“Нэр төр эрхэмсэг амьдрал” ТББ-ынханд талархал илэрхийлэв | News.MN - Мэдээллийн эх сурвалж

“Нэр төр эрхэмсэг амьдрал” ТББ-ынханд талархал илэрхийлэв

Хуучирсан мэдээ: 2015.10.21-нд нийтлэгдсэн

“Нэр төр эрхэмсэг амьдрал” ТББ-ынханд талархал илэрхийлэв

Монголд 66 мянган мод тарьсан “Нэр төр эрхэмсэг амьдрал” ТББ-ын гишүүдэд талархал илэрхийллээ

Өнөөдөр БОНХАЖ-ын сайд Н.Батцэрэг, сайдын зөвлөх А.Цолмон нар “Нэр төр эрхэмсэг амьдрал” ТББ-ын тэргүүн Д.Наранцогт болон тус ТББ-тай хамтран ажилладаг БНХАУ-ын Шилийн гол аймгийн “Тулга, хайр халамж” холбооны тэргүүн С.Түмэнжаргал, “Сайн хүн” аяныг санаачлагч Д.Сайжраа нарыг хүлээн авч уулзлаа.

“Нэр төр эрхэмсэг амьдрал” нь Монгол орны 8 аймгийн 41 сум, Нийслэлийн 7 дүүрэгт нийтдээ 66 мянган мод тарьж ургуулсан байна.

Цаашид ч мод тарих хөдөлгөөнөө үргэлжлүүлэн ажиллахаа сайд Н.Батцэрэгт дуулгасан юм.

Сайд Н.Батцэрэг: Монгол орны усны төвшин жил ирэх бүр доошилж буй энэ үед ойжуулалтын ажил зохион байгуулахаас өөр аргагүй байгаа ч бидэнд ойжуулах ажлыг хаана зохион байгуулах, хөрөнгө мөнгө, хүн хүч, тарьсан модоо эзэнжүүлэхээс эхлээд шийдвэрлэх олон асуудал байна. БОНХАЖЯ мод тарьж буй та бүхний хөдөлгөөнийг бодлогын хувьд дэмжих болно гэлээ.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Тунгаа 2015-10-21 150.129.141.17

Мод тарьж буянтай ажил хийжээ. 66 мянган модны хэд нь ургасан бол... Хамгийн гол нь ургуулах шүү дээ. Би Дарханд амьдардаг. Мод тарьдаг, арчилдаг, тарьсан мод болгоноо ургуулахыг хүсдэг бас хичээдэг хүн. Мод тарих хүсэл хичнээн байвч санхүүгийн талаар асуудал их байдаг. Энэ асуудлыг яаж шийдэх боломж байна вэ? Боломж олдвол мод тариад л ургуулаад баймаар байх юмаа.Төрөөс дэмжинэ гээд л яриад байх юм. Яг газар дээрээ бол худлаа шүү дээ. Мод тарих газар ч олддоггүй. Сургуулийнхаа хашаанд л хэдэн мод тарьдаг даа. Сурагчдынхаа хармааг ухаж байгаад...