Хиймэл оюун ухаан эм бүтээдэг болжээ | News.MN

Хиймэл оюун ухаан эм бүтээдэг болжээ

Хиймэл оюун ухаан эм бүтээдэг болжээ

Хиймэл оюун ухаан эм бүтээдэг болжээ

Хиймэл оюун ухаан (AI) эмийн молекул бүтээсэн нь түүхэндээ анх удаа машин анагаахын шинжлэх ухаанд суралцсан үйл явдал боллоо. Британийн гарааны бизнес “Exscientia” ба Японы эмийн үйлдвэр “Sumitomo Dainippon Pharma” хамтран дээрх төсөл дээр ажиллажээ. Хиймэл оюун ухааны бүтээсэн уг эмийг OCD буюу өөрийн хүсэлгүйгээр хэтрүүлэн бодох, аливаа үйлдлийг үргэлж давтах өвчинг эмчлэхэд хэрэглэх гэнэ. "Энэ жил анх удаа хиймэл оюун ухаан эм бүтээж байгаа ч арван жилийн дараа гэхэд бүх эмийг хиймэл оюун ухаан бүтээдэг болох бүрэн боломжтой" гэж Профессор Хопкинс хэлэв.

Ерөнхийдөө эмийг боловсруулан бүтээхэд ойролцоогоор таван жил зарцуулагддаг ч хиймэл оюун ухаан энэ бүгдийг ердөө 12 сарын дотор амжуулах чадвартай гэнэ. Exscienta-ийн гүйцэтгэх захирал, профессор Эндрю Хопкинс үүнийг "Эмийн нээлтийн оргил цэг" хэмээн тодорхойлж, "Бид хиймэл оюун ухааныг өвчтөнийг оношлох, өвчний түүх боловсруулахыг харсан. Гэхдээ эм бүтээх нь цоо шинэ зүйл" гэж ярьжээ.

Хиймэл оюун ухаан DSP-1181 гэгддэг молекулыг боломжит нэгдлүүдийг нарийн нягталж, асар том мэдээллийн сангаас хайлт хийх замаар бүтээсэн байна. Зөв молекулыг олж нэгтгэхэд олон тэрбум эрсдэлтэй шийдвэр гаргах шаардлагатай байдаг гэнэ. Анхны эм нь Японд туршигдах бөгөөд амжилттай болбол дэлхийн түвшинд туршилтуудыг эхлүүлэх аж. Цаашдаа тэд хорт хавдар, зүрх судасны өвчнийг эмчлэх боломжтой эмүүд дээр ажиллаж байгаа бөгөөд жилийн эцэс гэхэд клиник туршилтанд бэлэн болох өөр нэг молекултай болно гэж найдаж байгаа гэнэ.

Судалгаанд хамааралгүй Хавдар судлалын хүрээлэнгийн гүйцэтгэх захирал Пол Уорман нээлтийн талаар "Хиймэл оюун ухаан нь эмийн нээлтийг хурдасгах асар их нөөц бололцоотой гэж би харж байна” хэмээн байр сууриа илэрхийлжээ.

Эх сурвалж: bbc.com

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2020-01-31 1.223.35.59

ai medehgui 1 AI amia horlo delhiin hun am het ih baina geed baina gesen. sanaa n medehgui

NewsMN Гар утасны хувилбар Татах
NEWS.mn

Мэдээллийн эх сурвалж