Боловсрол, соёл, шинжлэх ухаан, спортын /БСШУС/ сайд Ё.Баатарбилэг өчигдөр /2020.01.27/ тушаал гаргаж, сургуулийн өмнөх бага, дунд боловсролын сургалтын хөтөлбөрийн агуулгаар теле хичээл зохион байгуулахыг холбогдох газруудад үүрэг болгов. Мөн их дээд сургууль, коллежийн захирал нарт сургалтын хөтөлбөрийг цахимаар хэрэгжүүлэхтэй холбогдуулан бэлтгэл ажлыг чанартай, үр дүнтэй зохион байгуулах, соёл урлагийн болон олон нийтийг хамруулсан үйл ажиллагаа зохион байгуулахгүй байхыг даалгасан юм.

Хэвлэл мэдээллийн тэргүүлэгч News агентлаг БСШУСЯ-аас зохион байгуулж буй дээрх ажлыг дэмжиж, хамтран ажиллахад бэлэн гэдгээ илэрхийлж байна.