Цасан шуурга шуурч, хүйтэрнэ | News.MN - Мэдээллийн эх сурвалж

Цасан шуурга шуурч, хүйтэрнэ

Хуучирсан мэдээ: 2015.10.23-нд нийтлэгдсэн

Цасан шуурга шуурч, хүйтэрнэ

Ус цаг уур орчны судалгаа мэдээллийн хүрээлэнгээс маргаашнаас цас орж, цасан шуурга шуурахыг сэрэмжлүүлж байна. Энэ сарын хувьд тогтуун, дулаан байсан ч маргаашнаас хүйтэрнэ гэдгийг малчдад санууллаа.

Тодруулбал, маргааш баруун аймаг, нөгөөдөр баруун аймгийн зүүн хэсэгт, төв, говийн аймгуудын нутгаар цас орж, цасан шуурга шуурч болзошгүй юм байна. Харин 26-нд нутгийн зүүн хагаст, төв, зүүн аймгуудын зарим газраар их хэмжээний цас орох талаар сэрэмжлүүллээ.

Ялангуяа малчид, тариаланчдын зүгээс цаг агаарын мэдээллээ тогтмол авч сэрэмжтэй байхыг анхааруулсан юм. Учир нь сүүлийн өдрүүдэд цаг агаар тогтуун, дулаан байсан учраас гэнэтийн хүйтрэлтэд бэлтгэлтэй байх хэрэгтэйг сануулав.

Шилжилтийн улиралд өвөлжилтийн бэлтгэлээ бүрэн хангаж амжаагүй малчид малаа салхинд уруудуулах, төөрөх, зам даваа хаагдах зэргээр хүндрэлтэй нөхцөл үүсдэг байна.

Энэ сарын 25-нд нутгийн баруун хагаст цаашдаа ихэнх нутгаар хүйтэрч, уулархаг нутгаар өдөртөө 3-8 градус,шөнөдөө 15-20 градус хүйтрэх төлөвтэй байна. Мөн говийн бүс нутгийн өмнөд хэсгээр өдөртөө 1-6 градус, шөнөдөө 3-8 градус хүйтэн, бусад нутгаар өдөртөө гурван градус, шөнөдөө 7-12 градус хүйтрэх төлөвтэй байгаа аж.

Б.ЗАЯА

 

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-10-23 182.160.1.174

huitreh hugatsaa ni bolson bol huitren shuude muu malchid hetsuu yumdaaaaaaaa tuviin mani med ch yahav

Зочин 2015-10-23 150.129.142.5

surtei blgui yahav

Зочин 2015-10-23 150.129.140.73

сүртэй юм

Зочин 2015-10-23 103.10.22.42

paalantai jorlongiin mani met l ingej yaridag bhdaa...