АН-аас УИХ-ын даргад шаардлага хүргүүлэв | News.MN

АН-аас УИХ-ын даргад шаардлага хүргүүлэв

АН-аас УИХ-ын даргад шаардлага хүргүүлэв

АН-аас УИХ-ын даргад шаардлага хүргүүлэв

Ардчилсан намын дарга, УИХ-ын гишүүн С.Эрдэнэ өнөөдөр /2020.01.22/ сэтгүүлчдэд мэдээлэл хийлээ. Энэ үеэрээ УИХ-ын дарга Г.Занданшатарт шаардах бичиг хүргүүлж буйг онцоллоо.

Шаардах бичигт “Монгол Улсын Их Хурал дахь МАН-ын зарим гишүүдийн хууль бус үйлдлүүдтэй холбогдуулан, тухайлбал Жижиг, дунд үйлдвэрлэлийг хөгжүүлэх сангаас нэн хөнгөлөлттэй нөхцөлөөр зээл авсан гишүүд, Төрийн ордонд хүний амь нас хохирсон гэмт хэрэгт шалгагдаж буй гишүүн, зарим гишүүдийн хөрөнгө орлого огцом өссөн талаар хуулийн байгууллагаас болон Төрийн бус байгууллагуудын төлөөллүүдээс хуульд заасан үндэслэл, журмын дагуу шалгуулах, хариуцлага тооцуулахаар албан бичиг, шаардлагыг Улсын Их Хурал, Халдашгүй байдлын болон Ёс зүйн дэд хороодод удаа дараа ирүүлсэн.

Улсын Их Хурлын бүтцийн нэгж болох Халдашгүй байдлын дэд хороо, Ёс зүйн дэд хороод хуульд заасан чиг үүргээ умартаж, Улсын Их Хурлын гишүүдийг хаацайлах, хууль бус үйлдлийг нь хамгаалж, бусдад бурууг чихэх арга саам эрэлхийлэх замаар ёс төдий шийдвэр гаргаж байгаа явдал нь төрийн нэр хүндийг уландаа гишгэх, сонгогч иргэдийг үгүйсгэж, үл хүндэтгэж байгаа үйлдэл юм.

Улсын Их Хурлын дотоод үйл ажиллагаа, холбогдох байнгын болон дэд хороодоос гарч байгаа шийдвэрүүд асуудлыг шийдвэрлэхгүй, хуульд нийцэхгүй, хаацайлсан, хуулийг үгүйсгэсэн байдалтай байгааг анхааралдаа авч, хуулийн дагуу ажиллахыг шаардаж байна” гэжээ. Мөн цаашид Улсын Их Хурал болон холбогдох байнгын болон дэд хороод хуульд заасан чиг үүргээ бүрэн хэрэгжүүлж, шударга ёс, хууль ёсыг хүндэтгэж хуулийн дагуу ажиллахыг шаарджээ.

2012 онд анх санаачлаад, 2014 онд өргөн барьж, 2015 онд батлагдан, 2017 оны нэгдүгээр сараас эхлэн хүчин төгөлдөр хэрэгжих байсан Хамтын тэтгэврийн тухай хуулийг өнөөдрийн эрх баригчид УИХ-д олонхи болсон даруйдаа тус хуулийг хүчингүй болгосон талаар мэдээллээ. Энэ талаар УИХ-ын гишүүн С.Эрдэнэ: “Өнөөдөр иргэд сонгогчид, ялангуяа ахмадуудын зүгээс удаа дараа энэ асуудлын талаар санал тавьж, шаардаж байгаа учраас энэ удаа миний бие нөхдийн хамт Хамтын тэтгэвэрийн сангийн хуулийн төслийг дахин боловсруулж, нэмэлт өөрчлөлт хийн дахин өргөн барьж байна. Энэ хуулийг хэлэлцэж батлах нь аль нэг улс төрийн намын эрх ашиг гэхээсээ илүү Монголд өнөөдөр хийж бүтээх насаа улсдаа зориулан ажиллаж, ихийг хийж бүтээсэн 400 гаруй ахмадуудын албан ёсны нэн шаардлага юм. Бид энэ хуулийн хүрээнд иргэд сонгогчдоос албан ёсны санал хүсэлт хүлээн авах хэлэлцүүлгийг орон даяар хийж байгаа бөгөөд Засгийн газраас санал авсан даруйд УИХ-ын даргад өргөн барих болно” гэсэн байлаа.

 

 

 

Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-01-22 203.91.115.44

Сонгуулийн шоу байна өөрийнхөө ритенг өсгөх зорилгоор хийж буй ажил, түүнд үнийн хөөрөгдөл бий болох хамаагүй нийгэмд эмх замбараагүй байдал үүсэх нь түүний зорилго юм,

Avatar

Зочин 2020-01-22 49.0.137.131

ЭРДЭНЭ ГЭЖ ХҮНИЙ ХЭЛСЭН БОЛГОНЫГ ЭСРЭГЭЭР НЬ ХИЙГЭЭД БАЙХАД МОНГОЛ СЭХНЭ ДЭЭ

Avatar

Зочин 2020-01-22 72.196.192.250

Erdene elentsgiin uls turch baihad dee!
"Zavhain zaamal"aar garch lrsen ulaan
LUIVARCHIN

Avatar

Ц.Товуусүрэн 2020-01-22 192.82.68.142

Юун хамтын тэтгэврийн тухай хууль вэ? Тэтгэврийн сан дампуурахдаа тулаад байгаа биз дээ. Энэ хамтын тэтгэвэр гэдэг бол эв санааны нэгдлийн тогтолцоотой улсад огт байдаггүй, ганцхан Италид хэрэгжүүлэх гэж үзээд түүнээсээ арай ядан буцсан түүхтэй. Харин хуримтлалын тогтолцоотой улсуудад бол нас барсан даатгуулагчийн хуримтлалын санд үлдсэн мөнгийг гэр бүлийнхэнд нь өвлүүлдэг зарим цөөн улс байдаг. Сонгуулийн улс төрийн урхинд орж ийм шийдвэр гаргавал хожим нь хармсах ч багадах үр дагавартай_

Avatar

улаан тахалд 2020-01-22 64.119.21.97

амаа тат муу комнист

NewsMN Гар утасны хувилбар Татах
NEWS.mn

Мэдээллийн эх сурвалж