Коронавирус монголчуудын ариун цэврийг шалгав | News.MN

Коронавирус монголчуудын ариун цэврийг шалгав

Хуучирсан мэдээ: 2020.01.31-нд нийтлэгдсэн

Коронавирус монголчуудын ариун цэврийг шалгав

Коронавирус монголчуудын ариун цэврийг шалгав

“Муу эр дайнд хөөрнө” гэгчээр вирусний сургаар манайхан үймэлдлээ. Эмийн сангуудад “хөглөрч” байдаг амны хаалт, санитол нүдний гэм болж, талх, гурил будаа, мах, ногоог  хүмүүс их хэмжээгээр нөөцөлж хүнсний зах сүлжээ дэлгүүрүүдийн лангууг хоосолсон нь ёстой л дэлхий сүйрэх гэж байгаа юм шиг аашлав. Аргаа барахдаа л хууль хүчний байгууллагаас худал мэдээлэл тараасан иргэнийг хоёр сая хүртэлх төгрөгөөр торгож, их хэмжээний хүнс худалдан авч буй иргэдэд ч бас мөнгөн торгууль ногдуулахаар болсон билээ.

Энэ бүхнээс илүү хамгийн чухал нь коронавирус монголчуудад соёлын довтолгоо, иргэдийн ариун цэвэрт дүн тавив. Нэгэн цагт соёлын довтолгоог төрөөс бодлоготойгоор зарлаж, иргэддээ зааж, зааварчилж, үлгэрлэж байснаа бодвол бид өнөөдөр дэлхийн аль ч улс орны соёлын мэдээлэл, биеэ зөв авч явах зэрэгт суралцжээ.

Гэхдээ одоо ч нийслэлийнхээ гудамж талбайн булан тохойд нус, цэр, шүлс, шээстэйгээ зууралдсаар л. Өвөлж нь хөлдөж, хөгцөрсөн шээс, нус цэр нь хавар нь хайлж, агаарт болоод хөрсөнд шингэх замаар биднийг хордуулсаар ирсэн. Харин бид үүнийг ухамрлаж, ойлгосон тун бага. Харин дэлхий дахиныг сандаргаж онц байдал зарлах хэмжээнд хүрсэн коронавирусийн халдвар Монгол Улсад бүртгэгдээгүй гэж ЭМЯ-наас мэдээлсэн ч хүн бүр эрүүл мэнддээ анхаардаг болж амны хаалтыг хэдхэн хоногт л зүүж хэвшсэн бололтой. Харин ч амны хаалт зүүгээгүй нэгнээ муухай харж, зарим нэг нь шаардлага тавьсаар гудамжаар амны хаалт зүүгээгүй хүн тун ховор болжээ.

Хүйтний улиралд өчнөөн жил амны хаалт зүүж хэвшээгүй хүмүүс хэдхэн өдрийн дотор амны хаалт зүүж, гараа тогтмол угаадаг болсныг эмч нар ч гайхаж байгаа юм. НЭМГ-ын Ахлах мэргэжилтэн Б.Баатарсүх ярихдаа “ Томуугийн  улиралд жил бүр өвчлөл их байдаг. Эмч нар иргэдэд амны хаалт зүүхийг уриалж зөвлөж ирсэн. Шинэ төрлийн коронавирус тархаж буй сургаар манайхан амны хаалтаа зүүж, гараа тогтмол угааж түгшүүртэй байдалд орж байна. Бид зөвхөн энэ вирусээс урьдчилан сэргийлэхдээ биш томуу томуу төст өвчний дэгдэлтийн улиралд амны хаалтаа зүүж, гараа тогтмол угааж дадах хэрэгтэй” гэлээ.

Иргэд амны хаалт зүүж эхэлсэн өдрөөс эхлэн гудамж талбайд нус цэрээ хаяж, нийтийн тээвэрт амны хаалтгүй ханиалгаж найтаалгадаг хүн тааралдвал нэгэн лүүгээ муухай хардаг болсон нь сайшаалтай. Бие биедээ шаардлага тавьж эхэлснээр хотын соёл ч төлөвшинө. Цаашлаад агаар дуслын замаар дамжиж халдварладаг элдэв төрлийн өвчлөл буурна гэсэн үг. Заавал онц аюултай өвчин тархсан үед биш томуугийн улиралд эрүүл мэндээ хамгаалж, бусдыг хүндэлж амны хаалт зүүж, гараа тогтмол угааж ариун цэврээ хүн бүр дадаж сурах нь чухал. Гэвч коронавирусийн тархалт намжиж эхлэхэд иргэд өнөөх л муу зуршлаа давтахгүй байх учиртай. Ганцхан жишээ дурдахад л өнгөрсөн долоо хоногт олон нийтийн гудамж талбайд амны хаалт зүүгээгүй хүн тааралдаагүй гэхэд хилсдэхгүй. Хүн бүр нэг удаагийн амны хаалтаас эхлээд шүүлтүүртэй, даавуун зэрэг олон төрлийн маск зүүсэн байв. Харин энэ долоо хоногоос гэхэд иргэд тайвширсан  уу, эсвэл амны хаалт олдоогүй юу гудамж талбайд амны хаалтгүй зөрж өнгөрөх хүмүүс олширчээ. Тиймээс өөрийгөө болон бусдыг хүндэлж хүйтний улиралд амны хаалт зүүж, гараа тогтмол угаах, олон нийтийн гудамж талбайд нус цэрээ хаядаг хэнэггүй монгол зангаа болих хэрэгтэй.

Б.ЦЭЦЭГ

Энэ мэдээнд өгөх таны сэтгэгдэл?
15
ЗөвЗөв
3
ТэнэглэлТэнэглэл
2
БурууБуруу
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-01-31 122.201.24.94

Уг нь манай монголчууд амны билэгтэй гайгүй биз дээ гэдэг гэхдээ юмыг яаж мэдэх вэ дор дороо хэнэггүй зангаа болиод ухамсар соёлтой улс гэдгээ харуулчихвал гайгүй биз

Avatar

Зочин 2020-01-31 122.201.24.94

Манай юм юмыг шалгасан бас хэрэг болсон вирус цаг үед тааруулж гарчээ манайхныг хэтэрхий үрэлгэн худлаа нэрэлхүү нэг нэгдээ гайхуулсан мухар сүсэглэсэн эрүүл мэндээ боддоггүй баяраа болио та нар гэсэн юм шиг давхцаж гарлаа дэмб-н бүх зөвлөж байгаа зөвлөмжүүд нь хэрвээ баяраа хувиараа гэр бүлийн хүрээнд тэмдэглэлээ гэхэд зөрчигдөж мэдэхээр байдалтай болж шүлс үсэрч гар барихад халдаж байгаа бололтой

Avatar

Зочин 2020-01-31 203.91.115.46

Цэцэгээ эмээ жаахан хуучилчихаар завтай, бас ч үгүй NEWs/mn-д чалчаа үгээ тавьчихаар танилтай бололтой

Avatar

Монгол 2020-01-31 95.147.17.102

Энэ өгүүллээ эхлэхдээ "муу эр дайнд хөөрнө" гэж коронавирусээс айсан хүмүүсийг дооглосон байхаар нь тийм өвчин гараагүй, айлтгүй гэх нь дээ гээд цааш унштал тэс өөр юм бичсэн байх юм. Сэтгүүлч юм бол логиктой бичиж, бас үгээ зөв сонгож баймаар сан. Ядахнаа зөв бичиж сураасай. "өвөлж нь" гэдэг үг байдаг юм уу? "өвлийн турш" гэсэн утгаар бичих гэсэн бол "өдөржин", "шөнөжин", "зунжин" зэрэг шиг "өвөлжин" гэж бичнэ. "өвөл хөгцөрсөн шээс" гэж юу хэлэх гэв ээ?

Avatar

Зочин 2020-01-31 202.9.46.61

МАСК ЗҮҮЖ СУРЛАА. ОДОО ЭНЭ ИДЭЖ УУЖ ШОУДДАГ НӨХДҮҮД БЭЛГЭВЧЭЭ ЗҮҮДЭГ БОЛЧИХВОЛ САЙНСАН. БЗХӨ ҮНДЭСНИЙ ГАМШИГ БОЛООД БАЙГАА БИЗДЭЭ

Avatar

ORC 2020-01-31 202.131.229.146

Muu orcuud uheese

Avatar

Зочин 2020-01-31 192.82.76.98

СУПЕРМАРКЕТЭД НИЛЭЭН УРТ ООЧЕРТ ЗОГСОЖ БАЙСАН НЭГ ХҮҮХЭН АЙМААР ХАНИАЛГАХАД ХҮМҮҮС ААЖИМ ААЖИМААР ХОЛДОЖ ЯВААД НӨГӨӨ ХҮҮХЭН ООЧИРГҮЙ ЮМ БИЧҮҮЛЭЭД ЯВЧИХАЖ БНА ЛЭЭ. ККК

Avatar

Зочин 2020-01-31 202.9.46.67

ХА ХА ХА

Avatar

зочин 2020-01-31 202.21.125.35

Хэн үхэхийг хүсэв гэж дээ амны хаалт олдохгүй болсон тул юугаа ч зүүхэв дээ

Avatar

Зочин 2020-01-31 202.9.47.22

Ханиадтай хүмүүс л зүүж хэвшвэл зохистой. Бусад нь гараа тогтмол угаахад болно. Эрүүл хүн зүүвэл харин ч элдэв вирус цуглуулахын нэмэр

Avatar

Зочин 2020-01-31 59.153.85.134

эрүүл эсэхээ яаж мэдэх бэ. нууц 14 хоног дотроо нэг нэгэндээ халдаагаад л явах уу

Avatar

зочин 2020-01-31 66.181.170.82

Б.Цэцэг минь ээ, ЭМЯ цаана чинь ханиад хүрээгүй л бол амны хаалт зүүх шаардлагагүй гэсэн гээд танай сайтаар мэдээлсэн байна шдээ Танайх ийм эсрэг тэсрэг юм ядаж битгий бич лдээ

NewsMN Гар утасны хувилбар Татах
NEWS.mn

Мэдээллийн эх сурвалж