Сирийн арми давшихын хэрээр Аль-Кайда болон Цагаан дуулгатай холбоотой цэргүүд Идлиб мужид химийн дайралтад бэлдэж байна хэмээн Оросын эвлэрүүлэн зохицуулах төвөөс мэдээлжээ.

Засгийн газрын эсрэг дайчдын хяналтад байдаг нутаг дэвсгэрийн бие даасан иргэний хамгаалах бүлэглэлийн гишүүд Алеппо хотоос баруун хойш 11 км-т байдаг Марат Ал-Артик хотод ирж буйг эх сурвалжууд харсан байна. Өчигдөр /2020.02.03/ орой ОХУ-ын эвлэрүүлэн зохицуулах төвийн шууд утсанд ирсэн мэдээллээр тэд хорт бодис ашиглан өдөөн хатгалга хийхээр бэлдэж байгаа аж.

Аль-Кайда бүлэглэлийн холбоотон Ал-Нурса гэгдэж буй Хаят Тахрир ал-Шамын цэргүүд, 15 цагаан дуулгатан хотод байгаа гэнэ. Мөн нутгийн хоёр иргэний хэлснээр хоёр машин 400 литр орчим химийн бодис хотод оруулж ирсэн байна. Мөн Хаят Тахрир ал-Шамын цэргүүдийн гэр бүл тэргүүтэй хүүхэд, насанд хүрэгч нийлсэн 200 оршин суугч Идлибээс нүүжээ.

Эвлэрүүлэн зохицуулах төв цэргүүдийг эл гэмт хэргээ зогсоохыг шаардаж, цэргүүдийн мэдэлд байгаа Идлиб рүү цэрэг дайчилсан Туркэд химийн дайралтыг зогсоохын тулд боломжит бүх аргыг хэрэглэхийг даалгасан байна.

Эх сурвалж: RT