550 худгийг тагжуулж бүртгэлжүүллээ | News.MN - Мэдээллийн эх сурвалж

550 худгийг тагжуулж бүртгэлжүүллээ

Хуучирсан мэдээ: 2015.10.23-нд нийтлэгдсэн

550 худгийг тагжуулж бүртгэлжүүллээ

Улаанбаатар хотын Ерөнхий  менежерийн шуурхай хуралдаан боллоо. Шуурхай хуралдаанд инженер хангамж, нийтийн үйлчилгээний байгууллагууд мэдээлэл хийв.

“Орон сууц нийтийн аж ахуйг удирдах газар” ус, дулаан, бохирын нийт 7414 ширхэг худгийн ашиглалт үйлчилгээг хариуцан ажилладаг бөгөөд өвөлжилтийн бэлтгэл хангах ажлын хүрээнд иргэдийн аюулгүй байдлыг хангах үүднээс 550 худгийг стандартын тагаар таглаж бүртгэлжүүлсэн.  

“Нийтийн үйлчилгээний Улаанбаатар нэгтгэл” Улаанбаатар сувилалын арын зам, Энхтайваны өргөн чөлөө Кёкюшүзан цамхаг, Их тойрууд 4, Бага тойрууд 2, Чингисийн өргөн чөлөө, Их сургуулийн гудамж, Төмөрчний гудамж, Дүнжингаравын урд замын  үзлэгийн худаг, шүүрт худгийг засварласан. Мөн зүүн хэсгийн хөрсний усны шугамын 10 худгийг  засварлаж 5 дугаар хорооллын шугамын 7 таг,  Жамсранжавын гудамжны худгийн шүүрийг нөхөж,  Нарны гүүрний урд Ф300 хоолой 7 урт метр шугам угсралтын ажил хийжээ.

Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал ”Өвөлжилтийн бэлтгэл ажлыг шалгах Ерөнхий менежерийн нэрэмжит үзлэг шалгалт болно. Урьдчилан мэдэгдэлгүйгээр гэнэтийн шалгалт хийж ажлын хэсгээс шаардлагатай обьектуудад очно.Өвөлжилтийн бэлтгэлийг маш сайн хангах хэрэгтэй байна.  Энэ өвөл цас их орох цаг агаарын урьдчилсан мэдээлэл ирж байгаа тул давс, элс, бодисын нөөцийг хангалттай бэлтгэх хэрэгтэй” гэлээ. Мөн траншейны болон шүүрт худгийн тагуудыг бэхэлгээтэй, байгууллагын нэр хаягийн товчлолтой болгохыг үүрэгдлээ гэж Улаанбаатар хотын Захирагчийн ажлын албанаас мэдээллээ.

 
"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!