БНСУ-д ажиллаж, амьдарч буйгаа монгол иргэд "10 мянган ширхэг амны хаалт цуглуулах аян" санаачилжээ. Тэдний цуглуулсан 3700 амны хаалт Монголд ирсэн байна.

Түүнээс эрсдэлтэй нөхцөлд ажиллаж байгаа хэвлэл мэдээллийн байгууллагуудын шуурхай мэдээний сэтгүүлч, зураглаачдад эхний ээлжинд олгожээ. Дараагийн ээлжийн амны хаалтыг эхчүүд, хүүхдүүд болон захын хорооллын эрсдэлт бүлгийн иргэдэд тараахаар төлөвлөж байгаа аж.

Түүнчлэн Монгол-Солонгосын коллежийн оюутнууд стандартын шаардлага хангасан 900 ширхэг амны хаалт хийж, Эрүүл мэндийн яаманд бэлэглэснийг өндөр настнууд, эрсдэлт бүлгийн хүн амд тараана гэж Эрүүл мэндийн яамнаас мэдэгдсэн билээ.

Б.ЦЭЦЭГ