УИХ-ын дарга ОУВС-гийн санхүүжилт олголтод дэмжлэг хүсэв | News.MN

УИХ-ын дарга ОУВС-гийн санхүүжилт олголтод дэмжлэг хүсэв

УИХ-ын дарга ОУВС-гийн санхүүжилт олголтод дэмжлэг хүсэв

УИХ-ын дарга ОУВС-гийн санхүүжилт олголтод дэмжлэг хүсэв

Улсын Их Хурлын дарга Г.Занданшатар Япон Улсаас Монгол Улсад суух Онц бөгөөд Бүрэн эрхт Элчин сайдаар томилогдож ирээд буй Кобаяши Хироюкиг өнөөдөр (2020.02.05) хүлээн авч уулзлаа.

Уулзалтын эхэнд Улсын Их Хурлын дарга Г.Занданшатар Монгол Улсад суух Онц бөгөөд Бүрэн эрхт Элчин сайдаар томилогдсонд нь баяр хүргэж, ажлын амжилт хүслээ. Ноён Элчин сайд Кобаяши Хироюки Улсын Их Хурлын даргыг цаг гарган хүлээн авч уулзсанд талархал илэрхийлэв. Тэрбээр гурав дахь удаагаа Монгол Улсад томилогдон ажиллаж байгаагаа дурдаад “Монгол бол миний хоёр дахь эх орон гэж хэлж болно. Тиймээс Элчин сайдаар ажиллах хугацаандаа хоёр орны харилцаа, хамтын ажиллагааг бүхий л түвшинд гүнзгийрүүлэн хөгжүүлэх, эрчимжүүлэхийн тулд идэвх, зүтгэл гарган ажиллах болно” гэлээ.

Улсын Их Хурлын дарга, Хэйсэй эринд эхэлсэн манай хоёр орны уламжлалт, найрсаг харилцаа Рэйва эринд илүү өндөр түвшинд шинэ агуулга, хэлбэрээр өргөжин баяжина гэдэгт итгэлтэй байгаагаа илэрхийлэв. Монгол Улс Япон Улсыг гурав дахь хөршөө хэмээн үзэж, харилцан хамтарч ажиллаж ирсэн түүхэн уламжлалтайг тэрбээр хэлээд, “Намайг Гадаад харилцааны сайдаар ажиллаж байх үед манай хоёр улс Стратегийн түншлэлийн харилцаа тогтоож байсан. Энэ нь Монгол, Япон хоёр улсын харилцан итгэлцэл, ойлголцол, түншлэлийг илэрхийлж буй. Монгол Улс шинэ нийгэмд шилжих шилжилтийн үед Япон Улс өгөөмөр дэмжлэг, туслалцаа үзүүлж, ардчиллын институциудыг бэхжүүлэх, чөлөөт зах зээлийн системд шилжихэд чухал хувь нэмэр оруулсан” хэмээн тэмдэглэв. “Говь” үйлдвэр, Хөшигийн хөндийн нисэх буудал, Япон-Монголын сургалтын эмнэлэг гэх зэрэг хоёр орны хамтран хэрэгжүүлсэн олон төсөл, арга хэмжээ амжилттай, үр ашигтай байдгийг дурдсан юм.

Улсын Их Хурлын дарга Г.Занданшатар Монгол Улсын сайд, Засгийн газрын Хэрэг эрхлэх газрын даргаар ажиллаж байхдаа дээр дурдсан нисэх буудлын байгууламж, сургалтын эмнэлэг байгуулах зэрэг олон асуудалд ихээхэн дэмжлэг үзүүлж, чухал хувь нэмэр оруулж ажиллаж ирснийг ноён Элчин сайд энэ үеэр онцоллоо. Түүнчлэн 2019 оны 05 дугаар сард Японы эдийн засгийн нөлөө бүхий “Никкэй” сонины газраас зохион байгуулсан 25 дахь удаагийн “Азийн ирээдүй” олон улсын форумын урилгыг Монгол Улсын Их Хурлын дарга Г.Занданшатар хүлээн авч, оролцсон явдал нь хоёр орны харилцаанд чухал хувь нэмэр оруулсан гэдгийг хэлсэн. Элчин сайд Кобаяши Хироюки хэлэхдээ “Цаашид хоёр орны эдийн засаг, худалдаа, бизнесийн харилцааг эрчимжүүлэх, өргөжүүлэх боломж бий гэж үзэж байна. Хоёр орон Эдийн засгийн түншлэлийн тухай хэлэлцээр байгуулаад тодорхой хугацаа өнгөрсөн хэдий ч Монгол Улсаас Япон Улс руу хийж буй экспортын хэмжээ дорвитой нэмэгдээгүй. Тиймээс Элчин сайдын хувиар би үүнд анхаарал хандуулан Монгол Улсын холбогдох төрийн байгууллага, хувийн хэвшлийнхэн, үйлдвэрлэгчидтэй уулзаж, хамтран ажиллаж, дэмжлэг туслалцаа үзүүлэх болно” гэлээ.

Хоёр орны улс төрийн харилцаа өндөр түвшинд хүрсэн бөгөөд эдийн засгийн харилцаагаа ижил түвшинд хүргэх нь чухал гэдгийг Улсын Их Хурлын дарга санал нэгтэйгээр тэмдэглэв. Хөшигийн хөндий дэх шинэ нисэх буудлын үйл ажиллагаагаар дамжуулан хоёр улсын эдийн засаг, бизнес, худалдааны харилцаа эрчимжих боломжтой хэмээн үзэж буйгаа Г.Занданшатар дарга хэлээд “Банк, харилцаа холбооны салбарын үр ашигтай бизнес төслүүдийн амжилтыг харахад хоёр орны эдийн засгийн хамтын ажиллагаанд илүү их боломж бий. Монголчуудын хурд, япончуудын нягт, нямбай зан чанарыг хослуулан олон салбарт харилцан өндөр үр ашигтай хамтран ажиллах нөөц бий гэж харж байна” гэлээ. Түүнчлэн бизнес, худалдааны амжилттай харилцааны суурь болох иргэд хоорондын итгэлцэл, хамтын ажиллагаа, харилцааг дэмжин хөгжүүлэх нь чухал ач холбогдолтой болохыг хэлж байв.

Япон Улсын хөгжлийн тулгуур бол сайн боловсон хүчин, харин Монгол Улсын хувьд байгалийн баялаг юм. Өөр онцлог, давуу талууд олон бий учир хөгжлийн нөөц, боломж өндөр байгаа гэж үздэг тухайгаа ноён Элчин сайд хэлсэн.

Монгол Улсаас Олон Улсын Валютын Сантай хамтран хэрэгжүүлж буй “Өргөтгөсөн санхүүжилтийн хөтөлбөр”-ийн хүрээнд Япон Улсын Засгийн газраас дэмжлэг үзүүлж хөнгөлөлттэй зээлийн санхүүжилт олгохоор шийдвэрлэсэнд талархаж байгаагаа Улсын Их Хурлын дарга Г.Занданшатар илэрхийлээд, энэ санхүүжилтийн II хэсгийг олгох асуудлыг шийдвэрлэхэд дэмжин ажиллахыг Элчин сайд Кобаяши Хироюкигоос хүсэв.

Монгол Улсын Засгийн газраас өргөн мэдүүлсэн Иргэдийн тэтгэвэр барьцаалсан зээлийн төлбөрийг төрөөс нэг удаа төлөх тухай хуулийн төслийг Улсын Их Хурал баталсан. Эл шийдвэрийн талаарх тайлбар, тодруулга, холбогдох судалгааг Олон Улсын Валютын Санд хүргүүлээд байгаа аж. Холбогдох судалгаанаас харахад хамгийн бага хэмжээний тэтгэвэр авдаг иргэд хэрэглээгээ хангах үүднээс тэтгэврийн зээл авдаг. Нийт тэтгэврийн зээлийн 86 хувь нь иргэдийн хэрэглээнд, үлдсэн нь сургалтын төлбөр, автомашины лизинг болон бизнесийн санхүүжилтийн зорилгоор зарцуулагдсан байдаг байна. Өөрөөр хэлбэл, жилийн 15 орчим хувийн хүүтэй энэ төрлийн зээлийг амьдралын баталгаатай, хангалуун амьдарч буй ахмадууд авдаггүй. Зөвхөн бага орлоготой, нийгмийн халамж зайлшгүй шаардлагатай ахмадууд авч байгааг судалгааны дүн харуулдаг байна. Нөгөө талд, бүх ард түмний өмч болох байгалийн баялгийн үр ашгийг хүн амын цөөн хэсэг нь хүртэж, хэт тансаг амьдарч буй шударга бус байдлыг цэгцлэх ёстой. Мөн тэтгэврийн реформыг хийхийн тулд тэтгэврийн санг чөлөөлөх шаардлагатай. Энэ мэт олон шалтгаанаас үүдэлтэй, байгалийн баялгийг ард түмэнд тэгш хүртээх, нийгмийн тэгш бус байдлыг арилгах, нийгмийн эмзэг бүлгийн ахмадуудаа халамжлах үүднээс сайтар судалж, боловсруулж, авч хэрэгжүүлсэн бодлого шийдвэр болохыг Улсын Их Хурлын дарга уулзалтын үеэр тайлбарлалаа. Япон Улс нь манай улсын томоохон хандивлагч тул дээрх шийдвэрийн талаарх судалгаа, мэдээлэл, холбогдох тайлбарыг Элчин сайдаар уламжилж буйгаа хэлэв.

Мөн "Улсын Их Хурлын энэ шийдвэр бол төрийн халамж нэн шаардлагатай байгаа ахмад настнуудад халамж үзүүлэх, улмаар байгалийн баялгийн хуваарилалтыг тэгш, шударга болгох, нийгмийн тэгш бус байдлыг бууруулах зорилготой улс төр, нийгмийн өндөр ач холбогдолтой бодлогыг хэрэгжүүлэх эхний алхам юм” хэмээн тайлбарлаад, Монгол Улсын Их Хурлаас гаргасан эл шийдвэрийг олон улсын байгууллага болон хандивлагч орнууд зөвөөр ойлгож, хамтран ажиллана гэдэгт найдаж буйгаа Улсын Их Хурлын дарга Г.Занданшатар хэллээ.

Үргэлжлүүлэн талууд цаг үеийн асуудал болон хоёр орны харилцаа, хамтын ажиллагааг хөгжүүлэх асуудлаар санал солилцов гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ. 

Энэ мэдээнд өгөх таны сэтгэгдэл?
34
БурууБуруу
1
ХахаХаха
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-05 202.131.232.202

Амьдралын баталгаатай, хангалуундаа зээл аваагүй юм биш ээ хүүхээ! Улс эх орон, ирээдүй хойч минь өргүй байж, гаднаас гуйлга бага гуйж, бага ч гэсэн нисэх буудал хурдны замын зээл төлбөрөөсөө салаасай гэсэндээ иргэний хариуцлагаа ухамсарлаад байгаа тэггэврэртээ багтаж амьдарч байхад чи ингэж ярихгүй шүү. Зээл тэглэж залхуу, бэлэнчлэх сэтгэлгээг дэмжсэн та нарын шийдвэр наад улсуудад чинь бөөн олз болж, дахин өрөнд оруулах алтан боломж олгодгийг харахгүй байна уу!

Avatar

МОНГОЛЫГ ЯЛСАН ӨМХИЙ ТӨВД ЖАНХУУГ ОГЦРУУЛЬЯ ! 2020-02-05 64.119.16.110

Трампын бодлогогүй шийдвэр, явуулж ирсэн гадаад бодлого маш олон гэмгүй хүмүүсийн амийг авч одлоо. Энэ 2-р сард трамп огцрох болзлоо бүрэн хангалаа. Монголд ч гэсэн огцрох болзлыг бүрэн хангасан нэг сэжгийн хулгайч н**ш бий. Тэр бол өвгөд хөгшдийг хооронд нь талцуулж хагаралдуулж, улсын мөнгөөр өр дарж хулгайгаа далдлах гэсэн өмхий төвд тайрдас жанхуу. Яг үнэндээ бол ард түмний 90 хувь нь жанхууг огцруулахын төлөө байгаа!!!

Avatar

Зочин 2020-02-05 202.9.46.187

7-8 сард Оувс-ийн өмнө гуйгаад уйлаад мөлхөхийг чинь харнаа 76 хулгайч аа

Avatar

Зочин 2020-02-05 103.229.122.226

chi ooroo hulgaich zerleg zan chine heterch baina shuu zov hun bolj tolovsh

Avatar

Зочин 2020-02-05 64.119.27.121

Мөн тэтгэврийн реформыг хийхийн тулд тэтгэврийн санг чөлөөлөх шаардлагатай гэж Занданшатар дарга хэлсэн байсан, учрыг нь олохгүй тодруулсан чинь маш шуурхай Н.Учрал: Хувийн тэтгэврийн санг бий болгоно гэсэн нийтлэл гараад ирж. Хариу нь энэ юм байнаа, баярлалаа. Харин энэ хувийн сан чинь нөгөө хадгаламж зээлийн хоршооны дампуурал шиг болгочихгүй биз гэж найдъя даа.

Avatar

Зочин 2020-02-05 66.181.188.33

Тэтгэвэрийн хувийн байтугай одоо төр тэтгэвэрийн сангаас олон зуун тэрбум төгрөгийг авчихаад эргүүлж өргүй байгаа юм биш үү? Хувийн сангийн эзэн нь тэтгэвэрийн шимтгэлийг цуглуулж авч гадаадад гаргах ч юм уу үл хөдлөх хөрөнгө болгон өөр хүний нэр дээр хадгалчмхаад компаниа дампуурал зарлачихвал яах вэ?

Avatar

Үргэлжлэл 2020-02-05 66.181.188.33

Эргүүлж өгөхгүй байгаа юм биш үү гэж залруулж уншина уу?

Avatar

Зочин 2020-02-05 64.119.24.7

Занданшатар аа гадаадын түншүүд маань та бүхнийг буянтай ард түмэндээ үнэхээрийн хайртай мундаг дарга нар гэж ойлгож байгаа. Дараагийн ээлжинд хэрэглээний , ипотeкийн гээд олон зээлийг т эглэнэ гэж харж байгаа.Бид нар ч гэсэн тэглэнэ гэж бодоод төлөхөө байсан шүү. Итгэл алдахгүйгээр гүйцээнэ шүү.Дахиж дарга болгоно шүү Баттулгатай х амт.

Avatar

Очин 2020-02-05 64.119.20.181

Энэ балайбуруу шийдвэрийг яаж ойлгох билээ дээ зээл авсан нь хожиж зээл аваагуй нь хохироод байгаа шуу дээ ардын нам буруу шийдвэр гаргасан шуу дээ ахмадуудыг ялгаварласан ийм шийдвэр маш буруу шуу

Avatar

Зочин 2020-02-05 202.131.235.198

ЗХУ, ОХУ болон СНГ-д 5 жил сурч төгссөн хүмүүст магистрийн гэрчилгээ нөхөн олгож байна утас 88671597

Avatar

Зочин 2020-02-05 103.212.119.120

Иргэд нь ойлгохгүй байхад гадныхан ойлгох гэж юу байх вэ? Ингэж тэнэгтэж болохгүй л юмсан даа.

Avatar

Зочин 2020-02-05 64.119.27.121

Мөн тэтгэврийн реформыг хийхийн тулд тэтгэврийн санг чөлөөлөх шаардлагатай гэж Занданшатар дарга хэлсэн байна. Энэ чухам тэтгэврийг яана гэсэн үг вэ! Хөдөлмөрийн яамныхаан! Энэ сайтаар дамжуулж маш тодорхой тайлбарласан нийтлэл гаргаж өгөхийг хүсье!

Avatar

Зочин 2020-02-05 103.14.38.134

Гадаадын нөхөд маань зөвөөр ойлгож ямар тэнэг юм хийж байнаа монголын удирдлага гэх байхдаа. Тэгээд бид нар юуг хандивлаад байнаа гэж харамсана даа гадаадынхан.

NewsMN Гар утасны хувилбар Татах
NEWS.mn

Мэдээллийн эх сурвалж