Цаг уур орчны шинжилгээний газраас нийт нутгаар цас орж, хүйтний эрч чангарахыг анхааруулж байна. Өнгөрсөн Баасан гариг (2020.01.31)-аас эхлэн зарим аймагт цас орж, халтиргаа гулгаа үүсч, үзэгдэх орчин хязгаарлагджээ.

Автотээврийн үндэсний төвөөс мэдээлснээр, Дархан-Уул-Сүхбаатар-Алтанбулаг чиглэлийн автозамд халтиргаа гулгаа үүссэн тул жолооч нарт тээврийн хэрэгслийнхээ бүрэн бүтэн байдлыг хангаж замын хөдөлгөөнд оролцохыг анхааруулав.

Дашрамд дурдахад, Хэнтий, Архангай, Сүхбаатар, Өвөрхангай, Ховд, Говь-Алтай, Булган, Увс аймгийн зудад өртсөн эмзэг бүлгийн малчдад туслах аяны цуваа өнгөрсөн Баасан гаригт нийслэлээс хөдөлсөн билээ.

Б.ЦЭЦЭГ