Ираны парламентын гишүүн Ахмад Хамзех өчигдөр /2020.01.21/ АНУ-ын гүйцэтгэх ажиллагааны үеэр хөнөөгдсөн генерал Касем Сулейманийгийн өшөөг авч, АНУ-ын Ерөнхийлөгч Дональд Трампын амийг хөнөөсөн хүнд гурван сая ам.долларын шагнал санал болгожээ.

Тэрбээр уг шагналыг талийгаач генерал Кассем Сулейманигийн төрөлх хот Керманы оршин суугчдын өмнөөс амлаж байгаагаа мэдэгдсэн байна. Ахмад Хамзех нь Керман хотын ойролцоох Кахнуж мужаас сонгогдсон парламентын гишүүн юм.

Зарим нь түүнийг ирэх сард болох парламентын сонгуультай холбоотойгоор ийм мэдэгдэл хийлээ хэмээн буруутгаж байгаа аж.

Эх сурвалж: AL JAZEERA