НЭМГ-ын харьяа эрүүл мэндийн байгууллагын удирдах ажилтны ээлжит шуурхай хурал өнөөдөр цахимаар зохион байгуулагдлаа. Тус хурлын хүрээнд томуу, томуу төст өвчин, шинэ коронавирусын цаг үеийн мэдээлэл, авч хэрэгжүүлж байгаа арга хэмжээ, орны зохицуулалт, эмч ажиллагсдын хуваарилалтын талаар Нийгмийн эрүүл мэндийн хэлтэс, Эмнэлгийн тусламжийн хэлтсүүдээс мэдээлэл өглөө.

Хурлын үеэр томуу томуу төст өвчин, шинэ коронавирусын халдвараас урьдчилан сэргийлэх, бэлэн байдлыг хангах албан даалгаврыг танилцуулж, хэрэгжилтийг хангаж  ажиллахыг харьяа эрүүл мэндийн байгууллагын дарга нарт үүрэг болгосон.

Мөн шинэ коронавирусын халдварын үед дэлгэх орны төлөвлөгөөнд тухайн нутаг дэвсгэрт ойр байрлах хувийн хэвшлийн эрүүл мэндийн байгууллагыг оролцуулах төлөвлөгөөг байгууллага тус бүр хийж ирүүлэхээр боллоо.

НИЙСЛЭЛИЙН ЭРҮҮЛ МЭНДИЙН ГАЗАР