Танилц! Мэргэжлийн теннисний шинэ од Софиа Кенин

Хуучирсан мэдээ: 2020.02.02-нд нийтлэгдсэн

Танилц! Мэргэжлийн теннисний шинэ од Софиа Кенин

Танилц! Мэргэжлийн теннисний шинэ од Софиа Кенин

Мэргэжлийн талбайн теннисний дөрвөн Их дуулгын нэг Австралийн нээлттэй тэмцээний эмэгтэй ганцаарчилсан төрлийн аварга өчигдөр /2020.02.01/ тодорлоо. Энэ удаагийн Их дуулгын шигшээ тоглолтод Америкийн Софиа Кенин болон Испанийн Гарбине Мугуруза нар тааран тоглож, ширүүхэн гурван ээлжийн тоглолт үзүүлэв. Тус тоглолтод өдгөө 21 настай Софиа Кенин 4-6, 6-2, 6-2 гэсэн харьцаатай ялж, мэргэжлийн замналынхаа анхны Их дуулгын цомыг хүртлээ.

Тэрбээр хэвлэлд өгсөн ярилцлагадаа “Миний мөрөөдөл албан ёсоор биеллээ. Энэ хоёр долоо хоног би амьдралынхаа хамгийн сайхнаар амьдарлаа. Мөрөөдөл биелдэг юм байна. Хэрэв чамд мөрөөдөл байгаа бол түүнийхээ араас яв, биелэх болно” хэмээжээ.

Тэрбээр 21 насандаа Австралийн нээлттэй тэмцээнд түрүүлснээр 2008 онд Мариа Шарапова түрүүлснээс хойшхи хамгийн залуудаа түрүүлсэн тамирчин болж байна. Софиа Кенин нь Москва хотод төрөөд удалгүй АНУ руу явжээ. Анх тэрбээр таван настай цохиур барьж эхэлсэн бөгөөд долоон настайдаа анхныхаа цомыг хүртсэн байна.

Өнөөдөр /2020.02.02/ Австралийн нээлттэй тэмцээний эрэгтэй ганцаарчилсан төрлийн шигшээ тоглолт Новак Жокович болон Доминик Тим нарын хооронд болно.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж