Эм хэрэгслийн тухай хуулийг өргөн барина | News.MN - Мэдээллийн эх сурвалж

Эм хэрэгслийн тухай хуулийг өргөн барина

Хуучирсан мэдээ: 2015.10.20-нд нийтлэгдсэн

Эм хэрэгслийн тухай хуулийг өргөн барина

Эм, эмнэлгийн хэрэгслийн тухай хуулийн шинэчилсэн найруулгын төсөлд эмийн чанар, аюулгүй байдлыг хангахад оролцох байгууллагын үүрэг хариуцлагыг тодорхой зааж, эмийн бүртгэл, чанарын хяналтын лабораторид тавигдах шаардлагыг боловсронгуй болгох, эмийг зах зээлд гарсны дараах эмийн аюулгүй байдлын тандалт, судалгаа хийх, эргүүлэн татах, буцаах эрх зүйн орчныг бий болгохоор тусгажээ. Мөн эмийн зохистой хэрэглээг төлөвшүүлэх зорилгоор хэд хэдэн зарчмын өөрчлөлтийг тусгасан байна. Эмийг зах зээлд таниулах үйл ажиллагааны зарим хэсэг хуулиар зохицуулагддаггүй байсныг цогц байдлаар зохицуулж, эмнэлгийн эмийн сангийн үйл ажиллагааг өргөтгөх болон антибиотикийн зохистой хэрэглээтэй холбоотой зохицуулалтыг нэмжээ. Эмийн үнийн ил тод байдлыг хангах, үнийн хөөрөгдлөөс сэргийлэх, иргэдийн эм худалдан авах боломжийг нэмэгдүүлэх талаар шинэ зохицуулалт оруулсан байна. Хууль батлагдан гарснаар эмийн чанар, аюулгүй байдал, зохистой хэрэглээ төлөвшиж, эмийн хангамж, хүртээмж сайжрахад чухал үүрэг гүйцэтгэнэ гэж үзэж байна.

Эх сурвалж: ЗАСГИЙН ГАЗАР

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-10-20 122.201.31.32

Орос хятадад эм үйлдвэрлэгчээсээ 8 хувийн ашиг нэмээд бүх улс даяараа хатуу нэг үнээр зардаг. Тээврийн хөлсийг шйлдвэрлэгч төлдөг хуультай. Монгол ингэж хотоос захын сум хүртэл нэг үнэ мөрдөх хэрэгтэй байна.

Батчимэг 2015-10-20 27.123.214.120

Хавдар яагаад буурахгүй байна. Эмнэлэг нь ямар ч урьдчилан сэргийлэх ажмл хийдэггүй юмуу. Туссан хойно нь баахан чирэгдэл болж эмчилээд сүүлд нь эмчилгээ байхгүй гээд гаргадаг . Сая тэр ХӨСҮТ ийн захиралын ярилцлага гарлаа сонслоо ийм мэдлэгтэй хүн юм хийхүү хавдар өсөөд байгаа нь араггүй юм. Бүгд улс төр нам эвсэл ах дүү хамаатны хүмүүс л энэ эмнэлэгүүдийг удирдаж байна. Хавдар өсөөд байгаа бол тэдний буруу идэж уухаас өөр юм алга энэ эмнэлэгийн дарга нарт.

mmmmmmmmmmmm 2015-10-20 202.180.220.68

Эмийн үнийн хөөрөгдөл гэж байдаггүй юм малаа. Хамгийн их хяналтанд байдаг зүйл бол эм. Эм зүйч нарын ганц мөрддөг зүйл бол эмийн үнийн тогтвортой байдал. Эрдэнэчимэг мал өөрөө үүнийг мэддэггүй учир МОНОС л үнэ хөөрөгддөг. Өөр ямар ч газар байхгүй.