Бүх аймгийг хамарсан “Үндэсний цом” тэмцээн эхэллээ | News.MN - Мэдээллийн эх сурвалж

Бүх аймгийг хамарсан “Үндэсний цом” тэмцээн эхэллээ

Хуучирсан мэдээ: 2015.10.19-нд нийтлэгдсэн

Бүх аймгийг хамарсан “Үндэсний цом” тэмцээн эхэллээ

Монголын үндэсний сагсан бөмбөгийн холбооноос зохион явуулж буй 21 аймгийн аварга шалгаруулах “Үндэсний цом” тэмцээн өнөөдөр Спортын төв ордонд эхэллээ.

Эхний тоглолт Хөдөлмөрийн баатар Х.Цагаанбаатар, Улсын гарьд М.Баяржавхлан нараар удирдуулсан Дархан-Уул болон Завхан аймгуудын хооронд болов. Уг тоглолтод Дарханы шигшээ баг өрсөлдөгчөө нэмэлт цагт 84:80-аар буулган авч, хэсгийн эхний хожлоо байгууллаа.

Тэднээс Г.Ихбаяр багаа тэргүүлэн, 22 оноо, зургаан удаа самбараас бөмбөг авалтыг гүйцэтгэсэн бол О.Ууганбаяр 13 оноо, 7 удаа самбараас бөмбөг авчээ. Хөдөлмөрийн баатар Х.Цагаанбаатарын хувьд энэ тоглолтод 3 онооны шидэлтийг амжилттай гүйцэтгэжээ. Харин эхний тоглолтдоо харамсалтай хожигдол хүлээсэн Завхан аймгийн шигшээ багаас А.Гансүх 24 оноо 10 самбар, Н.Нямдорж 17 оноо, гарьд М.Баяржавхлан 3 самбараас бөмбөг авалтыг гүйцэтгэсэн байна.

“Үндэсний цом”-ын аварга шалгаруулах тэмцээнд оролцож байгаа багт тухайн аймгийн харьяат, олны танил алдартнууд багтаж буйгаараа онцлог бөгөөд "Үндэсний супер лиг"-т тоглодог дөрвөн тоглогч, нутгийнхаа залуустай нэгдэн, нэг баг болон өрсөлдөж байгаа юм.

Б.ЭНХ

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

jojo 2015-10-19 112.72.13.11

saihan temtseen zohioj bga n saishaaltai bolov chig enehuu temtseend orj bgaa tamirchid n yag aimgiinhaa irgenii haryiyalaltao baij chadhuu gedeg l sonin bn jishee n jujigchin tsooomoo odoo boltol hotod shiljij shuurishaagui yavdag gsen uguu? uneheer aimguudin temtseen hiiye gevel tuhain aimgiin hariyalaltai tamirchdiig l oruulah n zov zuiteo sanagdah yum. holbombogiin holboo bol yag yas hiidiin bn lee aimguudiin tsom temtseeniig.