Есөн аймгийн нутаг цагаан зудтай байна | News.MN

Есөн аймгийн нутаг цагаан зудтай байна

Есөн аймгийн нутаг цагаан зудтай байна

Есөн аймгийн нутаг цагаан зудтай байна

Өнөөдрийн байдлаар, есөн аймгийн 41 сум цагаан зудтай байна. Үүний арын “эгнээнд” буюу зудад өртөж болзошгүй гэсэн ангилалд 16 аймгийн 51 сум хамрагдаж байгааг Онцгой байдлын ерөнхий газар (ОБЕГ)-аас мэдээлэв. 

Монгол орны нийт нутгийн 70 гаруй хувь нь өдгөө цастай. Тэр дундаа Увсын гурав, Завханы 12, Хөвсгөлийн дөрөв, Архангай, Сэлэнгийн тус бүр нэг сумд 20 см-ээс зузаан цас тогтон, нягтарч хатуурчээ. Цас, хүйтний улмаас идэш хомсдож, ихэнх нутгийн иргэд малдаа нэмэгдэл тэжээл өгч байгаа аж.

Нийт 21 аймгаас хамгийн зутруу, хүндхэн өвөлжиж байгаа нь Завханыхан. Тус аймаг 24 сумтайгаас 12 нь цагаан зудтай.Цаашлаад дөрвөн сумд цагаан зуд нүүрлэх эрсдэлтэй байгаа аж.

Цас их унаж, их хүйтэнтэй хавсрахыг цагаан зуд хэмээдэг. Өөрөөр хэлбэл, байн байн цас орохын зэрэгцээ хүйтний эрч эрс чангаран, мал сүрэг бэлчих аргагүй болж, өвс тэжээлээр гачигдан зутарч, улмаар тарга хүч нь муудан, олноор хорогдох нь цагаан зудын гамшиг юм. 

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Доржсамбуужаргал 2020-01-25 2.132.82.242

Завхан аймаг өвөл манай улсын хамгийн хүйтэн аймаг шүү дээ.
Анхаарч байх хэрэгтжй.

Avatar

Зочин 2020-01-25 202.126.89.15

Завхан аймаг үргэлж зудархуу байдаг. Газар зүйн онцлог нь ийм байдлыг нѳхцѳлдүүлдэг. Хангайн гол нуруудаар цаг уурын ѳѳрчлѳлт бусад нутгаас арай бага ажиглагдаж байгаа юм байна. Энэ тийм муу зүйл биш.

Avatar

Зочин 2020-01-25 122.201.24.171

Цас орно гэж бодоогуй сууж байсан юм байх даа, евел цас ордогийг мэддэггуй улс уу, худлаа баахан зуд турхан ярьж жаал менге олох гээд л нохойтоод байна аа даа

Avatar

Зочин 2020-01-25 202.131.245.243

Өвөл болохоор хүйтэрдэг, цас ордог. Юун зуд? Юугаа солиороод байгаа юм бэ? Энэ жил харинч дулаан өвөлжиж байна шүү.

NewsMN Гар утасны хувилбар Татах
NEWS.mn

Мэдээллийн эх сурвалж