Швейцарийн Лозанна хотод болсон Залуучуудын өвлийн олимпийн наадам албан ёсоор хаалтаа хийжээ. Энэ талаар Олон улсын олимпийн хорооны тэргүүн Томас Бах зарласан байна.

Тус тэмцээнд ОХУ-ын шигшээ баг 10 алт, 11 мөнгө, 8 хүрэл медаль хүртэж, түүхэндээ анх удаа түрүүлжээ. Швейцарийн баг тамирчид 10 алт, 6 мөнгө, 8 хүрэл медалийн эзэн болж хоёрдугаар байранд орсон бол япончууд 9 алт, 7 мөнгө, 1 хүрэл медальтайгаар гуравдугаар байрыг эзэлсэн байна.

Энэ сарын 9-нөөс 22-ны хооронд Лозанна хотод болсон Залуучуудын өвлийн олимпийн наадамд 79 улсын 14-18 насны тамирчин оролцож, 81 багц медалийн эзэн болжээ. ОХУ-ын шигшээ баг 29 медаль хүртсэнээр, дөрвөн жилийн өмнөх дээд амжилтаа эвдсэн байна. 2024 оны Залуучуудын өвлийн олимпын наадам 1 дүгээр сарын 19-нөөс 2 дугаар сарын 2-н хүртэл БНСУ-ын Канвондо мужид болох ажээ.

Эх сурвалж: TASS
Б.ЖАРГАЛ