БНСУ-ын Инчон хотын нэгэн агуулахаас 100 мянган ширхэг амны хаалт алдагджээ. Тус хотын цагдаагийн байгууллага уг хэргийг мөрдөн шалгаж, хэргийг үйлдсэн хүнийг хайж байгаа аж. Энэхүү амны хаалтуудыг коронавирусийн тархалттай тэмцэж буй Хятад улс руу явах усан онгоцонд ачих ёстой байжээ.

Дэлхий даяар тэр тусмаа Хятад улсад коронавирусийн тархалт эрчимтэй нэмэгдэж, тус улс халдварын тархалтыг хянахад улам хүндрэлтэй болж байгаа өнөө цаг үед амны хаалт, гар ариутгагч, эмч нарын хамгаалах хувцас хэрэглэл гэх мэт бараа бүтээгдэхүүнүүдийн эрэлт огцом нэмэгдэж, хомсдолд ороод байгаа юм.

Үүнтэй холбоотойгоор БНСУ-д амны хаалт, гар ариутгагч бодисыг их хэжээгээр худалдан авч, нөөцлөхийг хориглох журам гаргаснаа өнөөдөр /2020.02.05/ зарласан. Журмыг зөрчсөн хүнийг 50 сая воноор торгох эсвэл хоёр жил хүртэлх хугацаагаар хорих ялаар шийтгэхээр заажээ.

Эх сурвалж: KOREATIMES