Гар цэвэр, мэдээлэл зөв байхад л болно | News.MN

Гар цэвэр, мэдээлэл зөв байхад л болно

РЕДАКЦИЙН ЗУРВАС

Гар цэвэр, мэдээлэл зөв байхад л болно

Гар цэвэр, мэдээлэл зөв байхад л болно

Коронавирусын халдвар дэлхий нийтийг түгшээж байна. Вирусын халдвар тахлын хурдтайгаар тархаж байгаагаас гадна эмчилгээ арга барилыг эмч нар олоогүй байна. Тэр байтугай халдвар авсны дараах нууц үе нь хэд хоног үргэлжилж байгаа тал дээр ч эмч нар нэгдсэн хариу өгөхгүй байгаа юм. Хэдийгээр Дэлхийн эрүүл мэндийн байгууллага нотлоогүй ч энэ чиглэлийн эрдэмтэн, судлаачид вирус гурав дахь хувьсалдаа орсон гэсэн таамгыг дэвшүүлж эхэллээ. Уушгийг ноцтой үрэвсүүлж, цаашлаад бөөрийг ажиллагаагүй болгож байгаа гэсэн ерөнхий мэдээлэл байгаа юм. Уушгинд цочир нөлөөлж байгаа учраас тарваган тахлын үеийн шинжтэй байгааг зарим эрдэмтэн анхааруулжээ.

Тархалт цаг, минутаар тэлж байна. Өнгөрсөн Баасан гаригаас Монголын Засгийн газар хариу арга хэмжээг шуурхай авч, ерөнхий боловсролын, их дээд сургуулийн хичээлийг түр зогсоож, олон нийтийг хамарсан эвентүүдийг цуцлахыг үүрэгдсэн нь цагаа оллоо.

Халдвар тархаж байгаа хурдыг харахад Монголын гурван сая хүн хэдхэн хоногийн дотор эрсдэлтэй нөхцөлд ороход бэлэн байна. Вирусын тархалтын талаар Хятадын албаны мэдээллүүдэд шууд итгэхгүй байхыг сануулж байна. Халдварын эхний тохиолдолд өнгөрсөн 2019 оны арванхоёрдугаар сарын эхээр илэрсэн гэж үзэж байгаа бөгөөд үүнээс бараг сарын дараа Хятадын албан ёсоор хүлээн зөвшөөрч, мэдээллүүдээ цацаж байна. Гэсэн Бээжингийн цацаж байгаа халдварын тархалтын тоо нь ихээхэн дарсан тоо байж болохыг барууны хэвлэлүүд бичиж байна. Хятадын Цагаан сар дөхөж, хэдэн сая хүн хөдөлгөөнд орж эхэлсэн нь үүнд нөлөөлсөн. Вирусын голомт болсон Ухань хот бол Хятадын тээврийн зангилаа хотын нэг. Ухань бол Хятадын баруунаас зүүн тийш, хойноос урагш чиглэсэн агаарын, төмөр замын, усан замын зангилаа цэг.

Хэрвээ Оросын Алс Дорнодод сурдаг таван хятад оюутан шинжилгээ эерэг гарвал Монгол урд, хойноосоо вирусын халдварын бүслэлтэд орох болно. Монголчуудын олноор зорчдог Өмнөд Солонгост гурав дахь халдварыг өчигдөр баталгаажуулснаа зарлалаа. Хятадад халдвар тархаагүй муж үлдсэнгүй.

Гуравхан сая хүнээ халдварлуулчихгүй байх том үүрэг энэ өдрүүдэд Засгийн газар, тэр дундаа Эрүүл мэндийн яаманд ирж байна. Вирусын талаарх мэдээлэл, халдварласан тохиолдолд илрэх шинж тэмдэг, урьдчилан сэргийлэх мэдээлл эмх цэгцтэй, давтамжтай, айдас хүйдэст автуулахааргүй өгөх нь чухал байна. Сүүлийн хоёр хоногт амны хаалт ховрын бараа болсныг бүгд мэдэж байгаа. Амны хаалтыг олдоцтой байлгах, болж өгвөл үнэгүй тараах хэрэгтэй. Мөн бие засах газруудад гар угаах саван тавих, олон хүн зорчдог газруудад гар ариутгах уусмал, бактер устгах уусмалуудыг хүртээмжтэй газар байрлуулах зэрэг ажлыг нэн тэргүүнд хийх хэрэгтэй. Нийслэл хот болон аймгийн төв зэрэг хүн амын нягтаршилтай газруудын гудамж талбай, зах, худалдааны төвүүдийг ариутган цэвэрлэх, хилийн боомт, нисэх онгоцны буудлуудад ариун цэврийн дэглэмийг чанд мөрдөх шаардлагатай болжээ.

Коронавирус нь 2002-2003 онд мөн Хятадад дэгдэж байсан САРС, Ойрхи Дорнодод гарсан МЕРС вирустэй нэг төрөлд багтах, байгаль дээр амьтдад байдаг вирус. САРС дэгдэх үед Хятадын Засгийн газар мөн эхэн үедээ нууцалж байгаад бараг хоёр сарын дараа Дэлхийн Эрүүл мэндийн байгууллагад мэдээлж байсан. САРС-ын дэгдэлтийн үеэр 800 гаруй хүн халдварлаж, үхлийн тохиолдол 26 байсантай харьцуулахад энэ удаагийн коронавирусын дэгдэлт богино хугацаанд өргөн цар хүрээг хамарч байна. Нэгдүгээр сарын 26-ны байдлаар нас барагсдын тоо 56 хүрч, халдвар авсан хүний тоо 2000 гарлаа. Хятадын 20 гаруй хотын 50 гаруй сая хүн хөл хорионд байна.

Уханийн амьд амьтан наймаалдаг захаас анх халдварласан гэдгийг тогтоосон ч яг ямар амьтнаас халдварласныг тогтоогоогүй. Тус захад тахиа, гахай, нохой, могой, матар, мэлхий, нугас, илжиг, хилэнцэт хорхой, шавьж гээд олон төрлийн амьтныг наймаалдаг байсан. Хятадын Засгийн газар амьд амьтны наймааг вирусын дэгдэлт бууртал бүрэн зогсоож байгаагаа зарлалаа. Үүнээс үүдэн амьтны махыг хүнсэндээ сайтар боловсруулж идэхийг эмч нар зөвлөж байна.

Дэлхийн Эрүүл мэндийн байгууллага сүүлийн дөрөв хоногт хоёр удаа коронавирусын асуудлаар шуурхай хуралдсан бөгөөд одоогоор дэлхийн нийтийн хэмжээнд онц байдал зарлах хэмжээнд хүрээгүй байна гэж үзлээ. Мэдээж урьдчилан сэргийлэх бэлэн вакцин байхгүй. Нас барсан хүмүүсийн дийлэнх нь 50-иас дээш насны хүмүүс байгаа учраас биеийн дархлаа сайн байх нь вирусын халдварыг эсэргүүцэх чадварыг нэмэгдүүлж байх магадлалтай гэсэн таамгыг хийж байгаа юм.

Өмнө дурдсанчлан энэ бол байгаль дээр байдаг вирус. Дэлхий даяаршиж, өнөөдөр энд байсан хүн хэдхэн цагийн дараа хэдэн мянган км-ийн цаана очдог болсон нь халдвар хажууд хүрээд ирсэн мэт айдас төрүүлж байна. Халдвараас урьдчилан сэргийлэх зөвлөмжийг дор бүрнээ сахиад, авсан мэдээлэлдээ шүүлтүүртэй хандаж, айвуу тайван байхад болно.

"Болор дуран"-аар шалгав.
Энэ мэдээнд өгөх таны сэтгэгдэл?
2
БурууБуруу
1
ХахаХаха
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ЗөвЗөв
0
ХарамсалтайХарамсалтай
Баярлалаа!

Холбоотой мэдээ

16 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хуяг 2020-01-27 139.5.219.57

Болор дуран шалгаж чаддаг юм уу? "таамгыг" гэж буруу бичсэн байна

Avatar

sdg 2020-01-27 202.131.227.82

Hytaduud l garaa tsewerhen bish blgaad bwal gejdee

Avatar

зочин 2020-01-27 192.82.64.248

гарчигнаасаа эхлээд л буруу мэдээлэл өгөх юм????

Avatar

Зочин 2020-01-27 66.181.161.16

Монголын ардчлал анархизм болоод 30 жил боллоо

Avatar

ИРГЭН 2020-01-27 202.9.46.250

ЭНЭ ЖИЛ ЦАГААН САРЫГ ТЭМДЭГЛЭХТЙГ ХОРИГЛОЁ. МАНАЙХАН ШИГ ХЭНЭГГҮЙ, ЗАДГАЙ ЗАМБАРААГҮЙ ОРОНД ВИРУС МАШ АМАРХАН ТАРНА. 1 ЖИЛ ӨНЖИХӨД ЯАВАЛ ГЭЖ ДЭЭ. ӨВЧИН ТАРААСНААС ХАВЬГҮЙ ДЭЭР. ХӨГШЧҮҮЛ АМЬДРАЛДАА 1 УДАА МӨНГӨӨ ХЭМНЭГ.

Avatar

Зочин 2020-01-27 103.99.103.99

онцгой цаг үед хэвлэл мэдээлэл хариуцлагатай баймаар байна.

Avatar

Зочин 2020-01-27 202.21.108.52

Урд хилийнхээ дагуух цэрэг, техникээ нэмэгдүүлж эхлэх хэрэгтэй. Тун удалгүй дүрвэгчид олон саяаараа нөмрөхгүй гэх баталгаагүй боллоо.

Avatar

Зочин 2020-01-27 66.181.190.58

ха ха сүржин гар уу?

Avatar

Зочин 2020-01-27 67.205.187.136

Сүржигнэчих юм. Ямар ч вирус хүний амь насанд хүрвэл хүрнэ. Энгийн ханиад томуунаас болж өдөр бүр дэлхий даяар хүмүүс нас барж байгааг ярихгүй байна

Avatar

Монгол 2020-01-27 66.181.167.254

Компьютер тоглоомын газар гэж СЭЖГИЙН газрыг бүгдийг хаана биз дээ??? Та нар тэр тоглоомын газраар нэг ороод үзээч! Ерөнхий Сайд Хүрэлсүхээс хичээнгүйлэн гуйж байна… Тэр ЗАВААН газраар нэг ороод үзээд өгөөч!!! Тэгээд бүр мөсөн хаах хэрэгтэй байна. Хуучин Архивын газрын 3 давхар байшин тэр чигээрээ компьютер тоглоомын газар болсон байна гээд бод доо!!! Ийм завхарсан заваан юм Монголоос өөр хаана ч алга!!!

Avatar

Зочин 2020-01-27 202.21.97.30

Энэ засаг барьж байгаа нөхдүүд арай л сүржин үү үгүй юу??? томчууд нь болохоор өвчин тараахгүй гэж үзээд байдаг? харин хүүхдүүд залуусыг болохоор суралцуулахгүй гэрт нь хорьсноор эрүүл байлгана гэж бодоод байдаг?

Avatar

ИРГЭН 2020-01-27 202.126.89.53

монголд одоогоор өвчин гараагүй байхад Уханиас 30 оюутан авчирч монголыг өвчлүүлэх хэрэг юун байна

Avatar

Зохиолч Лувсангийн Пүрэвдорж 2020-01-27 66.181.188.33

Орос Хятад Монгол хүнээ боддоггүй зуршилтай байсан шигээ зарим хүн бодох юм даа. 30 иргэн чинь аюулд ороод байхад авчрах арга бодохгүй яах юм бэ. Болдог л юм бол онгоц явуулж авчирч хөл хорионд байлгаж, шинжилгээ хийжил аврах нь зөв. Харин авчрахгүй байлгаж байгаад эндэгдэлд оруулбал засгийнхан хариуцлага хүлээх учиртай.

Avatar

Ингэж мэдээлэхгүй эээ 2020-01-27 202.131.248.198

САРС-ын дэгдэлтийн үеэр 800 гаруй хүн халдварлаж, үхлийн тохиолдол 26 байсантай ??? ИЙМ МЭДЭЭ БИЧИХГҮЙ ЭЭЭ

Between November 2002 and July 2003, an outbreak of SARS in southern China caused an eventual 8,098 cases, resulting in 774 deaths reported in 17 countries,[1] with the majority of cases in China mainland and Hong Kong[2] (9.6% fatality rate) according to the World Health Organization (WHO).

Avatar

Зочин 2020-01-27 202.55.191.130

Би бас уншаад гайхлаа шд. 800 орчим хүн үхсэн байхад арай л хол зөрүүлж байна уудаа. Олон хүнд хүргэдэг мэдээллээ сайн нягтлаачээ. Өөр хэдэн ч мэдээг алдаж бичсэн юм билээ.

Avatar

Ийм мэдээ бичихгүйэээ 2020-01-27 202.131.248.198

Between November 2002 and July 2003, an outbreak of SARS in southern China caused an eventual 8,098 cases, resulting in 774 deaths reported in 17 countries,[1] with the majority of cases in China mainland and Hong Kong[2] (9.6% fatality rate) according to the World Health Organization (WHO). САРС-ын дэгдэлтийн үеэр 800 гаруй хүн халдварлаж, үхлийн тохиолдол 26 байсантай ??? ИЙМ МЭДЭЭ БИЧИХГҮЙ ЭЭЭ

NewsMN Гар утасны хувилбар Татах
NEWS.mn

Мэдээллийн эх сурвалж