Юанийн ханшийн дарангуйлал | News.MN

Юанийн ханшийн дарангуйлал

Юанийн ханшийн дарангуйлал

Юанийн ханшийн дарангуйлал

Өнгөрсөн бүтэн сайн өдөр нөхөртэйгөө “Сандэй” худалдааны төвөөр орж, ойр зуурын худалдаа хийлээ. Оны өмнөхөн 5000 төгрөг байсан асаагуурын жижиг савлагаатай шингэн хэдийнэ 10 мянган төгрөг болсноос эхлээд бараа бүтээгдэхүүний үнэ “тэнгэрт хадчихаж”. Худалдагч залуугаас яагаад барааныхаа үнийг хоёр дахин огцом нэмсэн талаар асуухад “Юанийн ханш 400-д хүрсэн шүү дээ. Юмны үнэ өсөх нь аргагүй” гэж хариуллаа.

Наймаачид юанийн ханшийн зөрүүнээс болж алдагдал хүлээж, хохирол амсахгүйн тулд барааныхаа үнийг тодорхой хэмжээгээр өсгөжээ. Энэ нь инфляцийн өсөлт болж, эдийн засагт дахиад л сорилт тулгарч мэдэх бөгөөд иргэдэд дарамт болж буй юм.

Өмнөд хөршөөс худалдаа, эдийн засгаараа ихээхэн хамааралтай болсон манай улсын хувьд валютын ханш голлох үзүүлэлтийн нэг. Ойрын өдрүүдэд юанийн ханш огцом чангарч буй юм. Монголбанкнаас зарласан юанийн албан ханш өнгөрсөн Даваа гариг (2020.01.20)-т 400.32 төгрөгтэй тэнцэж, бүх цаг үеийн дээд цэгт хүрэв.

Өнгөрсөн оны арванхоёрдугаар сарын 1-нд юанийн дундаж ханш 378.32 төгрөг байв. Ийнхүү сар гаруйн хугацаанд өмнөд хөршийн мөнгөн тэмдэгтийн ханш 24 төгрөгөөр чангарлаа.

“Найман шарга”-ын ченжүүд өчигдөр (2020.01.20) юанийг 398 төгрөгөөр авч, 400 төгрөгөөр борлуулж байв. Дэлхийн зах зээлд юанийн ханш ам.долларын эсрэг чангарч эхэлсэн. Одоогоор 6.74 юань нэг ам.доллартой дүйж байгаа юм. Өмнө нь долоон юань нэг ам.доллартой тэнцэх хүртэл ханш нь суларч байв.

Сар шинийн баяр дөхөж, БНХАУ-ын Эрээн хотыг зорих монголчуудын цуваа дотоодын зах зээлд юанийн эрэлт үүсгэдэг. Төгрөгтэй харьцах юанийн ханш өсөх үзэгдэл урьд жилүүдэд гарч байв. Гэхдээ энэ жилийнх шиг юанийн ханш төгрөгийн эсрэг огцом чангарч байсан тохиолдол ховор юм. Юанийн ханш төгрөгийн эсрэг аажмаар бус огцом чангарах болсон нь эдийн засгийн ээлжит нэгэн сорилт болж байна.

Одоогоос бүтэн арван жилийн өмнө буюу 1990 онд Монгол Улсын БНХАУ-тай хийсэн худалдаа нийт худалдааны эргэлтийн 1.5 хувь байсан бол өдгөө манай улсын нийт экспорт (2019)-ын 96 хувийг, импортын 41 хувийг Хятад улс дангаараа эзэлж байна.

Олон улсын валютын зах зээл дээр юань чансаа өндөр валютын тоонд багтаж буй. Өмнөд хөршийн валютын ханш өнгөрсөн сард гурав орчим хувиар чангарсан нь Азид тэргүүлэх үзүүлэлт болсон. Эдгээр нь төгрөгтэй харьцах юанийн ханш чангарах шалтгаан болж буйг эдийн асагчид өгүүлж байна. Иргэдийн амьжиргаанд нөлөөлдөг чухал хүчин зүйлсийн нэг нь юанийн ханш юм.

Монголбанкны ОНБМТ-ийн ахлах эдийн засагч Н.Батжин хэлэхдээ “Валютын ханшийн богино хугацааны огцом өөрчлөлтийг хязгаарлах зорилгоор Монголбанкнаас тодорхой арга хэмжээг авах боломжтой байдаг. Тухайлбал, банк хоорондын захад долоо хоног бүрийн хоёр дахь, дөрөв дэх өдрүүдэд дуудлага худалдаа явуулж, валют нийлүүлдэг.

2020 он гарснаар хоёр удаагийн дуудлага худалдаагаар нийт 72.2 сая ам.доллар нийлүүлсэн. Тэгэхлээр нэг талаас нөөцийг нэмэгдүүлэх урт хугацааны арга хэмжээг авахаас гадна ханшийн огцом өсөлтийг хязгаарлах зорилгоор банк хоорондын захад интервенци хийж байна.

Эдийн засгийн нөхцөл байдал тогтвортой, 2019 он харьцангуй эерэг жил байсан. Гэхдээ түүхий эдийн экспортоос голлон хамаардаг гадаадаас ихээхэн бараа, үйлчилгээ импортолдог эдийн засагтай орны хувьд ханшийн урт хугацааны шийдэл нь тогтвортой бөгөөд тодорхой гадаад худалдаа, хөрөнгө оруулалтын бодлого юм” гэв.

Юанийн ханш чимээгүйхэн чангарсаар л байна.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-01-21 59.153.112.77

Эргүү жаргал

Avatar

Зочин 2020-01-21 202.179.26.196

Iim ih urtei ulsiin mungun temdegt sulraad l baih n huuli doo. tuunchlen uls n hun n yalgaagui hereglee n uuriinh n buteej buigaas haa hol davchihsan. hergeleed l, ur taviad l.. debt cycle-s garnaa l gonj baihad tugrug yaaj huchtei baihav dee. tegeed ard niiteeree gants valyut oldog uul uurhain salbar luugaa ih bagagui nulimana.

Avatar

Мх 2020-01-21 103.206.194.6

ДАВАРСАН ПАНЗЧИДАА ТӨР НЭГ ЦЭГЦЭЛЭХГҮЙ БОЛ БОЛОХОО Ч БАЙГААД 30-Д ЖИЛ БОЛЛОО ШҮҮ… ӨЧИГДӨР 390 ТӨГ БАЙСАН ЮАНЬ ӨНӨӨДӨР 400 ТӨГ БУЮУ 2,5%-Р ӨСӨХӨД АВЧ ИРДЭГ БАРААНЫХАА ҮНИЙГ ҮГСЭН ХУЙВАЛДДАГ Ч ЮМ УУ 100%-р ӨСГӨН АШИГ, ХОНЖОО ХАЙЖ ИРГЭДИЙГ ШУЛАН МӨЛЖИЖ, УЛСЫН ЭДИЙН ЗАСГИЙГ УНАГААХ БОДЛОГО ЯВУУЛААД БАЙГААГ ХАРГАЛЗАН ҮЗЭЖ ТӨРӨӨС ХААЯ, ХҮҮЕ ГЭХГҮЙ БОЛ БОЛОХГҮЙ БОЛООД БАЙНА ШҮҮ… УЛСЫН МИНЬ ЭДИЙН ЗАСГИЙН БОДЛОГЫГ ДОТРООС НЬ СӨХРҮҮЛЧИХ ГЭЭД Л БАЙХ БОЛООД БАЙХ ШИГ …

Avatar

Зочин 2020-01-21 66.181.176.71

"Ноён Долларын ноёрхол", "Юанийн дарангуйлал" г.м. уран цэцн атлаа усан тэнэг нэр томъёо зохиогоод харанхуй массын хөөргөдөх хортой шүү!!! Гадаад валютын ханш чангараад байгаа юм бишээ, төгрөгийн маань чалх нь сулраад хий гарсан бөмбөг шиг шальчийгаад байгаа юм шүү дээ!!! Доллар, юань байдгаараа байж л байгаа!

Avatar

Цог 2020-01-21 122.201.21.111

Одоо яаралтай америк долларт шилжих хэрэгтэй, МБ , үе үеийн ЗГ мөнгөний ханшаа барих,хамгаалах тал дээр 30 жилийн хугацаанд туйлын хариуцлаггүй ажилласөн, олон хүний хөлс хөдөлмөр үнэгүйдэж байна, цаашид яаралтай үндэсний тэмдэгтээ өөрчилж бүх төлбөр, гүйлгээг USD болгоx хэрэгтэй, цаашид ер нь хэрэггүй олон арилжааны банк, ченжийн з/б эдийн засгийг цэгцлэх цаг нь болсон бна.

Avatar

Зочин 2020-01-21 103.212.116.169

Буруу бүхэн бусдын буруу. Өөрсдөө бол өндөг шиг цэвэрхэн гэмгүй. Муусайн доллар, юань чангараад байгаа юм гэхийн оронд төгрөгийн ханш унаад байна гэж яриач. Эдийн засаг муудуулж байгаа гол шалтгаан эрх баригчид шүү дээ

Avatar

Mongol 2020-01-21 43.228.129.119

Хятадын засгийн газар хуучин экспортоо дэмжхийн тулд юань-ний ханшийг хүчээр сулруулж барьдаг байснаа саяны Америктай хийсэн худалдааны хэлэлцээрээр ханшаа суллаж зах зээлийн бодит ханш рүү шилжүүлсэн. Тэрнээс болж юань-ний ханш дэлхий даяар өссөн юмаа. Энэ өсөлтөд Трампын хийсэн худалдааны дайнйы нөлөөлсөн. Гэхдээ төгрөгийн ханш сул байгаа нь бол үнэн.

Avatar

Зочин 2020-01-21 202.180.220.77

Юань өсч байгаад манай наймаачид буруугүй, тэр Хятадууд ч буруугүй. Манайхан заавал хэн нэгнийг буруутгах гээд байх юм. Манайхан бараагаа авна уу байна уу Хятад байж л байна. Юань нь ч байж байна.

Харин манайхан энэ төрөөсөө асуух хэрэгтэй. Яагаад эдийн засгаа тогтворжуулж чаддаггүй юм бэ? яагаад ханшаа барьж чаддаггүй юм. Яагаад мөнгө хэвлээд гаргаад байдаг юм. Одоо тэтгэврийн зээлийн тэглэнэ гээд бөөн мөнгө дахиад л гарна. Доллар юань хоёр дахиад л өснө.

Avatar

Зочин 2020-01-21 66.181.161.31

Л. Түдэв гуай нэгэн удаа "Хэрэглэгчид ХААН" гэдэг биз дээ. Монголчууд бид 90 хоног л ямарч худалдан авалт хийхгүй байхад жинхэнэ хаан болно доо гэсэн утгатай юм бичсэн санагдана. Монголчуудаа энэ даварсан наймаачдыг дарахын тулд ердөө 90-хэн хоног л мөнгөө хадаглах хэрэгтэй бус уу.

Avatar

Зочин 2020-01-21 202.9.46.156

Тэр 90 хоногийн чинь дараа аваад л эхэлхээр өсгөөд л эхэлнэ шдээ .. Зах зээл гэж тэрийг л хэлээд байгаам шдэ . ..

Avatar

Зочин 2020-01-21 103.14.38.136

Нэртэйгээр нь 10 хятад ухэхээр нь 1 монгол ухэж байл даа.

NewsMN Гар утасны хувилбар Татах
NEWS.mn

Мэдээллийн эх сурвалж