БАЙР СУУРЬ: Дипломат алба дампуурсан | News.MN

БАЙР СУУРЬ: Дипломат алба дампуурсан

Хуучирсан мэдээ: 2020.01.31-нд нийтлэгдсэн

БАЙР СУУРЬ: Дипломат алба дампуурсан

БАЙР СУУРЬ: Дипломат алба дампуурсан

Засгийн газраас 11 Элчин сайдыг томилуулахаар Ерөнхийлөгчтэй зөвшилцөж, МАН-ын бүлэгт танилцуулсан. Гэвч, Ерөнхийлөгчийн "санал" болгосон нэр дэвшигчдийг олонхийн бүлэг дэмжээгүй учраас Ерөнхийлөгч зөвшилцсөн саналаа эгүүлэн татсан юм. Яг ийм нөхцөл байдал, улс төрийн шалтгаанаар Монгол Улсын гадаад улсад төлөөлөх суух Бүрэн эрхт Элчин сайдын томилгоо сүүлийн гурван жил гацаж байна.  Шинээр томилогдохоор нэр дэвшиж байсан Элчин сайдууд ирэх парламентыг үзэх бололтой. Зарим улс оронд суух Элчин сайдуудыг томилохгүй, улс төрийн дэмжлэг авч чадахгүй байгаа нь улсын гадаад бодлого, дипломат албанд ямар нөлөөлөл үзүүлж болох талаар судлаачдын байр суурийг хүргэж байна. 


                         ЗАРИМ УЛС ОРОНД ЭЛЧИН САЙДАА ТОМИЛЖ ЧАДАХГҮЙ УДАЖ БАЙГАА НЬ 2 ТАЛЫН ХАРИЛЦААНД ТААТАЙ НӨЛӨӨ ҮЗҮҮЛЭХГҮЙ

Хүмүүнлэгийн их сургуулийн Олон улсын харилцаа, нийгэм судлалын сургуулийн захирал доктор, профессор Д.УЛАМБАЯР

-Монгол Улсаас гадаадад суух зарим Элчин сайд нарыг томилох асуудал одоо болтол тодорхойгүй байна. Элчин сайдаа томилж чадахгүй байсаар гурван жилийг үдсэн ч тохиолдол байна. Энэ нь гадаад бодлогын хувьд ямар сөрөг нөлөө үзүүлэх вэ?

-Миний санаж буйгаар хоёр  жилийн өмнө Засгийн газраас Ерөнхийлөгчтэй зөвшилцөхөөр ирүүлсэн Элчин сайд нарын нэрс дотор ажлын туршлага, мэргэжлийн байдал, нас намба зэрэг нь шаардлага хараахан хангахгүй байна гэдэг үндэслэлээр буцааж байсан. Тухайлбал, Канад, Австрали, Япон, Тайланд зэрэг оронд Элчин сайдад нэр дэвшигчид ийм байсан болов уу. Ер нь гадаад оронд Элчин сайдаар ажиллах хүнд тавигдах шаардлагад ажлын туршлага, мэргэжлийн байдал, гадаад хэл, орон судлалын мэдлэг, дундаж нас чухал шалгуур байх ёстой.

Манай гадаад харилцаа, дипломат албаны практикт анх удаа  нэг сонин тохиолдол гарсан.  Тэр нь 2017 оны арваннэгдүгээр сард УИХ  үнэмлэхүй олонхын саналаар хошууч генерал Б.Хурцыг БНСУ-д суух элчин сайдаар томилохыг дэмжин баталж байсан. Гэтэл үүнтэй нэгэн зэрэг Б.Хурцын талаар нээлттэй сонсгол хийж, түүний хууль зөрчиж байсан үйлдлүүдийн талаар дэлгэрэнгүй ярьсан байдаг.  Тиймээс ч БНСУ-ын талаас хариу ирүүлээгүй болов уу.

Түүнээс хойш Монгол Улсаас БНСУ-д суух Элчин сайд томилогдоогүй удаж байна. БНСУ бол Монгол Улсын “гуравдагч хөрш”, хамгийн ойрын чухал  түнш орон.  Тус улсад 50 гаруй мянган иргэн ажиллаж, сурч, хөдөлмөрлөж байна. Энэ бол Монгол Улсын бараг 22 дахь аймаг гэж хэлж болохоор. Мөн БНСУ-ыг монголчуудад ажил олгогч улс гэсэн хошигнол байдаг. Нөгөө талаар Монголын 3.3 сая иргэнд үр ашгаа хүртээж буй улс юм. Монгол Улсын гадаад бодлогод “гуравдагч хөрш”-ийн чухал байр суурь эзэлдэг орондоо Элчин сайдаа томилж чадахгүй удаж байгаа нь хоёр талын харилцаанд таатай нөлөө үзүүлэхгүй нь ойлгомжтой. Энэ жил гэхэд хоёр орны хооронд дипломат харилцаа тогтоосны 30 жилийн тохиож байна. Өргөтгөсөн санхүүжилтийн хөтөлбөрийн хүрээнд 500 сая ам.долларын хөнгөлөлттэй  зээлээр “Солонго-1, 2” хороолол, Баянголын аманд түрээсийн орон сууц барих томоохон төсөл хөтөлбөрүүд хүлээгдэж байна.  Хэрэг түр хамаарагчаар асуудлыг бүхэлд нь урагшлуулж чадахгүй нь мэдээж.

Нөгөө талд УИХ-ын 2018 оны намрын чуулган  ширээ, сандал булаацалдан  маргалдсанаас бараг  хоёр сар шахам хуралдаж чадаагүй. 2019 оны  хавар, зуны ээлжит бус чуулган, намрын чуулган Үндсэн хуулийн нэмэлт өөрчлөлтийн төсөл хэлэлцсэн зэрэг цаг үеийн нэн шаардлагатай асуудлууд байсан.  Үндсэн хуулийн нэмэлт өөрчлөлт хэлэлцэхэд өөр асуудал хэлэлцэж болдоггүй хуулийн зохицуулалттай.  2019 оны намар БНСУ Монголд Улсад суух элчин сайдын томилгоог маш хурдан шуурхай шийдвэрлэх боломж байсан. Бидэнд  хурд дутагдаж байна. 

-Улсаа төлөөлөх Элчин сайд гэдэг тухайн улсын нүүр царай, бодлого, харилцаа гээд олон зүйл тодорхойлогддог. Хэдийгээр хуучин Элчин сайдууд нь үүргээ гүйцэтгэж байгаа ч дараагийн хүмүүсийг нь ямар нэг шалтгаанаар томилж чадахгүй байна гэдэг өөрөө ямар асуудал дагуулж болох вэ?

-Онц бөгөөд Бүрэн эрхт гэдэг нь онцгой  тохиолдолд бие дааж шийдвэр гаргах, мөн  тухайн улсыг бүхэлд нь төлөөлнө гэсэн үг. Тиймээс хоёр орны харилцаа, хамтын ажиллагааны хөгжилд нэн чухал үүрэгтэй оролцдог.  Үүнд аюулгүй байдал, улсын нууцтай холбоотой асуудлууд ч хамаарна.

Элчин сайдыг томилох хүртэл өмнөх Элчин сайд нь ажлаа үргэлжлүүлэхэд асуудал байхгүй. Харин элчин сайд нь бүрмөсөн нутаг буцсанаас хойш шинэ Элчин сайдаа томилохгүй удах нь тийм ч таатай биш.

Ерөнхийлөгч, парламент, Засгийн газар солигдох үед элчин сайд нарыг томилох асуудал удаашрах  тохиолдол байдаг. Үүнийг аль, аль тал нь ойлгодог. Агреманы хариу ирчхээд байхад Элчин сайдыг томилохгүй байх  практик дипломатын түүхэнд бараг л байгаагүй.  Тийм тохиолдолд манайд гарч байсан санагдаж байна. Ер нь бол дипломат алба хуулиараа төрийн тусгай алба байдаг. Тиймээс улс төрөөс ямагт ангид байх шаардлагатай.  Гэхдээ түнш болон холбоотон орнуудад томилох Элчин сайдаар өөрийн найдвартай итгэлтэй хүнээ томилох нь дипломат практикт түгээмэл байдаг л даа. Элчин сайдаас шалтгаалж хоёр орны харилцаа сайн урагшилсан, эсвэл муудсан гээд олон улсын харилцааны түүхийн сургамж олон байдаг.

-Элчин сайд нарын томилгоон дээр дотооддоо бол улс төрийн шалтгаан илүү нөлөөлж байна гэж шүүмжлэх хүмүүс байна. Элчин сайдаа ч томилж чадахгүй Засгийн газар, төртэй байна гэж шүүмжлээд байна. Та үүн дээр ямар байр суурьтай байна вэ?

-Парламентад үнэмлэхүй олонх болсон улс төрийн нам өөрийн хүнийг Элчин сайдаар томилуулж чадахгүй байна гэсэн шүүмжлэл байдаг. Гэтэл Элчин сайдыг томилох, эгүүлэн татах асуудал хуулиараа Ерөнхийлөгчийн бүрэн эрхт хамаардаг. Гадаад бодлогын нэгдмэл байдлыг хангаж, залгамж чанарыг хангах тухай чухал асуудал дээрхтэй холбоотой.  Тиймээс цаашид хуулийн энэ зөрчилдөөнийг нэг талд нь гаргаж Элчин сайд нарын томилгооны асуудлыг хууль, эрх зүйн хувьд нарийвчлан зохицуулах шаардлагатай.  Түүнчлэн Элчин сайд нарын томилгоог хаалттай горимоор хэлэлцдэг, нэгэнт томилогдсон Элчин сайд нарыг харин нээлттэй мэдээлдэг байх нь зохимжтой байж болох юм. Хууль эрх зүйн орчныг л боловсронгуй болгочихвол асуудал үүсэхгүй.  Би  хэн нэгэн субъект, институтийг буруутгамааргүй байна. 

-Ер нь Элчин сайдаа томилж чадахгүй байх үзэгдэл өмнө нь гарч байсан уу. Дипломат ёс, дипломат алба ямар байх ёстой, түүнд нь ажиллах хүмүүс нь ямар байх ёстой гэсэн зарчим мөрдөгдөх ёстой болов уу?

-БНХАУ-д “соёлын хувьсгал” ид өрнөж байсан жилүүдэд буюу 1967-1971 онд Монгол Улс БНХАУ-д Элчин сайдаа томилж чадахгүй байсан. Шалтгаан нь тухайн үед ЗХУ, “социалист  хамтын нөхөрлөл”-ийн гэгдэж байсан орнууд БНХАУ-тай харилцаа хурцадмал байсан. Үүнийг социалист системийн хүйтэн дайн гэж нэрлэж байсан. Дипломат хүн өргөсөн тангарагтаа үнэнч байж, 1961 оны Дипломат харилцааны тухай Венийн конвенцыг мөрдөх, 2000 онд анх удаа баталж, хэд хэдэн удаа нэмэлт өөрчлөлт орсон Дипломат албаны хуулиа баримтлах ёстой. Дипломат ёс зүй гэж заншлын хэм хэмжээ байдаг. Хууль дээдлэх, хариуцлагатай байх, ёс зүйтэй байх нь боловсон хүчний чухал шалгуур үзүүлэлт. 

-Сүүлийн үед Элчин сайд, Эдчин сайдын яамдад ажиллаж байгаа дипломат төлөөлөгчид гэмт хэрэгт холбогдсон хар тамхитай холбоотой хэд хэдэн тохиолдол гарлаа. Энэ нь дипломат албаны хүний нөөцтэй холбоотой юу эсвэл өөр зүйл үү. Ер нь Элчин сайдууд ямар нэг "асуудалд" холбогдох нь улсын нэр хүндэд сөрөг байх?

-Би үүнийг дипломат албаны хүний нөөцтэй холбоотой гэж харахгүй байна. Ойрмогхон Францад сууж байсан элчин сайд оффшорын хэрэгт холбогдсон тухай хэвлэлээр гарч байсан. ЭСЯ-ны дипломат ажилтнууд хар тамхины хэрэгт нэр холбогдох, үйлдэл дээрээ баригдсан гээд асуудлууд гарч байна.

Энэ нь юуны өмнө хувь хүний мөн чанар, ёс зүйтэй шууд холбоотой гэдгийг онцолмоор байна. 

Европын Холбоо дэлхийн  125 оронд дипломат төлөөлөгчийн газартай. Тэдгээр Элчин сайд, суурин төлөөлөгчид хоёр талын харилцаа, хамтын ажиллагааг хөгжүүлэх талаарх өөрийн мөрийн хөтөлбөрөө дэвшүүлж, давуу талаа нээн харуулж уралдаж, дараа нь Европын холбооны Гадаад харилцааны алба шалгаруулж томилдог журамтай байх жишээтэй.


ШУА-ийн Олон улсын харилцааны хүрээлэнгийн  бүс нутаг, олон улсын харилцаа, судлал салбарын эрхлэгч, Доктор (Sc.D), профессор А.ДАВААСҮРЭН
ДИПЛОМАТ АЛБА НЬ ЗАРИМ УЛСТӨРЧДИЙГ УЛС ТӨРӨӨС ТҮР ХОЛДУУЛАХ АРГА ХЭРЭГСЭЛ БОЛЖ ХУВИРСАН

 Гадаадад суух элчин, дипломат төлөөлөгчдийн газруудын тэргүүн болон ажилтнууд томилогдохгүй удааширна гэдэг нь  нэгдүгээрт, тухайн улстай Монгол Улсын байгуулсан гэрээ, хэлэлцээрийн хэрэгжилт зогсонги байдалд орно гэсэн үг. Хоёрдугаарт, Монгол Улсын дотоод улс төрийн нөхцөл байдлаас шалтгаалан гадны компани аж ахуйн нэгжүүд эргэлзэх сайжрах цаг хугацааг хүлээж харзнаж тодорхойгүй байдлаас болоод хөрөнгө оруулалтын төсөл хөтөлбөрүүдийг зогсох магадлалтай. 

Гуравдугаарт,  Монгол Улсаас тус улсад ажиллаж амьдарч байгаа иргэдийн эрх ашиг  их бага хэмжээгээр хохирох эрсдэлтэй. Тухайлбал, манай иргдийн эрх зөрчигдсөн тохиолдол гарахад хууль эрхзүйн зөвлөгөө туслалцаа авах, гадаадын иргэн манай улсад зорчих виз авахад хүндрэл учирч болзошгүй болно. Дөрөвдүгээрт хоёр талт хамтын ажиллагааны хүрээнд ирээдүйд хэрэгжүүлэхээр төлөвлөж байгаа арга хэмжээнүүд дээрх тодорхойгүй байдлаас үүдэн царцах эсвэл цуцлагдах хүртэлх эрсдэл үүснэ.

Гадна улсад Монгол Улсын  элчин сайдын яам, Ерөнхий Консулын газар байна гэдэг нь тухайн улсад манай улсын зүгээс томоохон эрх ашиг байгааг илтгэж байгаа юм. Хоёр улсын хоорондын урт хугацааны хамтын ажиллагаа улс төр, худалдаа, эдийн засаг, нийгэм, соёлын  бүх талын харилцааг өргөжүүлэхэд дипломат төлөөлөгчдийн газрууд чухал үүрэг гүйцэтгэдэг.

Харин элчин сайд нарыг томилж чадахгүй байгаа нь  улс төр  болон намуудтай холбоотой байх.  Учир нь сүүлийн жилүүдэд  Элчин сайдын яаманд мэргэжлийн бус хүмүүс томилогдох болсон. 

Мэргэжлийн бус гэдэг нь эрх барьж байгаа намын хүнийг мэргэжил, туршлагыг үл харгалзан улс төрийн томилгоог хэлж байгаа юм. Өнөөдөр Монгол Улсад дипломат алба нь эрх барьж байгаа намыг сонгуульд ивээн тэтгэсэн мөнгөтэй бизнес эрхлэгч эсвэл зарим албан тушаалтны шагнал, зарим улстөрчдийг улс төрөөс түр холдуулах арга хэрэгсэл болж хувирчхаад байна.

Сайд эсвэл агентлагын даргын ширээнээс буугаад гадаадад Элчин сайд болж байх жишээтэй. Гэтэл гадны улсад томилогдож очиж байгаа дипломатууд тухайн улсынхаа хэл, соёл зан заншил, уламжлал, нөхцөл байдлыг сайн мэддэг гэхчлэн бүх асуудлыг мэддэг байхаас гадна дипломат ажлын туршлагатай хүн байх ёстой. Гэтэл бодит байдал дээр ямархуу байгааг хүн бүр мэдэж байгаа. Томилогдож байгаа хүмүүс гадаад хэлний мэдлэггүй, дипломат албанд ажиллаж байгаагүй мэргэжлийн, бус хүн ажиллаж байна.

Уг нь эсрэгээрээ тэд дипломат албаны ёс жаягийг сайн мэддэг, мэдлэг чадвартай, 2-3 хэлтэй хүн тухайн улсдаа улс орноо сурталчлах чадвартай байх ёстой. Тухайн орныхоо хэл, соёлыг мэддэг хүн чинь уг орны иргэд, хүмүүстэй хэл, амаа ойлголцож, цаашлаад найз нөхдийн түвшинд очиж чадна. Өөрийгөө болон Монгол Улсынхаа онцлогыг сайн  ойлгуулж чадна. Англи  хэлээр  ярьж өөрийгөө ч  бүрэн гүйцэт ойлгуулж чаддаггүй хүн дипломат албанд очихоод орчуулагчаараа дамжуулан хичнээн сайхан  үг хэлээд ч  нэмэргүй шүү дээ. Энэ нь амьд биш харилцаа гэсэн үг  л дээ.

Үнэндээ сүүлийн арван гаруй жилийн дотор Монгол Улсын дипломат алба дампуу болчихсон. Одоо бол хэн дуртай нь  дипломат албанд томилогдоод байхаар мэргэжлийн үнэ цэнэ, нэр хүнд унаж байна. Дипломат албаны ажилтнууд гадаад улсад Монгол Улсын нүүр царай болдог хүмүүс. Гэтэл бизнес, наймаа хийж байсан хүн элчид сайдад томилогдож өөрийнхөө бизнесийг явуулж байх жишээтэй.

Монгол Улсын нэр хүндийг гадаадад өндөрт өргөх тангараг өргөсөн дипломат албаны ажилтнууд хар тамхины хэрэгт орооцолдож байгаа нь дипломат албыг ямар түвшинд байгааг харуулж байна. Монголчууд бид дэлхий дээр ганцаараа амьдраагүй. Өчнөөн олон улс оронтой дипломат харилцаатай. Тийм байж монголчууд бид ганцаараа амьдарч байгаа юм шиг ёс суртахуунгүй үйлдэл гаргаж байна.

Ийм байдлаас болж Монгол Улсынхаа нэр төрийг унагаж, тэдний зүгээс бидэнд итгэх итгэлийг унагаж монголчууд ерөөсөө итгэж болохгүй бүтэхгүй хүмүүс гэсэн ойлголтыг өгч гадаад улсад хууль дүрмийн дагуу ажиллаж, амьдарч байгаа хэсэгтээ гай тарьж байна.

Энэ мэдээнд өгөх таны сэтгэгдэл?
14
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

39 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Renchin 2020-01-31 202.126.89.232

Энэ олон юм яриад бгаа доктор Даваасүрэн чинь цагтаа авилгалын хэргээр шоронд явж бсан нөхөр ш дээ хахаха энэ товаришаар бас хичээл заалгаж бсан гэж бодохоор бөөлжис цутгачлаа

Avatar

Заяа 2020-01-31 202.126.88.69

Тэнэг толгой минь ишиг эврээ ургахаар эхийгээ гэдэг хүний заасныг олигтойхон сураад , хэлэх үгээ бодож,бичиж сур.
Илжигний чихэнд алт хийсэн ч сэгсэрнэ,ус хийсэн ч сэгсэрнэ гэж энэ дээ

Avatar

ХР 2020-01-31 103.212.118.179

Ман бүгдийг нь зарсан даа, хөөрхий

Avatar

Зочин 2020-01-31 67.247.110.105

АН ч мөн адил. Орос, Сингапур, НҮБд гээд л бас л урт жагсаалт. Баттөр гээд болохгүй нөхдүүд бас АНых. Удахгүй Эрдэнэ, Элбэг гээд хулгайч нараа бас явуулах биз.

Avatar

Зочин 2020-01-31 202.9.40.176

Зарим элчин бүр шоронд бн уу?

Avatar

Зочин 2020-01-31 202.131.235.198

ЗХУ болон ОХУ, СНГ-д 5 жил суралцаж төгссөн
хүмүүст ОХУ-ын Магистрийн гэрчилгээ
нөхөн олгож байна. Утас: 88671597.

Avatar

зочин 2020-01-31 78.187.120.177

Энэн ГХЯ-аар дүүрэн пэйдийсэн пацаанууд гэж ёстой ортой хэлжээ, хамт сургалтанд нэг биш удаа явлаа, тэр пээдгэр нөхдүүдтэй, хэлэх ч үг алга, амбиц ярьсан, бие биеээ муулсан, хов зөөсөн, тэгсэн мөртлөө сургалтаар яригдаж байгаа асуудлуудыг бараг мэдэхгүй, дуугарч ядсан, ийм төрийн тусгай албан байдаг юм уу, ичиж үхмээр, гадаад сайдаар зангарагтай, олигтойхон хүнийг тавиад тэр пээдгэрүүдийг янзлахгүй бол цэгцлэхгүй бол сүйрсэн байна шүү

Avatar

Зочин 2020-01-31 67.247.110.105

Ажлаа мэдэхгүй хэлээ хазсан баячуудын хүүхдүүд Гадаад яам, гадаад дахь дипломат албаар дүүрлэ. Харцын хүүхэд хаалгаар нь ч шагайж болохгүй яам шүү дээ. Удахгүй салхин доогуур нь яв гэх биз.

Avatar

Ввв 2020-01-31 202.126.89.252

Цогтбаатар гэж хогийн хулгайч Монголыг маань сүйрүүлж байна удахгүй зайлж таараа

Avatar

Үнээн үнэн 2020-01-31 103.26.194.43

Монгол улсын нэр хүндийг гадаадад хамгийн бузарлаж буй хүмүүс бол ГХЯ-ыхан, дипломат нэртэй юмнууд

Avatar

ok 2020-01-31 66.181.190.128

ганц гадаад алба бишдээ, сүүлийн 30жил бол төр тэр чигээрээ дампуурсан, ёстой нэг эцэг өвгөд маань идэж барахгүй нутаг ус үлдээсэн тулдаа л тэсж байх шиг байнаа, байшин барилгатайгаа үзэлцээд байлгүй, наад хүмүүстээ соёлын довтолгоо хийгээчээ, эцэг эхчүүд нь хариуцлагатай байгаа чээ, баян мөнгөтэй хүмүүсийн хүүхдүүд хар тамхичин, хүчиндэгч, хүн алагч, хор найруулагч, ядуучуудынх нь хүүхдүүд нь хүн өширхсөн, өрөвдөх хайрлах сэтгэлгүй аймаар монгол хүмүүс бий болоод байна шүү. хариуцлага хариуцла

Avatar

Зочин 2020-01-31 103.212.119.239

Солонгос мэтийн улсдаа олигтойхон шиг төрийн албаны туршлагатай, төрт ёсны түүх, монгол ёс уламжлалаа мэддэг тулхтай хүн томилоод явуулаач. Дарга нарын балай охид хүүхнүүдийг дэвшүүлэхээр Засгийн газар яаж татгалзахаас яахав

Avatar

ХЭХЭ 2020-01-31 66.181.189.129

одоо энэ заваарсан элчин суулгадаг балиар юм аа зогсоо дандаа хулгайч нар

Avatar

Зочин 2020-01-31 174.203.10.53

Orchin ued medeelel hariltsaa holboo hugjsun. Zaawal gadaadad ochij suuh shaardlagagui. Uls orondoo amidraad shaardlagatai uulzalt arga hemjeend yawj bolno. Elchin gej hiih ajilgui ashig haisan humuus bn. Zasag ingej ard tumnii hurunguur togloj bhaar mongoloos uls ornuudiig sudalj haritsaj ajillaj bolno gedgiig delhiid haruulj bolohgui u. Mongoloosoo ajillaj chadah chadwarlag elchinguufiig tomilson ni zuw bh. Bus nutag hariutsan ochij suudag 8 elchin baihad hangalttai. Busad elchin ni nutagtaa

Avatar

Монголхүү 2020-01-31 66.181.190.72

Монгол улс минь хэзээ төр шиг төртэй болж түмэн олон амгалан тайван амьдрах эрхтэй мэдлэг чадвартай ёс зүйтэй нь алив алба ажлыг хариуцсан шиг хашдаг хүн ёсны будагтай өвөг дээдсийн минь агуу ухаан алсыг харах билиг чанарыг шингээж чадсан нь төрийг түүчээлдэг тэр цаг ийг ард түмэн бид л зөв сонгож. Бурууд ухаан хараа хурц байх энэ солиорсон засаглал дампуурлыг халж соёлтой хувьсгалыг хийх шаардлагатай баына Монголчууд минь!!!!

Avatar

Монголжин 2020-01-31 66.181.190.72

Тийм шүү. Үнэхээр сүүлийн 30 аа жилд манай улсад аливаа албан тушаал томиллоо нь ажлын эрх ашигийг бус аминч сонирхлын арчаагүй харалган өчүүхэн бодолтнуудын хөзрийн тоглоом мэт болсонд туйлаас харамсаж эгдүүцэж явна. Уг нь ёс зүйтэй улсынхаа эрх ашгийг эрхмлэн дээдэлдэг мэрэгжлийн хийгээд өндөр боловсролтой хүн л улсаа төлөөлж бусад оронд суух ёстой нь хэнд ч машид ьодорхой шүү дээ…

Avatar

ГХЯ, дипломат алба дампуураад удаж байгаа 2020-01-31 64.119.25.190

Элчин сайдууд, консулуудын томилгоо тэдний тамхины болон хар тамхины наймаа бүгдийг харуулсан

Avatar

зочин 2020-01-31 202.9.46.178

http://www.fact.mn/415605.html

Avatar

зочин 2020-01-31 202.179.24.61

МУ-д төрийн алба, УИХ-д гэмт хэрэгтэн, гэмт хэрэгт шалгагдаж байгаа ба байсан хүн сонгогдох, томилогдох боломжийг цээжээрээ хамгаалдаг Нямдорж нартан байгаа цагт улс төр ба төр цэвэршихгүй. Гэмт хэрэг үйлддээд УИХ-ыг хорогдох байр болгодог дархлааг арилгахгүй, эгүүлэн татах эрхийг сонгогчид өгөхгүй бол авилгад барьцаалагдсан энэ намууд улсыг үрэн таран хийгээд дууслаа. Гадаадын иргэнд газрын эрх олгоно аваад явчих юм биш гэсэн үндэслэлээр газар нутгийг бутарган тарааж байна.

Avatar

Зочин 2020-01-31 64.119.24.7

Азтай аавын хүү , охидууд тамхины наймаа эрхлэх баталгаатай лицeнцийг төр засгаасаа авч харь оронд дипломат ажилтан гэсэн гуншинтай явдаг болсон.

Avatar

Зочин 2020-01-31 202.179.31.45

ajilgui zalhuu er

Avatar

ИРГЭН 2020-01-31 192.82.69.120

ТАНИЛ ТАЛ, САДАН ТӨРӨЛ, ХЭЭЛ ХАХУУЛ, АВИЛАГЫН ЗАМААР ТӨРИЙН АЛБАН ТУШААЛД ОЧДОГ БАЙДЛААСАА САЛАХГҮЙ БОЛ МОНГОЛ УЛС ХӨГЖИХЧГҮЙ, АВИЛГАЛ , ХҮНД СУРТАЛ ХЭЗЭЭЧ АРИЛАХГҮЙ. ГАДААД АЛБАНД ОРОС ХЭЛИЙН БАГШ, ЦЭРГИЙН ХҮН, ИАГНУУЛЧ, ЦАГДАА ЗЭРЭГ ЧУХАЛ МЭРГЭЖЛИЙН АЛБАНД МЭРГЭРЛИЙН БУС ХҮМҮҮСИЙГ ДЭВШҮҮЛЖ ТОМИЛДОГ БОЛОН ТЭДГЭЭР НЬ ГАДААД ОРОНД ХАР ТАМХИ ЗЭРЭГ ХҮНД ГЭМТ ХОЛБОГДДОГ НЬ ДИПЛОМАТ АЛБЫГ ДАМПУУРСНЫГ ХАРУУЛЖ БАЙГАА ЮМ.

Avatar

Б 2020-01-31 203.98.76.9

Үнэндээ арай дэндүү байнаа. Улс орноо төлөөлж, бодлого боловсруулах, иргэдээ хамгаалах, улсын нүүр царай нь болох ёстой дипломатч гэдэг нэр хүндтэй ажлыг бүр гутааж байна. Энэ хоёр намын мөнгөтэй, бизнестэй хүмүүс бүр дураараа дургидаг болсон нь улс оронд их хохиролтой.

Avatar

Зочин 2020-01-31 66.181.161.32

Гадаад яамны сайд ажлаа хийж чадахгүй бна. Гудамжнаас элдэв хүн оруулж, хор найруулаад улсын ажлыг үймүүлээд байдгаа болих хэрэгтэй.

Avatar

Зочин 2020-01-31 64.119.22.42

Манай дипломат алба бүр дампуурчээ. Яана даа. Франц гэх их гүрэнд томилогдох гээд байгаа Болормаа гэгч юун хүн бэ?

Avatar

Uuruu hen bilee 2020-01-31 66.181.167.205

Yun hun gedgiig tanihgui bol yaman deer ni ochiod taniltsaach. Tamiin togoonii ulger yum daa!

Avatar

иргэн 2020-01-31 192.82.71.199

Болормаа бол шударга боловсрол сайтай эмэгтэй шүү. Ийм хүмүүс Элчин сайд болж болно.

Avatar

Зочин 2020-01-31 192.82.66.9

Emegteichuudiig Elchin said bolgoh heregtei. Ajilsag, shudarga, zarchimtai.

Avatar

Зочин 2020-01-31 103.57.94.246

ГХЯ-нд дэд захирал олон жил хийж байгаа ажилтан. Болормааг томилж болноо.

Avatar

Чулуун 2020-01-31 202.179.8.118

Олон хүн ах дүүгийнхээ нэрийг барьж дипломат алба, улсын нэрийг хөөдөж байгаа нь үнэн шүү. Гэхдээ гадаад яам тэр хүмүүсээ ил гаргаж хөөж чадахгүй байгаа. Харин Анхбаяр бол хуульч мэргэжилтэй ч гадаад яаманд олон жил нэр хүнтэй алба хааж байгаа жирийн нэгэн албан хаагч залуу. Дипломат алба байтугай төрийн албаны талаар ойлголтгүй гудамжнаас ирсэн томчуудын арын хаалгын хүмүүсээ цэвэрлэмээр байна.

Avatar

Зочин 2020-01-31 202.126.89.171

Хүүк Цогтбаатар хоёрын нэгд Цэнглиш мөнгө өгсөн.Өөр асуудалгүй.Цэнгэл насаараа төрийг шимэгчилж амьдарсан гар.Булган эрдэнэтийн цахилгаан дамжуулах сүлжээг хувьчилж авсан гар.намдаа салаавч даргууддаа мөнгө өгөхөө сайн мэднэ.

Avatar

Зочин 2020-01-31 64.119.24.19

Yalt ch ugui unen. Mergejliin diplomat gej baihgui bolood hen negnii shagnal, udam zalgasan, gaviyanii amralt boljdee.

Avatar

Шар өвгөн 2020-01-31 103.212.117.17

Дипломат алба хар тамхичид болон Улсын их хурлын гишүүдийн мэргэжлийн бус шахааны хулгайчдаар дүүрсэн нь үнэн. Тод жишээ нь Нямдоржийн Анхбаяр юм. Цогтбаатар пялдагадахаас өөр юу ч хийсэнгүй ээ

Avatar

Зочин 2020-01-31 66.181.191.117

Үнэн биз? Үг бүрийн чинь ард хэлсэн хүний хариуцлага байдаг юм шүү

Avatar

ЧД иргэн 2020-01-31 202.179.24.81

Бид одоо хаашаа явж байна вэ… Нөгөө "Алтан Аргамжаа" энэ тэр ёстой лөөлөө болсон. ГХЯ-аар нэг пээдийсэн тэнэг пацаанууд. Англи хэлээр ярьж ч чадахгуй, бичиж ч чадахгуй. Орос, хятад хэлний тухай яриад ч хэрэггүй. Тэр даргын хүүхэд, дүү, хамаатан, тэр намын хүн ..ёстой инээхч хэцүү, уурлах ч хэцүү.. Гол нь гадныхны доог тохуу болж байгаа нь харамсалтай юмдаа… Үүнд мянган Цогтбаатар байгаад ч нэмэргүй. Тогтолцоо нь ийм юм.

Avatar

Зочин 2020-01-31 103.111.68.3

МОНГОЛ ШИГ ЖИЖИГ БУУРАЙ, ЯДУУ АРЧААГҮЙ УЛСАД ИЙМ ТОМ ДИПЛОМАТ АЛБА, ЭЛЧИН, КОНСУЛУУД ХЭРЭГТЭЙ ЮУ? УДАЖ БАЙХАД ДИП-ХУЛГАЙЧУУДААР ДҮҮРЧИХСЭН. ТОМИЛГОО ХИЙХ ҮНДСЭН ЗАРЧИМ НЬ НАЙМАА, ХАХУУЛЬ, БЯЛУУ ХУВААХАД СУУРИЛСАН.

Avatar

Зочин 2020-01-31 66.181.171.34

Атаархаж үхлээ юу Сэргэлэн нь сайхан амьдардаг хорвоо

Avatar

зочин 2020-01-31 202.179.24.61

Сэргэлэн гэж хулгай хийх чадвараа хэлж байна уу? Нөгөө баабарын та нарын тархинд суулгасан "чадаж байгаад арга байхгүй" гээд хулгай хийгээд хүн алаад явах эрхээ хамгаалж байна уу?

Avatar

Зочин 2020-01-31 202.55.191.130

66.181.171.34 – ene odoo heddugeer zuunii ulaan nomond oruulmaar hovordson etgeed ve? sergelenteh gedeg chin ali 10-aad jiliin umnuus odoogiin medleg bolovsroltoi zuv humuujiltei zaluus ustgaj ehelsen.

NewsMN Гар утасны хувилбар Татах
NEWS.mn

Мэдээллийн эх сурвалж