Монголд энх цагийн дайн өрнөсөөр | News.MN

Монголд энх цагийн дайн өрнөсөөр

Хуучирсан мэдээ: 2020.02.03-нд нийтлэгдсэн

Монголд энх цагийн дайн өрнөсөөр

Монголд энх цагийн дайн өрнөсөөр

Монгол Улс нь тайван амгалан оронд тооцогддог гэдэг. Улс орнуудын тайван, аюулгүй байдлыг үнэлдэг “Global peace index” судалгааны тайланд Монгол Улс дэлхийн 163 орноос 42 дугаарт бичигдсэн байдаг. Батлан хамгаалах зардал, терроризм, дайн самуунд амиа алдсан хүний тоо, эдийн засагт хүчирхийллээс үүдэлтэй гардаг зардал, энхийг сахиулах үйлсэд оролцох оролцоо зэрэг олон үзүүлэлтээр дээрх жагсаалтыг гаргадаг юм.

Гэхдээ Монгол үнэндээ тийм ч тайван амгалан орон биш, энх цагийн дайн өрнөж байдаг орон аж. Учир нь, Монгол Улсад дайн байлдаан болж буй мэтээр жилд үй олон иргэн амиа алдаж байна.

ЖИЛД 3000 ХҮН ОСОЛ, ГЭМТЛЭЭР НАС БАРДАГ

Осол гэмтлийн улмаас жилд 3000 Монгол хүн, өдөрт 7-8 хүн амь насаа алдаж байна. Тухайлбал, 2018 онд ослын улмаас 142.665 хүн гэмтэж, 2920 хүн амиа алджээ. Зөвхөн зам тээврийн ослоор жилд 500 гаруй хүн хорвоог орхиж байна. Тодруулбал, 2018 онд зам тээврийн осолд 5323 хүн өртөж, 4761 нь хүнд гэмтсэн бол 562 хүн нь нас баржээ. Нас барсан хүмүүсийн 52 нь хүүхдүүд байгаа юм. Ослын дийлэнх нь буюу 74 хувь нь орон нутгийн замд гарчээ. Мөн 6500 орчим хүн түлэгдэсний 67 хувийг хүүхдүүд эзэлж байна.

Зам тээврийн ослын 97 хувь нь жолоочийн буруугаас, гүйцэж түрүүлэх, жолоо барьж байхдаа утсаар ярих, гэрлээ шилжүүлэхгүй байх, тээврийн хэрэгслийн бүрэн бүтэн байдлыг дутуу хангах, хурд хэтрүүлэх, согтуугаар жолоо барьсан зэргээс шалтгаалдаг байна.

ЖИЛД 30-50 ХҮН УГААРТАЖ НАС БАРДАГ

Өнгөрсөн оны тавдугаар сараас эхлэн нийслэлд түүхий нүүрс хэрэглэхийг хориглож, нийтээрээ сайжруулсан түлш ашиглахаар болсон. Гэвч аравдугаар сарын 3-наас эхлэн иргэд сайжруулсан түлшинд угаартаж амь насаа алдаж эхэлсэн. Албаныхан цаг үеийн асуудлаар өдөр бүр мэдээлэл хийх болсон бөгөөд энэ үеэрээ “Жилд 30-50 хүн угаартаж нас бардаг гэдгийг “Тавантолгойн түлш” компанийн гүйцэтгэх захирал М.Ганбаатар дурдсан билээ. Гэвч нийслэлийн хэмжээнд сайжруулсан түлш хэрэглэж эхэлсэн 2019 оны аравдугаар сараас эхлэн өнөөг хүртэлх хугацаанд 10 гаруй иргэн зөвхөн угаартсан байдалтайгаар амь насаа алдаад буй. Үүн дээр гал алдсанаас гэртэйгээ шатаж амь насаа алдсан иргэдийн тоог нэмбэл том тоо гарах болж байгаа. Харамсалтай нь, өнөөдөр энэ тухай эрх баригч нам нь ч ярьдаггүй, сөрөг хүчин нь ч үг хэлдэггүй. Хүний амь хөсөр хаягдсаар л байна.

Үндэсний статистикийн хорооноос өгч буй мэдээллээр  нүүрс төрөгчийн давхар болон дан исэлд улсын хэмжээнд хордож, эмчүүлж буй хүмүүсийн тоо жил ирэх бүр нэмэгдэж байна.

ОнАмбулаторт үзүүлсэн

Хэвтэн эмчлүүлсэн

20144017
20152515
20165723
201719825
201811542
2019468127

ХАТГААГААР ЖИЛД 400 ГАРУЙ ХҮН НАС БАРЖ БАЙНА

Хатгаагаар л гэхэд жилд 78 мянга гаруй хүн өвчилж, 400 гаруй хүн нас барж байна. Үндэсний статистикийн хорооноос өгч буй мэдээллээр сүүлийн таван жилд хатгаагаар 1865 хүн нас барсан байгаа юм.

Уушигны хатгалгааг үүсгэгч олон төрлийн вирус байдаг бөгөөд H3N2, N1H1 томуугийн вирусээр үүсгэгдсэн уушигны хатгалгаанд хүн ам түлхүү өвдөх болжээ. “Томуугаас урьдчилан сэргийлж, эрт үед нь эмчид хандвал уушигны хатгалгаа нь эдгэдэг өвчин. Ханиад хүрч, халуурвал яаралтай эмчид ханд”  хэмээн эмч мэргэжилтнүүд ч учирладаг. Гэвч иргэд ханиадаа хүндрүүлж, хатгаа болсон хойно нь эмнэлэгт ханддаг аж. Зарим нь эмчилгээ авдаг ч цаг алдаж хандсан тохиолдолд хатгаагаар нас барах шалтгаан болдог байна.

 

 ЛИВИД 1000 ГАРУЙ ХҮН АМИА АЛДЖЭЭ

Монголд осол, гэмтлийн улмаас жилд 3000 хүн нас барж байгаа нь 3.2 сая хүн амтай орны хувьд дайн дажинтай орноос ч илүү олон хүн амь үрэгдэж байна гэсэн үг юм.

Ливийн Үндэсний зөвшилцлийн Засгийн газраас Триполи хотыг чөлөөлөх цэргийн ажиллагааг өнгөрсөн оны дөрөвдүгээр сарын 4-нд эхлүүлсэн билээ. НҮБ-ын мэдээлснээр, уг цэргийн ажиллагаа эхэлснээс хойш 1000 гаруй хүн амиа алдаж, 5000 гаруй хүн шархаджээ.

Түүнчлэн 2019 онд Сири дэх мөргөлдөөний улмаас 1106 хүүхэд амь үрэгдсэн нь энэ төрлийн мэдээллийг бүртгэж эхэлснээс хойших хамгийн өндөр үзүүлэлт болсон тухай НҮБ-ын Хүүхдийн сан мэдээлсэн. Сирид амь үрэгдсэн хүүхдүүдийн талаарх мэдээллийг Хүүхдийн сан 2014 оноос бүртгэж эхэлсэн юм. Амь үрэгдсэн хүүхдүүдийн дийлэнх нь мина болон тэсрэх төхөөрөмжид өртжээ.

Монголчуудын эрүүл мэнддээ хайнга ханддаг, хайхрамжгүй байдал, эрх баригчдын иргэдийн амьдрал уялдаагүй шийдвэр зэргээс шалтгаалан энх цагт дайн байлдаантай орны иргэд шиг үй олноороо амь үрэгдсээр байна.

 

Энэ мэдээнд өгөх таны сэтгэгдэл?
14
ХарамсалтайХарамсалтай
3
БурууБуруу
1
ХахаХаха
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ТэнэглэлТэнэглэл
Баярлалаа!

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-02-03 1.223.35.59

dain bol monh helber zevseg mash ih oorchlogdoj baina golduu orchin uyiin arga bol ediin zasgiin arga. uhaalag erga tul mongolchuudiin uhaan hurehgui diildeed baij baina ichih heregtei yaduu hogjilgui baina gedeg bol orchin uyiin daind yalagdal

Avatar

Зочин 2020-02-03 202.179.25.131

Дайн майн гээд та нар битгий юмыг хөөргөөд бай. "Муу эр дайнд хөөрнө" гэгчээр хүмүүсийг улам стресст оруулах зорилгоор битгий юмыг хэтрүүлж сүржигнээд бай. Байдлыг хүмүүс хайрж л байна, гадарлаж л байна. Тайван байх хэрэгтэй. Муу ер зөгнөдөг news.mn -ийхэн

Avatar

zochin 2020-02-03 1.223.35.59

dain bol monh. helbereee l oorchlood baina

Avatar

Зочин 2020-02-03 66.181.161.41

Иргэн хүний өөрийн мэдлэг, хувийн харицлага байхгүй байгаа нь нэг шалтгаан. Бид Үндсэн хуульд нийцүүлж гаргасан хууль, тогтоомжтой улс орон. Иргэний үүрэгт "… Хөдөлмөрлөх, эрүүл мэндээ хамгаалах, үр хүүхдээ өсгөн хүмүүжүүлэх, байгаль орчноо хамгаалах нь иргэн бүрийн журамт үүрэг … " гэдгээ хааяа санаж байх хэрэгтэй шүү. Бидний эрх, эрх чөлөө бусад иргэний эрх, эрх чөлөөгөөр хязгаарлагддаг тул өөрөөс хамаарах бүхнийг хийсны дараа бусдаас шаардах нь арай дээр юм уу даа …

Avatar

Зочин 2020-02-03 96.51.169.163

Mонголоо хүн амьдарч болохооргүй улс мэт байнга сурталчлах нь хэнд ашигтай вэ?Нэг жишээ хэлэхэд:30 сая хүнтэй Канад улсад жилд томуу хатгаагаар 3500 хүн нас бардаг гэсэн тоо байна.(Хүн амын зарим хэсэг, магадгүй 50% иас дээш хувь нь томуугийн вакцин хийлгэсэн ч гэсэн).Монголд 400 хүн гэсэн үзүүлэлт нь өндөр хөгжилтэй Канадтай ойролцоо байгаа биз? Тэгэхээр манай ЭМЯ хүмүүстээ өвчнөөс урьдчилан сэргийлэх талаар сайн мэдээлэл өгдөг байх, хүмүүс ч өөрсдөө эрүүл мэндэдээ хариуцлагатай ханддаг баймаар

Avatar

Зочин 2020-02-03 103.212.119.239

Дайн ч гэх шиг. Элдэв тахал хол байгаад баярла. Жолооч нар дэндүү давхидгаа боль

Avatar

/*-*/ 2020-02-03 49.0.212.35

Гол нь хүйтэн дайн дотоодын шинжтэй болоод 30 жил болж байна. Зүгээр л хандлагаа өөрчлөх хэрэгтэй. Зөвлөлтийн коммунизмын үзэл одоогоороо амьд байна. Ямар ашиг байнаа

Avatar

Зочин 2020-02-03 66.181.176.81

Manaihnii ihenh ni bolnoo gsn uudrug huleelt mun tengereer duuleh hooson muruudul zugeer bhad altan zoos tengerees unah yum shig bodoltoi bndaa. unuu margaashaa harsaar baital taniig nuguudur yu huleej baigaag harj chdhaa bjee. Huurj hiisen uildlees yamar asuudal uushiig olj harj chdku boljee. Yaahuu manaihaan. Hench zemlej chdna ihenhi ni l ene baidliig medej baigaa. yaaahuuuuu??? Undesnii darhlaa uusgej dor burnee hicheetsgeey, biye biyenee hairlah setgel oorsdondoo suulgahaar gh yamar negen social davalgaa ehluulhuu kkk yaaahuu

Avatar

Зочин 2020-02-03 66.181.176.81

Bid daanch neg negnee hairlah hair, eh ornoo gsn setgel aahku. Zuwhun shunal, sain yawaadaa ataarhah setgel, hooson huuruh l bdl l aagaa haha. Tengereer

Avatar

Зочин 2020-02-03 66.181.191.150

Ю.Цэдэнбал Оросын мал баазын дарга байсан. Өнөөдөр Хүрэлсүх ялгаагүй Хятадын мал баазын дарга хийж байна. Одоо Солонгос руу амьд боол экспортод гаргаж байгаа. Улам л доошоо заяатай юмаа нэг л бишээ….. Үнэндээ доошоо байгаа шүү. Бодит байдлаа ярих цаг болсон. Улиралын мэндтэй Энэ дэлхийн хурд их болсон. Бид 90 хонгийн алслалтай мэндтэй байдаг. Одоо яах вэ хоёр халтэй малуудаа…ч

Avatar

Зочин 2020-02-03 66.181.178.197

Эв нэгдэлгүй, хүний мууг үзэж баярладагаасаа болж кибер дайнд байнга ялагддаг.

Avatar

Зочин 2020-02-03 66.181.178.197

Үүн дээр гал алдсанаас гэртэйгээ шатаж амь насаа алдсан иргэдийн тоог нэмбэл том тоо гарах болж байгаа. Тоог нь гарга даа.

Avatar

Зочин 2020-02-03 64.119.18.52

ТӨР ЗАСАГ НЬ ИРГЭДДЭЭ ХАЙРГҮЙН ТОД ЖИШЭЭ .

Avatar

Зочин 2020-02-03 139.5.216.32

Hahaha tor zasag uund ymar hamaa bnaa, oorsnoo uheh gej bgam shig jolooddog, ene tend shuls tseree hayj ovchnoo taraaadag bj

Avatar

зочин 2020-02-03 192.82.77.150

Улиг болсон синобакс амоксициллин флемоксин бичиж хүний эрүүл мэндээр тоглодог эмч нар болих хэрэгтэй

Avatar

Зочин 2020-02-03 66.181.191.150

Манайхаас ес дахин хүн амтай дайнтай оронд 1000 хүн нас барж байхад. Манайд гамшиг юмаа аргагүй үхэр Монгол гэж үнэн юмаа…. Элбэгдорж болон Хятад гаралтай хүмүүс САНААТАЙГААР хөөрөгдөж байна. Босоо заяа Тэнгэр заяа Чингис 3 сая Чингис төрлөө гэх мэт үгэн мэхэнт ойчоод босож чадахгүй байна. Сэтгүүлчид бас маш их буруутай. Монгол хүн тэглээ ингэлээ гээд

Avatar

ИРГЭН 2020-02-03 202.9.46.135

хариуцлагагүй монгол. ноогдох шийтгэлийг чангатгах ёстой юм. шийтгэл сул, хариуцлага тооцдоггүйгээс хүний амь хөнөөж байдаг …

Avatar

Зочин 2020-02-03 202.131.235.198

ЗХУ болон ОХУ, СНГ-д 5 жил суралцаж төгссөн
хүмүүст ОХУ-ын Магистрийн гэрчилгээ
нөхөн олгож байна. Утас: 88671597.

Avatar

Зочин 2020-02-03 66.181.183.187

Судалгаанаас харахад төр засгийн удирдлага хариуцлагагүй байгаа нь харагдаж байна.Энэ олон жолооны курсээ хаа замын хөдөлгөөний дүрмэндээ өөрчлөлт оруулж гарцтай газраар жолооч нар хүн дайрчих шахуу гаргаж байна нөгөө нэг нь ногоон гэрэл явган зорчих улсын аль нь явах төрийн албаны ажиллагсад хэдэн зуу мянгаар нэмэгдэж авилга 10 гаруй их наяд гарсан зэргээ эргээд хардаа ийм.
байхад улс орон хөгжих үү амьдрал сайжрахуу

Avatar

Зочин 2020-02-03 122.201.21.232

Гүндүүгүй сайхан гэдэг бүдүүн бааз сэтгэлгээ үүнд их нөлөөтэй…

Avatar

Залуу малчин 2020-02-03 203.169.49.110

БАЙНГА Л НАЙР, НААДАМ АРХИДАЛТ, ХЭНЭГГҮЙ, ХАРИУЦЛАГГҮЙ БАЙДЛЫН ҮР ДҮН. ТӨР НЬ ЧИНГИС ЧИНГИС ГЭЖ ХӨӨРӨГДӨНӨ.

Avatar

Зочин 2020-02-03 202.21.113.146

ТҮМЭН ЗӨВ

Avatar

Зочин 2020-02-03 66.181.179.179

Айрагдах архидах тамхидах дээрээ м*нс**р*х баярхах нэмэгдээд сайхан байнаа

NewsMN Гар утасны хувилбар Татах
NEWS.mn

Мэдээллийн эх сурвалж