Олимпийн эрх олгох боксын тэмцээн Йордан улсад болно

"Токио-2020" Олимпийн, Ази – Номхон далайн орнуудын боксын эрх олгох тэмцээнийг БНХАУ-ын Үхань хот хүлээн авахаар бэлдэж байсан боловч коронавирусийн тархалтын улмаас цуцлагдсан билээ. Иймд тус тэмцээнийг ирэх гуравдугаар сарын 3-наас 11 өдрүүдэд Йордан улсын нийслэл Амман хотноо зохион байгуулахаар болсныг ОУОХ-ноос мэдээллээ.

Монголын боксчид Олимпийн наадамд нийт 11 удаа оролцохдоо 1 алт, 3 мөнгө, 3 хүрэл медаль хүртсэн билээ. "Токио-2020" олимпийн эрх олгох тэмцээнд Монгол Улсаас "Жакарта-2018” Азийн XVIII наадмын аварга, Ази тивийн аварга, "Екатеринбург-2019" сонирхогчдын боксын ДАШТ-ий хүрэл медальт Э.Цэндбаатар тэргүүтэй тамирчид оролцоно.