Коронавирусийн халдвар авсан хүний тоо дэлхий даяар 24 мянга 300 болж, нас барагсдын тоо 492-т хүрээд байна. Энэ цаг үед халдвараас хамгаалах гол хэрэгсэл болох амны хаалт, гар ариутгагчийн эрэлт хэрэгцээ улс орнуудад огцом нэмэгдэж, зарим улс орнуудад хомсдол үүсч, үнэ ч хөөрөгдөөд байгаа билээ.

Тус улсад амны хаалтны хомсдол үүсч, зарим хүмүүс бөөнөөр нь худалдан авч онлайнаар үнийг нэмж зарах гэх мэт асуудлууд үүсээд байгаа юм. Тиймээс эдгээр бараа бүтээгдэхүүнийг их хэмжээгээр худалдан авч, нөөцөлсөн иргэнийг шийтгэх журам Өмнөд Солонгос улсад өнөөдрөөс /2020.02.05/ хэрэгжиж эхэлжээ.

Энэхүү журмыг зөрчсөн хүнийг 50 сая воноор торгох эсвэл хоёр жил хүртэлх хугацаагаар хорих ял оноох аж. Уг журам дөрөвдүгээр сарын 30-ны өдөр хүртэл хэрэгжих юм байна. Өмнөд Солонгост өнөөдөр хоёр иргэн шинээр халдвар авсан нь тогтоогдож, нийтдээ 18 хүн коронавирусийн халдвараар өвчлөөд байна.

Эх сурвалж: KOREAHERALD.COM