Япон байлдааны хөлгөө Ойрхи-Дорнод руу илгээв | News.MN

Япон байлдааны хөлгөө Ойрхи-Дорнод руу илгээв

Япон байлдааны хөлгөө Ойрхи-Дорнод руу илгээв

Япон байлдааны хөлгөө Ойрхи-Дорнод руу илгээв

АНУ болон Ираны хооронд зөрчил хурцадсанаас үүдэн Япон улсаас Ням гаригт (2020.2.2) байлдааны хөлгөө Ойрхи-Дорнод руу илгээжээ. Таканами нэртэй сөнөөгч хөлөг онгоцыг 200 орчим цэргийн хамт Токио хотын ойролцоох Ёкосука тэнгисийн цэргийн баазаас үдэн гаргасан аж. Тус хөлөг нь Оманы булан болон ойролцоох тэнгисийн бүсэд тагнуулын мэдээлэл цуглуулах болон Ойрхи-Дорнодын усан дахь газрын тос зөөвөрлөгч усан онгоцнуудаа хамгаалах үүргийг гүйцэтгэнэ. Төлөвлөгөөний дагуу Японы сөнөөгч хөлөг нь Африкийн Жибути улсад байрлан тагнуулын үүрэг гүйцэтгэж буй “P-3C” гэх хоёр нисэх онгоцтой хамтарч ажиллах гэнэ.

Байлдааны хөлгийг үдэн гаргах ёслолд Японы ерөнхий сайд Абэ Шинзо оролцсон байна. Абэ Шинзо байлдааны хөлгөө Ойрхи-Дорнод руу илгээсэн нь иргэдийнхээ амь насыг хамгаалах зорилготой бөгөөд жил бүр тухайн бүсээр тус улсын олон мянган Япон хөлөг газрын тосны тээвэрлэлт хийдэг гэдгийг онцолжээ. Японы газрын тосны импортын 90 хувийг тэнгисээр тээвэрлэдэг аж.

Олон улсын цэргийн зөрчилтэй бүсэд байлдааны хөлгөө илгээх нь Японд олны анхаарал татсан эмзэг асуудал юм. Учир нь дэлхийн II дайны дараа холбоотнуудын шахалтаар Япон нь өөрийн цэрэг, армийн хүчийг хязгаарлаж,  энх тайвныг баримталсан Үндсэн хуулийг баталсан юм. Харин 2012 оны сүүлээс хойш ерөнхий сайд Абэ Шинзогийн хүчин чармайлтаар Японы цэргийн үүрэг роль нэмэгдсээр байна.

АНУ-ын ойрын холбоотон боловч Япон улс нь Ойрхи-Дорнодын далай тэнгисийн бүсэд үүрэг гүйцэтгэж буй Нэгдсэн улсын тэргүүлсэн цэргийн эвсэлд цэргээ оролцуулдаггүй. Учир нь Япон нь газрын тосны нөөцтэй Иран улстай харилцаагаа муутгахгүй, төвийг сахих байр суурийг баримталдагтай холбоотой аж. Япон нь АНУ болон Ираны хооронд ихэвчлэн зуучлагч орны үүрэг гүйцэтгэдэг бөгөөд бүс нутгийн тогтвортой байдлыг хадгалахын төлөө чухал үүрэг гүйцэтгэдэг. Гэвч өнгөрсөн 2019 оны зургадугаар сард Японы газрын тос тээвэрлэгч хөлөг онгоц Оманы буланд халдлагад өртсөн юм. Вашингтоноос энэ халдлагад Ираныг буруутган Японыг хурдан АНУ-ын тэргүүлсэн цэргийн санаачилгад нэгдэхийг уриалж байв.

Эх сурвалж: Associated Press

Энэ мэдээнд өгөх таны сэтгэгдэл?
5
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2020-02-03 49.0.212.35

Зөв өө зөв, амжилт хүсье

Avatar

Зочин 2020-02-03 202.21.116.130

Shinzo Abe banzai!!

Avatar

Зочин 2020-02-03 64.119.18.52

ЗҮГ ЧИГИЙН НЭР БАЙХАА АЛЬ ЭРТ БОЛИОД АЛБАН ЁСНЫ НЭР БОЛООД МАШ ОЛОН ЖИЛ БОЛЖ БАЙНА , ӨМНӨД АМЕРИК , ЯПОН , АВСТРАЛИД Ч ИНГЭЖ НЭРЭЛДЭГ .

Avatar

Зочин 2020-02-03 182.160.1.2

Заза, үүнээс аймаар тэнэглэлийг шүүмжлэж чаддаггүй байж энэ зэргийн юм яамай байнаа. Ойрхи дорнод гээд л болоод л байгаа. Одоо дахин …. хэрэггүй.

Avatar

Буруу ярьж, Зөв ойлгоно оо гэж 2020-02-03 202.21.112.37

Европт байгаа сэтгүүлч Арабын орнуудыг Ойрх-Дорнод гэх нь зөв. Монголд байгаа сэтгүүлч шууд орчуулаад Ойрх-Дорнод гэхээр Барга, Манжуур, Шар тэнгис хавийг хэлээд байгаа юм. Дорнод аймаг чинь УБ-ынхаа зүүн талд байдаг биздээ. Арабын орнуудын мэдээ орчуулж ярих гэж байгаа бол Баруун өмнөд ази гэхэд л зөв болчихож байгаа юм. МҮОНРТ, Гадаад хэргийн яам нь хүртэл Ойрх-Дорнод гээд Арабын орнуудыг яриад байхад сэтгүүлчид ч аргагүй байхаа.

Avatar

Яг зөв 2020-02-03 202.170.71.157

Оросууд хүртэл зүүн хязгаараа Алс Дорнод гэж ярьдаг. Бид баруун зүгт байгаа Европын орнуудыг өрнөдийн орон гэж ярьдаг хэрнээ адилхан баруун талд байрладаг Арабын орнуудыг Дорно гээд байдаг нь сонин. Өрнө, Дорноороо ярих гэж байгаа бол Арабын орнууд чинь Дундад-Өрнөдөд байрлаж байгаа юм. Гэхдээ ингэхээр толгой нь эргэх учраас баруун өмнөд азийн эсвэл Арабын орнууд гэх нь зөв.

Avatar

IOP 2020-02-03 66.181.181.166

Нээрээ тийм байна шүү, автоматаар ойрхи Дорнод гэхээр Араб зүгрүү ойлгоод байгаа боловч Монгол талаасаа тийм байж шүү. Зөв юм байна 2 оо.

Avatar

Зочин 2020-02-03 66.181.178.197

Энэ чинь мөн Шинзо Абэ юм уу Абэ Шинзо юм уу. Манайхан нэг л рекламдаад л байх юм. Жорж Дабль Юу Буш гэж нэг хөөрсөн.

Avatar

№- 2020-02-03 66.181.180.178

Шизо Абу ш дээ малаа

NewsMN Гар утасны хувилбар Татах
NEWS.mn

Мэдээллийн эх сурвалж