SOS: Нэг иргэнийг тусгаарлав | News.MN

SOS: Нэг иргэнийг тусгаарлав

SOS: Нэг иргэнийг тусгаарлав

SOS: Нэг иргэнийг тусгаарлав

Дэлхий нийтийг цочроож эхэлсэн коронавирусийн халдвартай холбоотойгоор Монгол Улс холбогдох арга хэмжээг авч эхэлсэн бөгөөд Хятад улс руу зорчихгүй байхыг анхааруулах болсон.

Одоогийн байдлаар Монгол Улсын иргэдээс энэ төрлийн өвчнөөр халдварласан тохиолдол бүртгэгдээгүй ч сэжигтэй болгоныг тусгаарлан, шинжилгээнд хамруулах арга хэмжээг авч буй юм.

Тухайлбал, төмөр замаар зорчин ирсэн Монгол Улсын 17 иргэнийг өчигдөр /2020.01.23/  тусгаарлан Халдварт өвчин судлалын үндэсний төвд хүргэсэн байна. Тэднээс нэг хүнийг шинжилгээнд хамруулсан бөгөөд өнөөдөр шинжилгээний хариу гарах аж.

Эрүүл мэндийн яамнаас мэдээлснээр нэгдүгээр сарын 10-наас эхлэн БНХАУ, Хонконгоос онгоцоор ирсэн халуурсан, ханиалгасан, амьсгалын замын халдварын сэжигтэй зургаан хүнийг ХӨСҮТ-д түр тусгаарлан, онош тодруулах шинжилгээ хийхэд шинэ коронавирусын халдвар илрээгүй юм.

Хятад онц байдал зарлав

Дэлхийн хэмжээнд коронавирусийн халдварыг авч өвчилсөн иргэний тоо өчигдрийн байдлаар 634-д хүрсэн бол нас барагсдын тоо  17 болж нэмэгдээд байна.

БНХАУ-ын нийслэл Бээжин хотод онц байдал зарлаж, цагаан сарын баярыг угтсан томоохон арга хэмжээнүүдээ цуцлах шийдвэр гаргажээ. Хятадын төмөр зам зорчигчдынхоо тасалбарыг буцаан авах тал дээр бүхий л арга хэмжээг авч байна. Үүнтэй холбоотойгоор Бээжин хот цагаан сарын баяраар уламжлан болгон тэмдэглэдэг олон томоохон баяруудаа хориглож байгаагийн дотор сүмийн хөгжөөнт яармаг буюу улаан дэнлүүний баяр, үзэсгэлэн худалдаа зэрэг багтаж байна. Дэлхийн томоохон ухаалаг утас үйлдвэрлэгч Huawei компани ирэх сарын 11-12-ны хооронд Үхань хотоос 600 миллийн зайд байрлах Шиньжинь хотод зохион байгуулагдах арга хэмжээгээ хойшлуулж байгаагаа зарлалаа. Жил болгон уламжлал болгон зохион байгуулагддаг ухаалаг утас хөгжүүлэгчдийн чуулга уулзалт гуравдугаар сар хүртэл хойшилжээ.

Мөн Бээжин, Шиньжин, Гуаньжоу зэрэг их газрын Хятадын томоохон хотуудад амьд амьтан худалдан авч, хүнсэндээ хэрэглэхгүй байхыг анхаарууллаа. Үүнээс гадна Хэбэй мужийн Чиби хотыг тусгаарлах шийдвэр гаргажээ. Үхань хотоос 120 км зайтай байдаг тус хот ойролцоогоор 500 мянган хүн амтай ажээ. Ингэснээр Хэбэй мужийн дөрөв дэх хот ийнхүү тусгаарлагдаж байна.

Ухань хот дахь монгол оюутнууд мэдэгдэл гаргалаа

БНХАУ-ын Ухань хотод 2020 оны нэгдүгээр сараас дэлгэрсэн уушигны хатгалгаа үүсгэгч шинэ төрлийн коронавирусийн халдвартай холбоотой Ухань хотод суралцдаг оюутан залуусын талаарх буруу ойлголт фэйсбүүк, твиттер гэх мэт олон нийтийн сүлжээгээр тарж байгаатай холбогдуулан үнэн бодит мэдээллийг хүргэх нь:

2019-2020 оны хичээлийн жилд БНХАУ-ын Ухань хотод Монгол Улсын нийт 253 оюутан суралцдаг гэсэн албан ёсны бүртгэл мэдээлэл байна. Үүнээс хичээлийн жилийн эхний хагас жилийн байдлаар 204 оюутан тогтмол суралцаж байна.

Халдварт өвчний вирус тархахаас өмнө буюу өнгөрсөн оны арванхоёрдугаар сард (ихэнх оюутан) 100 гаруй оюутан эх орондоо ирж, коранавирусийн шинж тэмдэг анх илэрч, нийтэд зарлагдсанаас хойш буюу 2020 оны нэгдүгээр сард 70 орчим монгол оюутан эх орон руугаа болон бусад гадаадын улс руу амарч, аялахаар явсан байна.

Өнөөдрийн байдлаар Ухань хотын том 6 сургуульд 30 гаруй монгол оюутан залуу байгаа бөгөөд тэдгээр оюутанд ямар нэгэн өвчлөлийн шинж тэмдэг илрээгүй байна.

Дээрх оюутнууд нь тус тусын сургуулиудынхаа гадаад оюутны оффис, БНХАУ-ын Ухань хот дахь монгол оюутны холбоо, БНХАУ-д байрлах Монголын Элчин сайдын яам, ГХЯ, ЭМЯ-дуудтай тогтмол харилцаа холбоотой байж зөвлөмж, зааварчилгааг өдөр тутам авч, халдварт өвчнөөс урьдчилан сэргийлж байна.

Тиймээс та бүхэн зарим нэгэн хариуцлагагүй иргэний олон нийтийн цахим сүлжээгээр тарааж буй буруу ташаа мэдээлэлд бүү автаарай гэж уриалья.

БНХАУ-ын Ухань хот дахь монгол оюутны холбоо. 2020.01.23

"Болор дуран"-аар шалгав.
Энэ мэдээнд өгөх таны сэтгэгдэл?
7
ХарамсалтайХарамсалтай
6
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хилээ хаа 2020-01-24 103.212.119.161

Төрийн толгойд байгаа хэдэн хулгайч юу хуцаад байнаа. Хил хаах хүртэл арай болоогүй байна ч гэх шиг орж ирэхээр нь хаах уу. Тэр хулгайчууд мөнгөөр зодоод дэлхийн аль халдваргүй оронлуу алга болоохоо мэдэж байгаа л даа

Avatar

зочин 2020-01-24 192.82.64.190

Ядахад манай цагаан сар нь үнсдэг, үнсүүлдэг муухай зуршилтай

Avatar

Монгол Улсын иргэн 2020-01-24 202.179.8.118

хил гааль дээр халдваргүйжүүлэх арга хэмжээг авч эхлээчээ Хятад руу явахгүй байх шууд хязгаарлалт хийгээчээ

Avatar

Б 2020-01-24 202.126.89.122

Яагаад хэбэй муж гээд байгаан бэ?Хубэй муж ш дээ?Зөв мэдээллээч

Avatar

Зочин 2020-01-24 124.158.109.140

Зөв дуудлага нь ХӨБЭЙ

Avatar

Аюултай 2020-01-24 202.131.253.66

цагаан сараар айл хэсэхийг хориглох , видео золголт хийхийг анхааруулж байна, Монголд нэг дэгдвэл барахгүй шүү, авилгалд идэгдсэн төр чадахгүй шүү

Avatar

Зочин 2020-01-24 66.181.170.73

Аюул болж байгаа юм байна ш дээ.Тийм болоод хятад цагаан сарын арга хэмжээнүүдийг цуцалж байна. Манай МУ ын ЗГ Эрүүл мэндийн яам яагаад дуугүй байгаад байгаа юм бэ, арга хэмжээ аваачээ. Сургууль цэцэрлэгийг амраах хэрэгтэй. Цагаан сар гэж ирээн явж байгаа наймаачдыг гаргахгүй байх хэрэгтэй байна.

Avatar

Зочин 2020-01-24 202.9.46.19

Сайтуудыг уншиж байж саналаа бичмээр юм Юу юуны тухгүй л карантилаад байхуу Миний бодлоор эмя сайн ажиллаж байна даа

Avatar

Zochin 2020-01-24 103.14.36.18

в, ц вирусаа буруу оношлоод байна гэсэн энэ вирусаа зөв оношилж чадаж байгаа бол уу????

Avatar

алдаагаа зас 2020-01-24 202.21.115.165

Их газар биш, Эх газар. Хэбэй муж биш Хубэй муж. Энэ хоёр чинь тусдаа мужууд.

Avatar

Guest 2020-01-24 202.131.229.146

Hhahaha za yahavdee medehgui hun baigaal biz XD

Avatar

Зочин 2020-01-24 202.21.98.238

Uru hyatad hun uu?

Avatar

Зочин 2020-01-24 202.131.232.78

Ямар утгагүй асуулт вэ? Хүн факт мэддэг байж болно.

Avatar

Зочин 2020-01-24 124.158.94.88

medee oruulj baigaa bol ter medeeniihee gazar ornii ner, ug usgiin aldaagaa mash sain nyagtalj baih heregtei.

NewsMN Гар утасны хувилбар Татах
NEWS.mn

Мэдээллийн эх сурвалж