Шинэ коронавирус халдварын нөхцөл байдлын шинэчлэгдсэн мэдээллийг Эрүүл мэндийн яамнаас мэдээлж байна. Тодруулбал, 2020 оны нэгдүгээр сарын 26-ны өдрийн 09:00 цагийн байдлаар Дэлхийн эрүүл мэндийн байгууллагын мэдээгээр шинэ коронавирусийн халдвараар 1975 хүн өвчилж, 56 хүн нас баржээ.

БНХАУ-д 1287, Тайванд 3, Макаод 2, Хонгконгд 5, Японд 2, БНСУ-д 2, Сингапурт 3, Вьетнамд 2, Австралид 1, АНУ-д 2, Тайландад 5, Непалд 2, Францад 3 хүн өвчилсөн.  БНХАУ-ын Эрүүл мэндийн яамнаас мэдээлснээр 2020 оны нэгдүгээр сарын 26-ны өдрийн 08:50 цагийн байдлаар Хятад улсад шинэ коронавирусын халдвараар 1975 хүн өвчилж, 56 хүн нас барсан, 324 хүн сэхээн амьдруулах тасагт эмчлэгдэж байна. Бүрэн эдгэрсэн 49 иргэн эмнэлгээс гарсан. БНХАУ-ын Өвөр Монголд 7, Манжуурт 2, Шилийн голд 1, Эрээнд 4 сэжигтэй тохиолдол бүртгэгдсэн.