NBA-н бүх оддын тоглолтын сэлгээний тамирчид зарлагдлаа

Сагсан бөмбөг сонирхогчдын шимтэн үздэг Хойд Америкийн сагсан бөмбөгийн NBA-н 2020 оны Бүх-Оддын тоглолт ирэх хоёрдугаар сарын 16-д Чикаго хотын “Юнайтед Центр” ордонд болно. Хэдхэн хоногийн өмнө хоёр бүсийн гарааны тавтууд зарлагдаад байсан бол дөнгөж сая сэлгээний 7 тамирчдын нэрс зарлагдлаа.

Дорнод			Өрнөд
Нэр	Баг	Хэд дэх	Нэр	Баг	Хэд дэх
Ж.Батлер	Миами Хит	5	Б.Инграм	Нью-Орлеан Пеликанс	1
Б.Адебайо	Миами Хит	1	Д.Лиллард	Портлэнд Трэйл Блэйзерс	5
К.Милддлетон	Милоуки Бакс	2	К.Пол	Оклахома Сити Тандер	10
Ж.Тэйтум	Бостон Селтикс	1	Д.Митчел	Юта Жазз	1
Б.Симмонс	Филадельфиа76	2	Р.Уэстбрүүк	Хьюстон Рокетс	9
К.Лаури	Торонто Рэпторс	6	Н.Йокич	Денвер Наггетс	2
Д.Сабонис	Индиана Пэйсерс	1	Р.Гобер	Юта Жазз	1

К.Пол хамгийн олон буюу 10 дахь удаагаа Бүх-Оддын тоглолтонд оролцох гэж байгаа бол Б.Алдебайо, Ж.Тэйтум, Д.Сабонис, Б.Инграм, Д.Митчел болон Р.Гобер нар анх удаагаа оролцох гэж байна.

Харин энэ улирал сайн тоглолттой байгаа хэд хэдэн шилдэг тоглогчид багтсангүй. Вашингтон Уизардс багийн Б.Бейл, Финикс Санс багийн Д.Бүүкер, Миннесота Тимберволвес багийн К.Энтони-Таунс, Чикаго Буллс багийн З.Лавине, Лос-Анжелес Клипперс багийн П.Жорж, нарын залуус багтсангүй.

Б.БЯМБАБАЯР