"Хар тамхичдыг шоронд хорих бус эмчлэх нь зөв" | News.MN

"Хар тамхичдыг шоронд хорих бус эмчлэх нь зөв"

"Хар тамхичдыг шоронд хорих бус эмчлэх нь зөв"

Хар тамхи, мансууруулах бодисын тухай ойлголт саяхныг хүртэл монголчуудаас хол “хэрэглээ” байв. Тэгвэл өнөөдөр чимээгүй энэ тахал залуучуудын амь нас, сэтгэлзүйд заналхийлсэн аюулын харанга болон дэлдсэнийг сүүлийн үеийн тоо баримтууд нотолно. Сүүлийн хоёр жилд хар тамхитай холбоотой хэрэг 30 орчим хувиар нэмэгджээ. Тухайлбал, өнгөрсөн оны эхний есөн сарын байдлаар мансууруулах болон сэтгэцэд нөлөөлөх эм, бэлдмэлтэй холбоотой 193 хэрэгт 333 хүн холбогдон шалгагдсан тоо баримт байна.

Хар тамхинд донтогчдыг эмчилдэг ганц төв нь манайд Сэтгэцийн эрүүл мэндийн үндэсний төв. Тиймээс тус төвийн Донтох эмгэг судлалын клиникийн үзлэгийн их эмч Л.Мягмарсүрэнтэй ярилцлаа.


-Хар тамхины хэрэглээ гадаад орнуудын биш, Монгол Улсад ч тулгамдсан том асуудал болж хувирлаа. Мансууруулах төрлийн  бодис,  хар тамхины хамааралтай болсон хүмүүсийг эмчилдэг ганц газар нь танай төв. Бодит байдлыг дотроос нь харж байгаа эмчийн хувьд хар тамхины хэрэглээ ямар түвшинд байна гэж хэлэх вэ?

-Манай тасагт жилдээ дундаар 1000 гаруй хүн донтох эмгэгийн чиглэлээр хэвтэн эмчлүүлдэг. Үүний 90 орчим хувь нь архины шалтгаантай, үлдсэн 10 гаруй хувь нь нь хар тамхины хамааралтай хүмүүс байдаг. Мөн тоглоомын донтолт тодорхой хувийг эзэлнэ. Сүүлийн үед манайд хар тамхины хамааралтай хүмүүс их хандах болсон. Энэ хэрээр дагаад хар тамхи, мансуурах бодисын шалтгаантай гэмт хэргийн тоо өсч байна.

-Манай улсад илэрч байгаа хэргийн нөхцөл байдалд шинжилгээ хийхэд өсвөр насныхан ихээхэн холбогдох болсон. Тэд ямар шалтгаанаар хар тамхины хэрэглэгч болж байна вэ. Та бүхэн үйлчлүүлэгчтэйгээ илэн, далангүй ярилцдаг байх?

-Мансууруулах төрлийн бодис, хар тамхины хамааралтай болсон хүмүүс дийлэнх нь залуучууд. Залуучууд бусдын нөлөөнд автдагтай холбоотой. Ялангуяа насанд хүрээгүй хүүхдийн хувьд эцэг эхийн салалт, тухайн хүүхдийн хүмүүжил, гэр бүлийнх нь хараа хяналт, орчин, найз нөхөд гээд олон хүчин зүйл нөлөөлнө. Эхлээд сонирхож үзнэ, бусдад уруу татагдана, эцэст нь донтогч болдог. Тийм учраас хүүхэд, залуустаа хандан хэлэхэд, хар тамхийг бүү сонирхож үзээч гэж захимаар байна. Зорьж хэрэглэнэ гэж бараг байхгүй. Хуулиар хориглочихсон зүйл шүү дээ. Анхандаа сонирхож хэрэглэнэ. Хоёр дахь, гурав дахь болж, гурав нь дөрөв болж нэг л мэдэхэд хамааралтай болно. Хар тамхи нь өөрөө хууль бус асуудал учраас залуучууд эмчлүүлэхээр сайн дураараа ирэх нь тун ховор. Энэ нь цаг хугацаа алдсаар даамжирч сэтгэгчийн хувьд өөрчлөлтөд орсон, солиоролд орчихсон, амиа хорлох оролдлого хийх зэрэг хүнд хэлбэрт орсон үедээ л эмнэлэгт ханддаг. Ингэхдээ голдуу ар гэрийнхнийхээ ятгалтаар ирдэг. Хий юм сонсох, харах зэрэг ийм шинж тэмдэг илэрсэн тохиолдолд зайлшгүй эмчлүүлэх шаардлагатай.

-Ядуу тарчиг амьдралтай айлын хүүхэд эсвэл ядарсан хүн хар тамхи хэрэглээд байгаа юм байхгүй. Харин аль боломж, бололцоотой, боловсролтой хүмүүс хэрэглэдэг гэх нийтлэг ойлголт нийгэмд бий. Нийгмийн давхаргын хувьд авч үзвэл ямар түвшний хүмүүс хар тамхины хэрэглэгч болж байна вэ?

-Давхарга хамаарахгүй. Манайд хандаж байгаа хүмүүсийг ажиглахад зөвхөн мөнгөтэй, баян айлын хүүхдүүд хэрэглэдэг гэж хэлэхэд өрөөсгөл.

-Хар тамхи дотроо олон төрөл бий. Манайд алийг нь илүү их хэрэглэж байна вэ?

-Хэрэглээний хувьд каннабис, мөс зэргийг хамгийн түгээмэл хэрэглэж байна. Зэрлэг олсны ургамал буюу каннабисыг дэлхийн улс орнуудад хүлээн зөвшөөрсөн гэсэн буруу, ташаа ойлголттой хүмүүс бий. Дэлхий нийтэд каннабисыг хар тамхинд орохын эхлэл наркотик гэдэг. Нэг ёсны хар тамхи, мансууруулах бодисын хэрэгт холбогдогчид анхандаа каннабисаар эхэлсэн байдаг. Энэ нь даамжирч хүнд төрлийн, мансуурах бодист донтуулдаг. Мөн “мөс” буюу “айс” /ice/ хар тамхи, мансууруулах төрлийн бодис хэрэглээд донтсон хүмүүс манайд эмчлүүлэхээр ирдэг. Энэ нь илүү хүчтэй төрлийн наркотик.

Танайд эмчлүүлэхээр хандаж байгаа хүмүүсийн хувьд хар тамхи, мансууруулах бодист нэлээд донтсон гэж үзэх үү?

-Янз бүр. Хуулийн асуудлаар манайд хандах тохиолдолд ч бий. Зарим нь анх удаагаа хэрэглээд цагдаад баригдаад ирнэ. Энэ талын гэмт хэргийг илрүүлэхэд Цагдаагийн ерөнхий газрын Хар тамхитай тэмцэх газар сайн ажиллаж байгаа гэж бид үздэг.

-Хар тамхинд донтчихоод эмнэлэгт хандсан боловч өнөөх эмнэлэг нь цагдаагийн газарт мэдээлэл өгсөн гэдэг яриа гарах нь олонтаа. Танайх Хар тамхитай тэмцэх газартай хамтарч ажилладаг гэсэн үг үү?

-Огт тийм зүйл байхгүй. Манайх эмнэлгийн байгууллага учраас Цагдаагийн байгууллагатай хамтран ажилладаггүй. Манайх эмчлүүлэгчдээ өвчтөн гэж хүлээж авах үүрэгтэй газар шүү дээ. Харин Цагдаагийн ерөнхий газрын Хар тамхитай тэмцэх газар хар тамхи, мансууруулах бодис хэрэглэсэн хүмүүсийг барьсан тохиолдолд манай дээр сэтгэцийн үзлэг хийлгүүлдэг. Энэ хүн сэтгэцийн хувьд эрүүл үү, өөрийнхөө хийсэн хэргийг хүлээх чадвартай байгаа эсэхийг нь тогтоолгодог гэсэн үг. Ингэж ирэх хүмүүсийн тоо маш их нэмэгдэж байна.

Ялангуяа олон нийтийг хамарсан үдэшлэг, шоу цэнгээний дараа манай эмнэлэгт хандах тоо ихэсдэг. Жишээ нь Playtime Festival зэрэг олон хоног үргэлжилдэг шоу цэнгээний дараа хар тамхи, мансууруулах бодисын хэрэгт холбогдоод манайхаар  шинжилгээ хийлгүүлэх нь эрс нэмэгддэг.

-Архи уусан хүнийг бид хараад л мэддэг. Харин хүүхэд нь хар тамхи хэрэглэдэг бол эцэг эх нь мэдэхгүй өнгөрч даамжруулах эрсдэлтэй. Донтсон хүнээс ямар шинж тэмдэг илэрдэг вэ?

-Хар тамхи, мансууруулах бодисын донтолтыг бие, сэтгэцийн эмгэг гэж үздэг. Зарим мансууруулах бодисыг хэрэглэсний дараа маш хүчтэй шарталтад ордог. Энэ нь донтолт үүсгэхээс гадна биед олон зовиур өгнө. Олсны ургамал буюу каннабис хэрэглэсний дараа биеийн хараат байдлаас илүүтэй сэтгэлзүйн хараат байдалд оруулдаг. Өөрөөр хэлбэл, сэтгэлзүйгээрээ тухайн бодисыг хэрэглэхийг хүсч үгүйлж эхэлдэг. Энэ нь сэтгэлзүйн хувьд хараат байдалд оруулж байна гэсэн үг. Эхлээд сэтгэлзүйн дараа нь даамжирч биеийн хараат байдалд орно. Хүн өөрт таатай аливаа зүйлээ хийхдээ тодорхой хэмжээгээр таашаал мэдэрдэг. Гэтэл хар тамхинаас тэр таашаалыг мэдэрсэн бол түүнийгээ дахин дахин мэдрэхийг хүсч сэтгэлзүйн нь аяндаа нэхдэг. Энэ нь улмаар амьдралын бусад зүйлээс сайн сайхныг олж авахаа больчихдог. Нөгөөх хар тамхи, мансууруулах бодисоо хэрэглэхгүй л  бол сэтгэл санаа нь тогтворгүй, гутралд орох зэрэг сэтгэлзүйн сөрөг мэдрэмжтэй болдог.

Бие махбодийн хувьд нөлөөлөхгүй эрхтэн систем гэж байхгүй. Элэг, бөөр, уушги, тархи, арьснаас эхлээд гундаж, хоолны дуршил буурч, нойр муудах, нүдний хүүхэн хараанд өөрчлөлт орох янз бүрийн шинж тэмдэг илэрнэ.

-Мансууруулах бодист донтсон иргэдэд ямар эмчилгээ хийдэг вэ. Ер нь эдгэрэх магадлал хэр өндөр вэ?

-Эдгэрдэггүй биш, эдгэрэх боломжтой. Гэхдээ цаг хугацаа маш их орно. Тухайн эмчлүүлэгчийн болон ар гэрийнхнийх нь сэтгэл санаа дээр нь эмчээс ихээхэн хичээл зүтгэл, хөдөлмөр шаардагдана. Мэдээж 10-хан хоногийн дотор эмчлэгдэнэ гэж байхгүй. Тэр хүний зан авир, амьдралынх нь хэв маяг, бодол санааг нь өөрчлөхөөс эхлээд цаг хугацаа шаардагдана. Ер нь бүрэн эдгэрнэ гэдэг тухайн хүнээс их шалтгаална. Олон улсын жишгээр эхний ээлжид нэг жил орчим эмчлэх шаардлагатай. Хордлого тайлах, солиорлын шинж тэмдэг илэрсэн тохиолдолд тохирсон эмчилгээг нь хийнэ. Сэтгэл заслын эмчилгээ багадаа зургаан сар орчим хийгдэнэ.

-Хар тамхи, мансууруулах бодисын донтсон хүмүүсийг эмчлэхэд та бүхэнд хүндрэлтэй биз?

-Энэ төрлийн донтолтын эмгэг нь үгүйсгэлгүйгээр явагдана гэж бараг байдаггүй. Тухайн хэрэглэгч би хэрэглэдэггүй гэж нуудаг, худлаа хэлэх нь энүүхэнд. Бидний ажил мэргэжлийн л онцлог учраас ажлаа хэцүү гэж боддоггүй. Тухайн хүн өөрөө хүсээд, ар гэрийнхэн нь дэмжиж байгаа үед аль болох эрүүл саруул болгочихсон гэж хичээдэг.

-Хар тамхины хэрэглээний цаана гэр бүлийн хүчирхийлэл нуугдаж байдгийг амралтын өдөр дэлгэгдсэн бичлэгээс нийгэм харж, зэгсэн зэвүүцлээ. Ер нь иймэрхүү зүй бус тохиолдол хар тамхинд донтогчдын дунд элбэг үү?

-Дээр хэлсэнчлэн хар тамхины хамааралтай хүний зан авир нь өөрчлөгдөж, уур уцаар, бухимдалтай болно. Архины хамааралтай хүн ч гэсэн агсам тавьдаг шиг хар тамхи, мансууруулах бодист донтсон хүн зан араншингийн хувьд эрс өөрчлөгдөнө. Нөгөө л бодисоо хэрэглэхгүй бол байнгын сөрөг сэтгэл хөдлөлтэй, сэтгэл санаа нь тогтворгүй, ямар нэгэн зүйлд байнга санаа зовоосой, тавгүй болчихдог. Гоё хоол идлээ ч амттай гэж мэдрэхгүй, нөгөө бодисоо хэрэглэхгүй л бол амьдралаас гоё, сайхан таашаал мэдэрч чадахгүй уур уцаар сэтгэл гутралд орж, түүнийгээ ар гэрийнхэндээ гаргана.

-Дэлхийн өндөр хөгжилтэй орнуудад хар тамхины хамааралтай болсон хүмүүст ямар эмчилгээ хийдэг вэ?

-Урьдчилсан сэргийлэх ажлууд их хийдэг. Хар тамхинаас хараат болсон хүмүүсийг шоронд хорих бус эмчилдэг. Шоронд хоригдсоноор тухайн хүн эмчилгээ авна гэж байхгүй. Шоронгоос гарсан хойноо буцаад хар тамхийг хэрэглэхгүй гэсэн ойлголт бараг байхгүй. Сэтгэцийн хувьд өөрчлөлтөд орж тухайн бодист донтсон л бол эмчилгээ зайлшгүй шаардлагатай. Манайд өнөөдөр хар тамхи, мансуурах бодисын гэмт хэрэгт холбогдсон хүмүүсийг шоронд хийж байгаа болохоос биш эмчлэх боломжгүй нөхцөл байдалтай байгаа.

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
7
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

57 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-02-05 77.111.247.67

Хүмүүс үеийн үед стрес, бухимдлаа ямар нэгэн байдлаар гаргаж ирсэн. Монголчууд бол архиар их гаргадаг. Гэтэл архи өөрөө гаж нөлөө ихтэй, хортой бодис. Орчин үед гаж нөлөө багатай каннабис өвсөөр стресээ тайлж, өвчнөө анагаах хүмүүс олширсон. Каннабисыг хүчтэй хар тамхинд орохын эхлэл гэдэг чинь аль хуучны үзэл шд ээ. Каннабис хориотой бодис байсан болохоор ихэвчлэн гэмт хэрэгтнүүд зардаг нь цаашлаад хүчтэй наркотик санал болгох явдал их байсан. Одоо хуульчилснаар энэ асуудал алга болж байгаа.

Avatar

Иргэн 2020-02-05 66.181.191.43

Хэрэглэгчдийг эмчилгээнд өөрсдийнх нь зардлаар явуулаад, борлуулагчдийг хатуу шийтгэх ёстой

Avatar

нэр төр 2020-02-05 192.82.77.110

үхэл өөр ямарч эмчилгээ бахгүй

Avatar

Иргэн 2020-02-05 66.181.191.43

Тэнэгтээд байгаарай

Avatar

би 2020-02-05 103.212.119.188

СЭМҮТ-ийн энэ чиглэлээр дүгнэлт гаргадаг баг яг шүүхийн шинжээч нар шиг авлига авч худлаа дүгнэлт гаргаж авлтгачид олигархуудын хүүхдэд тусалдаг. харин энгийн ямар ч гэм зэмгүй хүүхдүүдийг шорон луу хийхэд тусалдаг. Та бүхний үр хүүхдүүд 7 үеэрээ хохироосн хүнийхээ тоогоор горонд явнаа Баатраа эмчээ!!!!!!!!!

Avatar

Зочин 2020-02-05 66.181.185.168

Үхэл бол цорын ганц эмчилгээ.

Avatar

Иргэн 2020-02-05 66.181.191.43

Хэрэглэгчийг эмчилгээнд-борлуулагчийг шоронд

Avatar

Зочин 2020-02-05 203.98.76.192

Зөв л хүн хүмүүжүүлэх гэж гэж шоронд хийж байгаа болохоос төмөр тор чухал биш шүү дэ. Эмчилгээ хийх нь зөв

Avatar

кккк 2020-02-05 103.9.90.98

шоронд эмчилж болно шүү дээ

Avatar

ЗОЧИН 2020-02-05 202.126.88.186

ХАР ТАМХИЧИН ГЭДЭГ НЬ ГАВЯАТАЙ УЛС ЮМ УУ ? ГАЙ ТАРИАД ЯЛАА ЭДЭЛЖ БАЙГАА НИЙГМИЙН ХОР , ШААРУУД !!! ЭМЧЛЭХ ДУРТАЙ ЮМ БОЛ ШОРОНД НЬ ЭМЧЛЭХГҮЙ ЮУ !!!

Avatar

Зочин 2020-02-05 175.38.170.112

Энэ эмч яахав чиний хүүхэд хүнд уруу татагдаад хэрэглэгч болсон бол чи шоронд эмчилмээр байна уу?

Avatar

зочин 2020-02-05 203.91.115.51

Хар тамхи татагчид гэдэг Нийгмийн хар кроно вируснүүд

Avatar

Монгол 2020-02-05 202.9.46.71

Хар тамхичдыг шоронгоор айлгаж хязгаарлаж байгаа. Эмнэлэгээс хэн ч айхгүй. Архичидыг харахад эмнэлгээс гарсан баяр гээд тэмдэглээд явж байдаг. Хар тамхины баялаг түүхтэй орнуудын хууль нь чанга байдаг . Мэддэг болоод л тэгсэн байх.

Avatar

Зочин 2020-02-05 119.40.103.6

Ер нь бол зөв хэлжээ. Гэхтээ хууль ер нь чанга, тэгээд хэрэгждэг байвал энэ асуудал хумигдана. ЭНэ бол мөнгө олохын төлөө хийж буй үйл ажиллагаа, үүний нөлөөнд баячуудын хүүхэд голдуу, хөнгөмсөг залуучуудхүүхдүүд татагдан орж байна. Шоронд нь хий, Хар тамхитай холбоотой хэргийг УБ хот, аймаг гэж харгалзалгүй нэг газар хорьж тэнд түүнийг эмчлэх тасаг байгуулах хэрэгтэй.

Avatar

Иргэн 2020-02-05 66.181.191.43

Академич Нарангэрэл Нямдоржийн шоронжсон хууль гээд байдаг нь аргагүй юм баына

Avatar

Иргэн 2020-02-05 66.181.191.43

Тэр өвсийг чигь АНУ,Канад,Голланд мэтиын дэлхийн олон оронд зөвшөөрсөн баыдаг юм. Манайх шиг шоронжмон орон алга

Avatar

Зочин 2020-02-05 202.179.24.130

ер нь бол хэрэг хийе гэж хийдэг хүн ховор. санамсаргүй байдлаар, бусдын буруугаас, амьдралын асуудлаас, гүтгэлгээр гээд олон шалтгаанаар хэрэгтэн болж хохирох тохиолдол бий. Тийм ч учраас дэлхийн улс орнууд хүнлэг энэрэнгүй хуульт нийгэм рүү яваад удаж байгаа. Манай улс социализмын үед энэрэнгүй хуулийн тухай ярьдаг байсан юм шүү. хүний эрх, эрх чөлөөг дээдлэсэн, хүмүүнлэг энэрэнгүй нийгмийн төлөө явж байгаа өнөө үед шоронжоод л байна даа

Avatar

Зочин 2020-02-05 66.181.178.115

Монголд архинд донтоод амьдралаа үрэн таран хийгээд гудамжинд шээс баастайгаа холилдоод явж байгаа хүн зөндөө, бас архинд согтож мансуураад найз нөхөд, үр хүүхэд, гэр бүлийнхэн ээж аавыгаа зодсон, гэмтээсэн бүр амь насыг нь хохироосон хэрэг зөндөө. Хар тамхи хэрэглэсэн хүүхдүүдийг 1-12 сар баривчлан албадан хөдөлмөр хийлгэх, албадан эмчлэх гэх зэргээр шийтгэх хэрэгтэй. Харин их хэмжээгээр хилээр оруулж ирсэн, олон үйлдлээр худалдан борлуулсан сүлжээтэй нь сайн тэмцэж хатуу ял оноо.

Avatar

Зочин 2020-02-05 202.21.96.212

Зөв ярьж байна. Архичдыг эрүүлжүүлэхд хийдэг шиг тиймэрхүү байдлаар тэмцэх ёстой. Гэтэл ганц өвс татсны төлөө хүүхдийг 2 жил шоронд алуурчид, хүчирхийлэгчид, хулгаачтай хамт хорино гэдэг чинь байж болохгүй асуудал.

Avatar

Зочин 2020-02-05 59.153.84.70

Хар тамхи хэрэглэсэн үгүй нь хамаагүй биедээ мансууруулах бодис авч яваад баригдсан бол шоронд орж байгаа байх

Avatar

би 2020-02-05 202.21.96.76

Зөв. Соц үеэс уламжлалтай буруу зүйлд автсан хүнийг нийтээрээ жигших замаар өөрийгөө сайн, зөв хүн гэдгийг мэддэг, мэдэрдэг сэтгэлгээ хуучин соц орнуудаас салахгүй л байгаа. Орос, Монгол 2 яг тийм. Сайн/ мууь сайхан/ муухай гэсэн хар, цагаанд хувааж харах, өөрөө цагаан талд нь орох дотоод хүсэлдээ автсан хүмүүс. Нөгөө хазайсан үед нь түшээд авах дорнын суу ухаан маань где?

Avatar

Зочин 2020-02-05 64.119.25.176

Эмчлэх биш хатуу ялаар л хязгаарлана. Филиппин улсын талаар судла.

Avatar

Зочин 2020-02-05 202.55.191.130

iimerhuu bodoltoi humuus bdag ni haramsaltai shuu. gehdee yay gehev dee yavaandaa oilgoj iluu hunleg boloh bh gej naidaj bna. odoogiin manai niigmiin dur turh neg iimerhuu l. **, tsaazal, shorond hataa geh meteer shiitgeliig hunii ami horooh helbereer l guitsetgehiig iluud uzdeg.
bidnii medleg bolovsrol nemegdehiin hereer iluu hunleg bolno gej bodoj bna. turuus guih gants zuil ni: medleg bolovsroliig deeshluuleh bolomjtoi togtoltsoonii eh uusveriig l taviad uguuch……. ene l buh saihnii ehlel

Avatar

Зочин 2020-02-05 103.229.121.90

Эмчлэх зардлыг бид дийлэхгүй үр дүн өгөхгүй. Донтогчдыг дуртай юмных нь өндөр тунгаар тарьж устга

Avatar

Зочин 2020-02-05 59.153.84.70

хахаха

Avatar

Зочин 2020-02-05 66.181.182.219

тэр плэйтайм гэдэг хар тамхичдын туршлага солилцох уулзалтыг сайн хянаачээ.

Avatar

ggg 2020-02-05 203.91.115.250

zu zu buur emchlex xeegtei h gex shig zailaa

Avatar

Зочин 2020-02-05 192.82.76.150

Борлуулагчийг шоронд хийж чадахгүй. ЯАГААД? гэвэл 7 буудалын Долгор эмээ борлуулагч баыдаггүй. Хууль хүчний байгууллагад ажиладаг хүмүүсийн хамгаалалтай хүмүүс борлуулт хийдэг. Эсвэл мөнгө эрх мэдэлтэй хүмүүсийн хамгаалтай хүмүүс хийдэг….. Борлуулагч баригдахгүй. Хэрэглэгч баригдана угаасаа борлуулагч мэдээгээ өгч байгаа тэр надаас авсан шүү гээд…. цагдаа барилаа их хэмжээний мөнгө өваад суллаад явуулна. Энэ ийм ашигтай учраас зогсохгүй. Ганц л арга байгаа …….тийм учраас хууль чанга

Avatar

Тулга. 2020-02-05 202.126.89.149

Дэлхийн жишигт энэ хүний хэлж буй шиг эрхлүүлж жаргаасан нэг ч улс байдгүй. Хатуу чанга хуулиар хорьж цаазалж хойч үеэ хорт зуршлаас хамгаалдаг.

Avatar

Зочин 2020-02-05 124.158.110.82

хятадад л тэгдэг. өндөр хөгжилтэй оронд харин ч зөөлөн хууль үйлчилж, хүнээ анхаардаг. мал минь юм мэдэхгүй байж дуугүй бай

Avatar

Зочин 2020-02-05 66.181.191.43

Юу ч мэдэхгүй малан дурак минь тэр Хятад руугаа тонил

Avatar

Зочин 2020-02-05 66.181.160.68

ene avgai yu soliorood bnaa erguu mal chin uhej dald orooch ter har tamhichidtaigaa uhdel min bilegjarjargaliin erhteng hohsoor bgaad erguu bolj

Avatar

Зочин 2020-02-05 202.131.245.6

Өөрийгөө моодонд оруулаад бн уу даа энэ эмч гуай, Муу пэ нүүдийг ясын цайтал шарталтын улам мэдрүүлтэл хорих хэрэгтэй, Ээж аавыгаа зодож нүдсэн новшнуудыг

Avatar

ТАМХИЧИН 2020-02-05 202.126.88.186

ЭНЭ БАЛАЙ АВГАЙ ЧИНЬ ӨӨРӨӨ ХЭРГЭЛЭГЧ ЮМ БИШ БИЗ ДЭЭ !!! ХА ХА ХА !!!

Avatar

Зочин 2020-02-05 203.91.115.47

Оркууд үүнийг ойлгохгүй. Мафийг нь шоронд хийгээд донтогсдыг нь эмчлэх нь л зөв байх ёстой. Донтох чинь өвчин шүү. Өвчтөнг шоронд хорьдоггүй эмчилдэг юм. Харин худалдан борлуулсан сүлжээг нь хатуу шийтгэх ёстой юм.

Avatar

Иргэн 2020-02-05 66.181.191.43

Маш зөв, ийм ухаантай хүн бас байдгаа

Avatar

Иргэн 2020-02-05 66.181.191.43

Хохирогчгүй хэрэг. Улсын өмч хулгайлсан , луйвардсан хүмүүсээ шоронд хийж чадахгүй байж улсыг хохироогоогүй, өөрийгөө л хохироосон хүиүүсийг шоронжуулах нь маш буруу

Avatar

1 2020-02-05 119.40.103.6

Юун эмчилгээ вэ. Хэрэглэх эсэх нь зөвхөн хувь хүний л санааны хэрэг шүү дээ. Иймд шууд шорон

Avatar

Иргэн 2020-02-05 66.181.191.43

Тэгвэл архи ч гэсэн адилхан

Avatar

zochin 2020-02-05 150.129.142.168

SHUUD SHORON , bidnii tatwaryn munguur lalaruudyg bas emchlekh uu? bid khar tamkhi tatakhyg shaardaaguy

Avatar

НАМСРАЙ 2020-02-05 103.240.241.110

хар тамхичид тархи угааж ял завшихд асар их мөнгө зарууллж байгаагийн жишээ нь энэ шүү, хамгийн гол нь хөрөнгө мөнгийг хурааж өндөр торгууль тавьж эдлэх ялын зардаыг 10дахин төлүүлэх хэрэгтэй

Avatar

Хүннү 2020-02-05 202.55.188.44

Дэлхийн жишиг “шорон” шүү дээ. Та нар эмчилж чадахгүй.

Avatar

Ухаант хүмүүн 2020-02-05 202.126.89.175

Тэнэгтээрэй хүнээ засч авах нь манай улсын үүрэг!!!
Шорон хүчирхийлэл ихэссэнээр сайхан нийгмийг бүтээхгүй!!!!

Avatar

Зочин 2020-02-05 64.119.17.134

Хүмүүсээ архинаас гаргаж чадахгүй байж юун хар тамхинаас эмчлэх?!Нэг их худлаа онолдсон хүн…

Avatar

Зочин 2020-02-05 66.181.187.74

Монгол бол 1тэрбум, 500 сая хүн амтай Хятад биш. Шоронжуулж болохгүй!

Avatar

Зочин 2020-02-05 64.119.17.134

Тэгвэл ямар ч хууль тогтоомж хэрэггүй,УИХ,ЗГ тар,огцор,Монгол хуульгүй,шоронгүй орон болно.

Avatar

ЗОЧИН 2020-02-05 103.10.23.6

МАШ ӨНДӨР ТӨЛБӨРТЭЙ АЛБАДАН ЭМЧИЛГЭЭ ХИЙГЭЭД ЗАРДЛЫГ НЬ ӨӨРСДӨӨР НЬ ГАРГУУЛАХ ХЭРЭГТЭЙ

Avatar

зочин 2020-02-05 182.160.33.126

эхлээд архичидаа эмчлээд сурчих, архид чинь нийгэмд байсаар байна, юун тэр хар тамхи, хар тамхи чинь санаатай үйлдэл

Avatar

Зочин 2020-02-05 203.98.76.100

Шоронд хорих болон эмчлэхийг яагаад хослуулж болохгүй гэж

Avatar

Зочин 2020-02-05 64.119.26.42

Толгой авдаг болсон цагт энэ гэмт хэрэг үгүй болно. Ажилтай байхын тулд энэ авгай бурж байна.

Avatar

зочин 2020-02-05 202.21.120.66

маш зөв хил гаалиа чангатгах борлуулагчийг хариуцлагад татах хэрэглэсэн хүнийг эмчлэх хар тамхины хор хөнөөлийн тухай сургуулийн хүүхдүүдэд мэдлэг олгох сургалтын программд оруулах залуучуудад зориулсан сургалт зохион байгуулах гээд нийгэмд ач тустай ажлуудыг яаралтай хийх хэрэгтэй манайд олон ТББ байдаг тэд энэ чиглэлээр ажиллах хэрэгтэй

Avatar

Иргэн 2020-02-05 66.181.191.43

Зөв зөв

Avatar

зочин 2020-02-05 182.160.33.126

архийг муухай гээд ухуулдаг л биз дээ, сайжирсан нь хаана байна, битгий ийм гэнэн юм ярьж бай

Avatar

irgen 2020-02-05 202.9.46.5

Bitgii erguuteed bai malaa.

Avatar

Зочин 2020-02-05 192.82.76.150

Хэрэглэгчийг УИХ-ын гишүүн болгох л зөв. Эмчлээд ч яадаг юм. Хууль бус орлого олсон гэр бүлээс ийм хэрэглээ гардаг. Бид ийм хүмүүсийг засгийн газрын гишүүн болговол ямар вэ?

Avatar

Иргэн 2020-02-05 66.181.191.43

Хэрэглэгчийг эмчилгээнд, борлуулагчийг шоронд гэдгийг хуулиндаа тусгэж өгөх хэрэгтэй болжээ

Avatar

Иргэн 2020-02-05 66.181.191.43

Маш зүйтэй санал хэлжээ. Хар ттамхи борлуулагчийг,гаднаас зөөвөрлөгийг хауу шийтгэххэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж