avatar

Зочин 2020-02-06 202.55.191.130

gesen shuu gej hov jiv maygiin hudal tsuurhal taraahaar uuruu interneteer uniig ni haraad harchih l daa. iiish. archaagui deeree hov jiv yarih durtai mongol zan…

Avatar

Зочин 2020-02-06 202.131.231.86

ЗӨВ. борлуулалт муу байх нь арга ш дээ дан он хуучин зардаг байж. ер нь 2010 оноос хойшхи машин оруулах хэрэгтэй. тэгэхгүй болохоор монголоор дүүрэн хаягдал машинууд боллоо эртхэн шийдвэртэй арга хэмжээ авах болсон.

Avatar

ИРГЭН 2020-02-06 182.160.38.236

Энэ машины үнийг энгэж их хөөргөх ТӨР ЗАСАГ АНХААРЛАА ХАНДУУЛААРАЙ. НЭГ ХУВЬ ХҮН НАЙМАЧИНЫ ДУРААР ТЭД ЭД БОЛЛОО ГЭЭД ЯМАРЧ ХЯНАЛТ БАЙХГҮЙ .АНХААРАЛДАА АВЧ ДЭГ ЖУРАМТАЙ АМЬДАРАХ ХЭРЭГТЭЙ.

Avatar

1 2020-02-06 202.131.245.6

Борлуулалт муу байна гэдэг чинь үнэ нь өндөр байгаагаас л шалтгаалж байгаа шд. Өлөн царайлаад баяр дөхөхөөр үнээ өсгөдөг манайхны наймаачдын хөгийн зан байна. Боруулалт муу байхад уг нь дагаад үнээ бууруулах ёстой баймаар юм. Ийм кэйс ёстой мэдэхгүй юм байна хаха.

Avatar

Бодрол 2020-02-06 64.119.23.224

1 контейнерт 5 Приус жиргээд задлаад хийчихдэг юм байна. Энд буухаар нь эвлүүлнэ. Нүдээр хараад сэтгэлээр унав. Хүний хөдөлмөр энэ тэр гэх байх л даа гэхдээ юу гэж бодож байна Монголчуудаа??? Би бол хувьдаа ченжүүдээс машин авмааргүй санагдлаа.

Avatar

Зочин 2020-02-06 202.55.191.130

motor, deed, dood ed angiar zadlahgui sh de, zuvhun gerel guperuud l saldag, 5 aar achih ni bas hyamd shuu dee , haa haanaa

Avatar

зочин 2020-02-06 192.82.76.231

Зээл чөллөөлсөн юм чинь бүх юмны үнэ өсөлгүй яахав дээ

Avatar

Зочин 2020-02-06 202.55.191.135

Umnu ochij harchaad 2 honogiin daraa ochson chini 3 say tugrug nemsen baisan. Zorgooroo yum bilee

Avatar

зочин 2020-02-06 202.126.89.38

манай улсын цөөхөн иргэд бараг бүгдээрээ машин авчихсан байх даа. зах зээл нь жижиг юм чинь зарагдахгүй л дээ. машины ченжүүд минь одоо өөр ажил эрхлэхээ л бодсон нь дээр .

Avatar

Зочин 2020-02-06 103.57.95.70

Ene da hureezahiig sanaataigaar reklamdaj baigaa hudaldagdsan setguulch bna

Avatar

Зочин 2020-02-06 49.0.146.66

машин зарахаа болиоч

Avatar

Зочин 2020-02-06 202.170.68.38

Ashgui2, sain bn. Tomriin hog zevreed baij baig

Avatar

Зочин 2020-02-06 202.131.235.198

ЗХУ, ОХУ болон СНГ-д 5 жил сурч төгссөн хүмүүст магистрийн гэрчилгээ нөхөн олгож байна утас: 88671597

Avatar

Зочин 2020-02-06 103.57.95.141

болж болж, хогын хэдэн төмөр

Avatar

zochin 2020-02-06 150.129.142.168

TUR ZASAG GEJ BAYWAL GUDAMJ ZAMAA TSEGTSELJ GUDAMJ ZAMYNKHAA DURMEE BARIMTLAJ BURUU RULITEY MASHINY IMPORTOO ZOGSOOGOOCHEE,

Avatar

мөөгий 2020-02-06 103.240.241.110

ЯПОН СОЛНГОСЧУУДЫН ХАЯСАН МАШИНЫГ ЛИЗЕНГЭЭР ӨГӨХИЙГ ХОРИХГҮЙ БОЛ ЯВГАН ХҮНЭЭС УДААН ТҮГЖРЭЛД ХАМАГ НАС БИНЗЕНЭЭ ҮРЭЭД ДУУСАХ НЬ ДДЭЛХИЙН 200УЛСААС7ХОН УЛС Л ХУУЧИН ТАМРИЙН СЭЭНД ХАМАГ ДОЛЛАРАА ӨГСӨӨР ЭДИЙН ЗАСАГ НЬ СЭХЭХГҮЙ БАЙГАА

Avatar

ы 2020-02-06 202.131.245.6

явган л яв л даа. 2 3 км хүрэхгүй газар ажилтай байж машинтай явж байгаа хүмүүс маш их байна.

Avatar

зочин 2020-02-06 202.9.46.63

Монгол төгрөг цаас болсны л шинж шдээ .. АНУ гаас 500 доллороор авсан машин Улаанбаатард 17 сая төгрөг болоод л бууж ирж байна шдээ .. Төгрөгийн ханш унаад л байхад засаг төр удирдаж байгаа уханууд чинь юуч хийж чадахгүй байна шдэ …
Улс удирдаж байгаа малнууд чинь улсаа удирдаж чадахгүй байна за ! .

Avatar

Би 2020-02-06 202.126.89.60

ИРГЭДИЙН ОРЛОГО МУУ БАЙГАДАА БИШ ХЭРЭГЦЭЭ ШААРДЛАГА НЬ ХАНГАГДААД ТЭР БАЙХ. МЭДЭЭЖ 2 МАШИН УНАХ ХҮН БАЙХГҮЙ

Avatar

Зочин 2020-02-06 66.181.161.112

би чинь орка болохоор приус 20 сонирхсон үнэтэй байна лээ хөгийн орк ченжүүд баяр дөхөхөөр үнээ нэмээд

Avatar

Зочин 2020-02-06 66.181.170.73

ХУРУУ ХУМСАА ХУЙХАЛЖ БАЙЖ ОЛСОН ХЭДЭН ТӨГРӨГӨӨ ЧЕНЖҮҮДИЙН ХЭД ДАХИН НУГАЛЖ ЗАРЛЖ БАЙГАА БУРУУ РУЛЬТЭЙ ХУУЧИН ТӨМРИЙ ХОГООР СОЛИХ ТЭНЭГ ОРКУУД ХОВОРДООД БАЙНА УУ. АРГАГҮЙ АРД ТҮМНИЙ САНХҮҮГИЙН БОЛОВСРОЛ ДЭЭШИЛЖ БАЙГАА. ЯДАЖ БУРУУ ТАЛДАА ХҮРДТЭЙ ХУУЧИН МАШИН ОРУУЛЖ ИРЭХИЙГ ХОРИГЛОХ ХЭРЭГТЭЙ. ХУУЧИН ТЭРЭГ ОРУУЛЖ ИРХЭЭР БОЛ ГЕРМААНААС ЗӨӨГ САЙХАН БЕНЗ БМВ УНАХГҮЙ ЮУ.

Avatar

Зочин 2020-02-06 202.9.46.18

ha ha. benziig n avch diilee yu. priusee diilehgui baij

Avatar

Зочин 2020-02-06 192.82.67.171

Машин зарж АМЬЖИРГАА ЗАЛГУУЛНА гэж юу яриад байнаа.Эмч,багш сувилагч ажил хөдөлмөр эрхэлж татвараа төлөөл явж байгаа шүү дээ.Хүчээр машин заруулаад байгаа юмуу?амьдрал муудаад байгаадаа биш шаардлага үгүй болоод байна.

Avatar

ард түмэн 2020-02-06 139.5.216.246

энэ японы цацрагтай муу кардонон машин олноороо орж ирж монголын ард түмнийг аваар ослоор амь насыг нь сүйрүүлж дууслаа одоо хилээр оруулахыг болиоч эээээ их хжрлын гишүүд та нар хуулиа батлаач буруу талдаа рультэй машиныг болиочээ та нарын хэн нэгнийх нь бизнес бсан ч одоо улс орон ард түмнээ бодох цаг болсон үа юу өмхий хар амиа хоохойлогч шуналтай новшнуудаа

Avatar

Зочин 2020-02-06 202.21.100.210

Мал минь тэгээд хятад солонгос цаас унах гээ юу. Монгол таараад байгаа машин тояота биш үү.

Avatar

Зочин 2020-02-06 202.170.68.38

Zov rultei toyota baidgiig ork yaj medhev dee

Avatar

shaagaad baigaaraa piiizzzzdaaa chin 2020-02-06 202.70.44.116

hamag mashiniihaa uniig nemchiheer hen avah ve dee oorsdoo shunaliin tulam boltson une hanshaa 2-3 say nemcheed baihad hen avah durtai bhav bodooch uher mongolchuudaa buur neg bayar bolgonoor hoorogdol gargana

Avatar

Иргэн 2020-02-06 66.181.191.43

Буруу рультэй машин оруулахыг хориглох шаардлагатай. Монголоос өөр буруу, зөв рультэй машин хамт явдаг орон дэлхий дээр байхгүй. Сонгуульд санал алдахаас айгахд манай улс төрчид иймхэн юмыг л хийж зүрхлэхгүй өчүүхэн аиьтад юм аа

Avatar

зочин 2020-02-06 202.21.125.35

Мэдэхгүй байж битгий олон юм х**. Орос-д хүртэл буруу зөв холиод л явж байна

Avatar

ард түмэн 2020-02-06 139.5.216.246

орост буруу рультэй машин ераөсөө бхгүй бсан шүү их хурлын гишүүд гэж өмхий оркууд хөдөө рүгээ тонил нийслэл хотыг өмхий баас ханхлуулсан хөдөөнийхөн бүр баллаж хаялаа хөдөөнөөс сонгогдсон новшнууд дандаа жижиг наймаа эрхлэгчид бдаг машин архи гэх мэт ийм вмнуулыг сонгоод бдаг оркуудын хохь ш дээ

Avatar

Зочин 2020-02-06 66.181.178.195

bitii s*** chi oros yavj uzeegui yum bn.

Avatar

Зочин 2020-02-06 202.9.46.32

Манайх шиг буруу зөвгүй баахан импортын машин унадаг байсан. Путин буруу рультэйг оруулж ирэхийг хорьсноос хойш машины осол эрс багассан шүү

Avatar

Зочин 2020-02-06 202.9.46.18

japan lav zov buruu ruli holildool yavdag

NewsMN Гар утасны хувилбар Татах
NEWS.mn

Мэдээллийн эх сурвалж