Коронавирүсээр халдварласан өвчтөн эдгэж, эмнэлгээс гарчээ

Хуучирсан мэдээ: 2020.01.25-нд нийтлэгдсэн

Коронавирүсээр халдварласан өвчтөн эдгэж, эмнэлгээс гарчээ

Коронавирүсээр халдварласан өвчтөн эдгэж, эмнэлгээс гарчээ

Шанхайд коронавирүсээр халдварласан нэгэн эмэгтэй эмчлүүлж, эмнэлгээс гарсан талаар Хятадын Үндэсний эрүүл мэндийн комиссоос мэдээлснээс иш татан “Sina” агентлаг уламжилсан байна. Шинэ вирүсээр халдварлаад эдгэсэн анхны өвчтөн 56 настай, Чен гэх эмэгтэй бөгөөд тэрбээр Үхань хотод удаан хугацааны турш амьдарч буй аж.

Нэгдүгээр сарын 10-ны өдөр Чен ихээр халуурч сульдан, уушгины хатгалгаа өвчний шинж тэмдэгтэйгээр энэ сарын 15-ны өдөр Шанхай хотын эмнэлэгт хандсан байна. Эмчилгээ хийж эхэлснээс хойш зургаан өдрийн дараа эмэгтэйн биеийн байдал аажмаар сайжирч, коронавирүсийн хоёр шинжилгээний хариу нь сөрөг гарсан талаар “Beijing Daily” сонинд мэдээлжээ.

БНХАУ-ын Үхань хотод шинэ коронавирүсийн халдвар авсан хүмүүсийг хэвтүүлэх шинэ эмнэлгүүдийг Баасан гариг (2020.01.24)-аас барьж эхэллээ гэж тус улсын төв телевиз мэдээлсэн билээ. Ирэх хоёрдугаар сарын 2-нд барьж дуусгахаар төлөвлөж буй эмнэлгүүдийг 25 мянган хавтгай дөрвөлжин метр талбайд барих бөгөөд нэг дор 1000 хүртэлх өвчтөн хүлээж авах хүчин чадалтай байх аж.

Эмнэлгүүдийг SARS буюу амьсгалын цочмог халтай хам шинж өвчин Хятадад 2003 оны дөрөвдүгээр сард дэгдэх үеэр долоон хоногийн дотор барьсан Бээжин хотын "Сяотаншань" эмнэлгийн загвараар барихаа мэдэгдсэн билээ.

Эх сурвалж: SINA, RT
Б.ЖАРГАЛ

Энэ мэдээнд өгөх таны сэтгэгдэл?
433
ЗөвЗөв
231
ГайхмаарГайхмаар
74
ТэнэглэлТэнэглэл
58
ХөөрхөнХөөрхөн
52
ХахаХаха
52
БурууБуруу
51
ХарамсалтайХарамсалтай
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж