“Аэросити”, “Майдар” хотыг байгуулах УИХ-ын тогтоолын төслийг өргөн мэдүүллээ | News.MN

“Аэросити”, “Майдар” хотыг байгуулах УИХ-ын тогтоолын төслийг өргөн мэдүүллээ

Хуучирсан мэдээ: 2020.01.31-нд нийтлэгдсэн

“Аэросити”, “Майдар” хотыг байгуулах УИХ-ын тогтоолын төслийг өргөн мэдүүллээ

“Аэросити”, “Майдар” хотыг байгуулах УИХ-ын тогтоолын төслийг өргөн мэдүүллээ

Монгол Улсын Их Хурлын дарга Г.Занданшатарт өнөөдөр (2020.01.31) “Хот байгуулах тухай” УИХ-ын тогтоолын төслийг Улсын Их Хурлын гишүүн, Засгийн газрын гишүүн, Барилга, хот байгуулалтын сайд Х.Баделхан өргөн мэдүүллээ. 

Нийслэл Улаанбаатар хотын хүн амын хэт төвлөрлөөс үүдсэн агаар, ус, хөрсний бохирдлыг бууруулах, тогтвортой хөгжлийн зорилтод нийцүүлэн эдийн засгийн тодорхой салбаруудыг хөгжүүлэх, хүн амыг эрүүл, аюулгүй орчинд ажиллаж, амьдрах таатай нөхцөлийг бүрдүүлэхийн тулд нийслэлийн дагуул болон бусад хотуудыг байгуулж, хүн амын төвлөрлийг сааруулах шаардлага тулгараад буй. 

Иймд нийслэлийн төвлөрлийг саармагжуулах, хүн амыг эрүүл, аюулгүй орчинд ажиллаж, амьдрах нөхцлөөр хангасан, агаарын тээвэр, аялал жуулчлал, шинжлэх ухааны цогцолбор төвүүд бүхий бизнесийн таатай орчинг бүрдүүлсэн “Аэросити”, “Майдар” хотыг байгуулах асуудлыг шийдвэрлүүлэхээр “Хот байгуулах тухай” Улсын Их Хурлын тогтоолын төслийг боловсруулжээ. 

Аэросити хот нь олон улсын шинэ нисэх онгоцны буудлыг даган хөгжих бөгөөд энэ хотын ойролцоо шинэ төмөр зам, олон улсын хурдны зам зэргийг байгуулахаар төлөвлөсөн байна. Мөн шинэ нисэх онгоцны буудлыг түшиглэсэн төрөл бүрийн үйлчилгээний газрууд, ажилчдын орон сууцны хороолол, ачаа тээвэр, логистикийн сүлжээний байгууламжуудыг байгуулна. Тодруулбал, Монгол Улсын гадаад худалдааны ачаа тээврийн сүлжээний хамгийн том төв болох юм байна. 

Майдар хотод “Их Майдар” бурхны хөшөөт цогцолбор, кино үйлдвэрийн цогцолбор, түүнийг дагасан зочид буудал, музей зэрэг аялал жуулчлалын томоохон байгууламжуудыг байгуулахаар төлөвлөсөн. Түүнчлэн зарим их дээд сургуулийг тус хот руу нүүлгэн шилжүүлэх боломжтой гэж үзэж байгаа юм байна. 

Тогтоолын төсөл батлагдсанаар нийслэл Улаанбаатар хотын хүн амын хэт төвлөрөл, хүрээлэн буй орчинд үзүүлж буй сөрөг нөлөө буурч, эдийн засгийн тодорхой салбарууд тоггвортой хөгжих болон хүн ам эрүүл, аюулгүй орчинд ажиллаж, амьдрах таатай нөхцөл бүрдэх боломжтой болно хэмээн төсөл санаачлагчид үзжээ. 

Монгол улсын Үндэсний статистикийн хорооны 2018 оны мэдээллээр нийт хүн амын 67 хувь буюу 2,2 сая нь хот, суурин газарт амьдарч байгаа. Монгол Улсын нийт хүн амын 45 хувь буюу 1,4 сая нь Улаанбаатар хотод амьдарч байгаа гэсэн судалгаа гарсан. Эдийн засгийн идэвхтэй хүн амын 39.7 хувь нь хот, суурин газарт төвлөрсөн байгаа бөгөөд аж ахуйн нэгж, байгууллагуудын 70 орчим хувь нь байршин дотоодын нийт бүтээгдэхүүний 60 гаруй хувийг үйлдвэрлэж байна. Томоохон хотуудын хүн ам, үйлдвэрлэл, үйлчилгээний төвлөрлийн улмаас дэд бүтэц, боловсрол, эрүүл мэнд зэрэг иргэдэд хүргэх төрийн үйлчилгээний даац хэтэрч, хүртээмж нь хүрэлцэхгүй байгаагаас нийгэм, эдийн засгийн тулгамдсан олон асуудлыг бий болгож байна. Нийслэл Улаанбаатар хотод манай улсын их дээд сургуулиудын дийлэнхи хэсэг нь буюу 88.5 хувь нь байршиж, түүнд нийт оюутан сурагчдын 95.3 хувь нь суралцаж байгаа талаар тогтоолын төслийн танилцуулгад дурджээ.  

Улсын Их Хурлын Хэвлэл мэдээлэл, олон нийттэй харилцах хэлтэс

Энэ мэдээнд өгөх таны сэтгэгдэл?
2
ЗөвЗөв
2
ХахаХаха
2
ТэнэглэлТэнэглэл
1
ХөөрхөнХөөрхөн
1
ХарамсалтайХарамсалтай
0
ГайхмаарГайхмаар
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-01-31 192.82.68.176

Нэгмөсөн хархориныг нийслэл болгож тээврийн олон огтолцсон ложистик болгочих

Avatar

МОНГОЛЫГ ЯЛСАН ТӨВД ЖАНХУУГ ОГЦРУУЛЬЯ ! 2020-01-31 103.212.116.134

Яс үндэс “ТӨВД” жанхуугийн майдар гэх хэн ч амьдрахгүй хотод 500 тэрбумыг хуваарилах шаардлага байхгүй. Үтэр түргэн жанхуугийн хямд барлаг ухныг огцруулаад жанхуу руу нь хөөгөөд явуул. Аль эсвэл тэр австралидаа очиж ухна аяга тавгаа угаана биз.

Avatar

Zuud 2020-01-31 202.55.188.36

Serchihgui bol goy zuud

Avatar

Дорж 2020-01-31 145.255.168.214

Аэросити гэж монголоор нэрлэж болдоггүй үг юм уу. УИХ-ын гишүүд монгол хэл мэдэхгүй бол бусад хүмүүс ямар хэлээр ярих нь дурын хэрэг.
Их хурлын дарга ч бас монгол хэл муу мэддэг юм байна. Одоо. яанаа???

Avatar

Badelxan 2020-01-31 23.118.175.67

Mash zuv shidver baina Zaaval gol usnii xajuud baix albagui. zoxitsuulalt xiij bolno shvv dee. Demjij bna.

Avatar

Зочин 2020-01-31 64.119.27.220

Говь шиг огт усгүй газаршд гүний усаар л болгох юм бх аа

Avatar

ЗОЧИН 2020-01-31 66.181.181.20

Гол усгүй газар хот барьдаг тэнэг толгойнууд Монголд л байна .

Avatar

Иргэн 2020-01-31 203.91.116.42

Судалгаатай, эх орноо бодсон л юм хийгээрэй пээ.Шуналтай хүмүүсийн сэдлээр хий хөрөнгө гарздах вии дээ

Avatar

Зочин 2020-01-31 64.119.18.184

Энд гэр хороолол,яндангүй байнаа яагаад гэвэл хот босохгүй юм чинь.Сэргэлэн сумаас авсан 108га газар нь женкогийн нэр дээр байдаг юм даа

Avatar

зочин 2020-01-31 66.181.177.53

хотын дарга нь женко болох юм уу.

Avatar

ЗОЧИН 2020-01-31 202.9.46.234

ЭНЭ 2 ХОТ ЯНДАНГҮЙ, ГЭР ХОРООЛОЛГҮЙ, МАЛГҮЙ, ЦЭВЭР ЭКО ХОТ БАЙХ ХЭРЭГТЭЙ.

Avatar

асуулт 2020-01-31 202.179.25.56

муур болох болов уу?

Avatar

Зочин 2020-01-31 174.203.10.53

Eldew shaahin muzei ayalal zugaalga baar den buudal zugaa tsengeenii gazar. UB urgujuuleed shine duureg nemeed yawsan ni zuw. Gadaad ner us odoo bolno. 30 jil erguutlee. Uildweriin buteen baiguulaltiin importiig buuruulsan undesnii uildwerleliin hot bolgoh ni zuw. Oyutan huuhduud etseg ehdee tusalj oirhon baij mongol uwurmuts haluun dulaan zan zanshil heweeree uldeg. Etseg ehiin haraanaas hol hen neg ii erhend orchihson sursan medsen umgui etseg ehed hul gar bolson umgui huiten hundii tsewdeg bo

Avatar

Зочин 2020-01-31 182.160.34.237

Мөхсөн Төвдөөс дүрэвсэн лам нарын хот юм уу? хаашаа юм . Яагаад өгөр төвд нэр гэж? Одоо нөгөө арай гэж зээлээр бариулсан онгоцны буудлаа тойруулаад баахан хазгай мурий шавар тагз, түц, өмхий баар, карокигоо овоолох гэж байгаа юм баналдаа энэ 2 +76

Avatar

bat 2020-01-31 192.82.65.182

eronhiilogchoo,ter maidar geech yumaa boliod zugeer l oyutni hothon bariad ogooch.

Avatar

Содном 2020-01-31 66.181.187.153

Шинэ сайхан хот тосгон байгуулж, хэдэн барилгын компаниуд ажилтай орлоготой болж болох л юм. Тэр хотод чинь яг юуг нь түшиглээд хүмүүс очиж амьдрах юм бэ? Манай ард олон гэнэт айхтар ухамсартай болж УБ хотоо түгжирлээс гаргаж тэр хотууд руу чинь нүүж очичхоод тэндээсээ наашаа ажил үйлчилгээндээ явцгаах болж байна уу? Ингэж улсын төсөв рүү элдэв болж бүтэхгүй зүйл ярьж дайрдгаа болих болоогүй юу? Түүний оронд ТЗ-аа хөгжүүлээд хурдан ГТ явуулаачээ.

Avatar

111111 2020-01-31 203.91.119.162

Майдар, Аэро сити эд нар чинь энэ намын амлалт бил үү? Женкогийн зүүд бил үү?

Avatar

Зочин 2020-01-31 107.77.173.44

женкогийн луйвар

Avatar

Буянд даган баясья 2020-01-31 66.181.161.78

За ашгүй дээ дэмжиж бна

NewsMN Гар утасны хувилбар Татах
NEWS.mn

Мэдээллийн эх сурвалж