Дөрвөлжин боржин гологдож, шинэ чулуунд мөнгө зарцуулна | News.MN

Дөрвөлжин боржин гологдож, шинэ чулуунд мөнгө зарцуулна

Дөрвөлжин боржин гологдож, шинэ чулуунд мөнгө зарцуулна

160 ширхэг боржин чулуун хаалт нийслэлийн хот тохижилтын газрын харьяа дүүргийн хашаанд  байгаа аж

Дөрвөлжин боржин гологдож, шинэ чулуунд мөнгө зарцуулна

Сүхбаатар талбайд баахан боржин чулууг  шөнөөр авчирч өрөөд мөн л шөнөөр буцаагаад ачуулсан нь ард иргэдийн зүгээс багагүй шүүмжлэл дагуулсан.  Төрийн тусгай хамгаалалтын газраас санаачилж, Нийслэлийн Засаг даргын Тамгын газраас санхүүжүүлсэн боржин чулуунуудыг ард иргэдийн аюулгүй байдлыг хамгаалах зориулалттай гэж албаны хүмүүс тайлбарлаж байсан нь өнгөрсөн 2019 оны арванхоёрдугаар сарын үйл явдал.  Талбайд байршуулсан чулууны хэлбэр, дүрс иргэдэд ч, хотын даргад таалагдаагүй. Тиймээс "булшны чулуу" гэгдсэн 160 ширхэг боржин чулуун хаалтыг хотын дарга С.Амарсайхан буцаан татах шийдвэр гаргаж, сайжруулах даалгаврыг гэрээ байгуулсан, хийсэн хоёрт өгсөн. 

Талбайн баруун, зүүн, урд талд 296 ширхэг жижиг, 100 ширхэг том, нийтдээ  396 ширхэг чулуун хаалтын зардалд 151 сая төгрөгийг нийслэлээс гаргаж, “Боржин суварга” ХХК-тай гэрээ хийсэн байдаг. Гэрээнд зааснаар урьдчилгаа 40 хувийг өгч, үлдэгдэл 60 хувийг ажлаа хийж гүйцэтгэсний дараа олгохоор тохирч, эхний ээлжийн 160 ширхэг боржин чулууг талбай дээр байршуулсан нь тийнхүү дуулиан болсон юм. Нийслэлийн төв талбай дээр тав хоносон, төсвийн 150 сая төгрөгийн үнэтэй боржин чулуун хаалтууд хаана байгааг эргэн сурвалжилсан юм. 

Боржин чулуунуудыг Нийслэлийн хот тохижилтын газрын  хашаанд хураажээ. Чулуунуудыг засч, сайжруулсан ч төв талбайд ч буцааж тавихгүй аж. Нэгэнтээ төсвийн мөнгийг "үрэн таран" хийж, идэж уугаад дуусгасан тул чулуунуудыг  хот ашиглахаас өөр аргагүйд хүрчээ.

Тиймээс  хотын удирдлагуудад гологдсон боржин чулуун хаалтуудыг авто осол ихээр гардаг, мөн байр орон сууцны хороолол дунд, төрийн байгууллагуудын урд байршуулах гэнэ.  Харин төв талбайд өөр боржин чулуунуудыг авчирч тавиахаар болсон байна. Сүхбаатарын талбайд тавих бөөрөнхий хэлбэртэй боржин чулууг хийхэд хэр хэмжээний хөрөнгө, мөнгө гаргаж буйгаа хотынхон идэх нууцалж байна.  

Нэг дөрвөлжин боржин чулууны өртөг  гурван сая гаруй төгрөг. Үүнээс харахад төрийн томчууд маань өмнөхөсөө ичиж эмээсэн  юм алга. Дахиад л төрийн мөнгөөр бөөрөнхий боржин чулуу хийх захиалга өгч. 

Гүйцэтгэгч компанийн мэдээлж буйгаар, дөрвөлжин чулууг хийж эхлэхээс өмнө хэлбэр, хийцийг нь танилцуулах зорилгоор том, жижиг чулууг захиалагч талд хүргүүлсэн байна.

Үүнийг тэд хотын удирдлагадаа үзүүлж, харуулдаггүй хэрэг үү. Эсвэл удирдлагаасаа их эрх мэдэлтэй ажилтнууд байдаг юм уу. Үнэндээ өнөөдрийг хүртэл төв талбайд машин орж аюулгүй байдал алдагдуулсан тохиолдол байхгүй. Улс төрийн болон өөр бусад зорилгоор жагсаал, цуглаан зохион байгуулах үед, мөн гэр барьж, суулт зарлахдаа, зарим баярт арга хэмжээний сандал, ширээ, тайзыг байрлуулахаар зөвшөөрөл бүхий иргэн, аж ахуй нэгжүүд машинтай нэвтэрч байсан. Үүнээс өөрөөр хэн нэгэн дур зоргоороо машинаа байрлуулж, эсвэл өөр бусад зорилгоор тийш нэвтэрч, байсан удаагүй.

Гэтэл холбогдох албаныхан иргэдийн аюулгүй байдлыг хамгаалах нэрээр оновчтой бус хамгаалалтаа өмөөрч суух. Мөн иргэдийн амь нас, эрүүл мэндэд сөргөөр нөлөөлж болзошгүй аюул тулгарахаас урьдчилсан сэргийлсэн дээрх ажлыг улстөржүүлэх, буруутган харлуулахгүй байхыг олон нийтээс хүсч байх юм. Энэ бол иргэдийн аюулгүй байдлыг хамгаалах гэхээсээ илүү мөнгө угаах нэг арга хэмээн олон нийт бухимдаж буй. Угаас үймээн самуун, үл бүтэх хэрэг төрийн ордны өмнө болж байсан удаагүй.

Ийм хашилтыг санхүүжүүлж байхаар нийслэлийн гэр хорооллын гуу жалгатай, осол аваар олон гардаг замуудад хаалт, хашлага хийсэн бол илүү бодитой, ажил хийсэн юм шиг харагдах байлаа, хотын дарга аа.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
8
ЗөвЗөв
8
ТэнэглэлТэнэглэл
2
ХахаХаха
2
БурууБуруу
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

D 2020-01-21 202.55.191.130

БИДНИЙ ТӨСВИЙН МӨНГӨ ЯМАР ЁООЁ ГЭХ БИШ. АРИУН ГЭГЭЭН ДАРГА НАР МИНЬ ИД УУ ЦУСЛА. ЦАГ ЧИНЬ УДАХГҮЙ ДУУСНАА ГАЙГҮЙ БУРХАН ГЭЖ БАЙДАГ ЮМ ШҮҮ!!!

Avatar

Т 2020-01-21 203.98.76.9

Чулуу тавих хэнд хэрэгтэй юм бэ? Зайгүй чихэлдсэн энэ хотод ганц талбай л байна. Бас тойруулаад чулуу энэ тэр тавьж, мөнгө зувчуулахаа л бодож байгаа биз. Тэр мөнгөөр нь хийх ажил энэ улс оронд зөндөө байгаа шүү дээ. Хүүхдийн сургууль, цэцэрлэг ярихаа бүр болъё. Явган хүний замаа сайжруулж болно шүү дээ

Avatar

Зочин 2020-01-21 213.143.46.95

Халдлагаас хамгаалах зорилгоор гэнэ лээ.монголыг тоож халдлага хийхүү

Avatar

Зочин 2020-01-21 202.126.89.134

Чулуу тавих нь зөв. Даанч тэр компани нь янз бүр хэмжээтэй хачин муухай юм хийсэн болоод л гологдсон, тэр компанид төлбөр төлөх нь шудрага биш зүйл. Нэг стандарттай аятайхан юм хийсэн бол хэдийг төлсөн ч яах вэ

Avatar

зочин 2020-01-21 103.57.94.22

та нар одоо яасан их мөнгө үрдгийн бэ? зэвүүн хулгайчууд төсөв хүрэхгүй гээд хэтрүүлчээд тэгээд дундаас нь хулгай хийх гээд есөн шидийн арга хэрэглэчхийн хулгайч хулгай хийвэл шорондоо орох ёстой даварсан хулгайчдийг бүгдийг шоронд нь суулгацгаая!

Avatar

Май шүү 2020-01-21 202.21.96.212

гөлөгнүүдээ та нар бүр сонгууль ойртох тусам тэнэг гэдгээ улам батлах юмаа тэ, хөөрхий дөө чааваас энэ боржин чулууны ажил авч өгөөд компанийн эзнээс хэдэн төгрөг нэхэж байгаа болоо, та нар одоо ингэж даврах цаг чинь удахгүй дуусна муу бааснууд минь. Аргагүй дээ Ерөнхий сайд нь Хүрэлсүх болохоор ийм ч байхаас яахавдээ чааваас

Avatar

MN 2020-01-21 202.131.243.186

ТАЛБАЙН ЧУЛУУ БАЙТУГАЙ, ТӨРИЙН ОРДОН НЬ ХАШААГҮЙ БОЛООД Л БАЙСАН САНАГДАХ ЮМ….

Avatar

лхагва 2020-01-21 66.181.187.63

монч ухаантайгаар завшиж байгаа юм шvv тор тvмний толоо оюун бодлоо ингэж дайчлаасай шvvмжлэнгvvт дуулгавартай авч яваад дахиад vнийг нь осгоод чанар байдлыг нь дордуулаад ирнэ дахиад шvvмжлээсээ гэж дотроо зальбираад гурав дахих санаатай байгаа монч мундаг луйвардах юмаа хотынхон завшихдаа гаргуун чанарын ахиц их гарч чулуугаар баяжиж байнадаа Бадамжунай талбайг чулуугаар онголж эхлэлийг тавьсан улаан хацарт замын хашлагыг чулуугаар онгож залгамжилсан одоо Амарсайхан талбайг чулуугаар хашиж

Avatar

би 2020-01-21 103.9.90.98

нэг ширхэг нь 3 000 000 бол 1 180 000 000 болох гээд байна. та буруу бодсон байна

Avatar

Зочин 2020-01-21 66.181.181.248

Ix mayaglax um aa.

Avatar

Зочин 2020-01-21 103.26.194.239

Сухбаатарын талбаид давхиж орсон ганцхан тохиолдлыг жар гаруи наслахдаа узсэн 1970 оны уед Говь алтаин усны а ж ахуин жолооч шинэ ермиин машин аваад хотын дурэм мэдэхгуй талбаи дундуур давхиж баив шуу

Avatar

Монгол хүү 2020-01-21 103.206.194.6

ХЭЛБЭРИЙН ХУВЬД ЭНЭ КУБ ХЭЛБЭР МАШ ЗӨВ ШИЙДЭЛ ШҮҮ!!!

Avatar

Зочин 2020-01-21 202.21.99.42

Тиймээ масс ихтэй суурьтай хөдлөхгүй зөв хэлбэр

Avatar

Монгол хүү 2020-01-21 103.206.194.6

ЭНЭ ЧУЛУУГААР ИЙМ ХАШЛАГА ХИЙХ САНААЧИЛГЫГ ЗӨВ ЗҮЙТЭЙ ЗҮЙЛ ГЭЖ ИРГЭН БИ ХАРЖ БАЙГАА ЯАГААД ГЭВЭЛ ЭХ ОРНЫ БОРЖИН ЧУЛУУГААР ТӨВ ТАЛБАЙГАА ЧИМЭГЛЭН ХАМГААЛАХАД ЮУ НЬ БУРУУ БАЙХ ВЭ? ИЙМД ТЭР ЧУЛУУНУУДАА ЭРГҮҮЛЭН АВЧИРЧ НЭГ ШУГАМАНД ҮЗЭГДЭЖ ХАРАГДАХ ҮЗЭМЖТЭЙ БАЙРЛУУЛАХ НЬ ЗОХИСТОЙ МЭТ, ҮНЭ ӨРТӨГИЙН ХУВЬД Ч БАЙГАЛИЙН ОРИГ ЧУЛУУНЫ ҮНЭ ГЭХЭД БОЛОМЖИЙН Л БАЙХ ШИГ БАЙНА. ЯМАР ГАДААДЫН ГАНЦ ХОЁР ЖИЛ ХЭРЭГЛЭЭД ҮНЭ ЦЭНЭЭ АЛДАЖ ХОГ БОЛОХ ЭД БИШ ЗУУН ЖИЛ БОЛОХОД Ч БАЙХ ЦУЛ КАПИТАЛ ШҮҮ ДЭЭ…

Avatar

Май шүү 2020-01-21 202.21.96.212

Чи МАН-ын ямар гээч тэжээвэр гөлөг вэ

Avatar

Зочин 2020-01-21 150.129.140.214

Чи АН-ын тэжээвэр муужгай юм уу?

Avatar

Уншигч 2020-01-21 103.9.90.98

Энэний хэрэг юу байнаа, ерөөсөө юу ч битгий байрлуул, Монголчууд өдий хүртэл төв талбайдаа техникээр нэвтрэлгүй байсаар ирсэн, болж л байна даг, хотоос гадагш чиглэсэн гуу жалга, зам гүүрээ л арчилбал таарна. Дэмий юманд мөнгө урсгаж, хэрэггүй юманд хүний хөлс, хөдөлмөрийг шавхаж байгааг боливол таарна.

Avatar

6666 2020-01-21 66.181.166.134

Zaaval ch ugui neg bulshnii chuluu avchirch tavij mongoo ugaaj baij sanaa ni amardag ene hotiin darga guaig ooriig ni orshuulmaar bna daa.

Avatar

Зочин 2020-01-21 49.0.212.8

сүхариунбаатарыг тойроод 6 талт куб. 6 6 6 6 6 6. ккк. готын даргын зөв ч юмуу. вааа хаха.

Avatar

Зочин 2020-01-21 49.0.212.8

кесаревич би та нарыг өдөрт зургаа тойрдогоо. энэ биеллээ олж байгамуу. лаг юмөө

Avatar

Зочин 2020-01-21 202.126.89.235

Шарга морьт зусланд эрүүл агаарт бүх асуудлаа шийдсэн зуслангийн хотхонд /харуул хамгаалалттай, гэрэлтүүлэг камертай, машины зогсоолтой, гүний худагтай, 380-д холбогдсон, хашаандаа мод буттай, амрах сандал сүүдрэвчтэй, явган хүний зам талбайтай, хүүхдийн тоглоомын талбайтай, дотроо 00-той, халуун хүйтэн устай, шалнаасаа халдаг, цэвэр тохилог, дулаахан 1 ба 2 өрөө байрыг 2-3 сарын хугацаагаар түрээслүүлнэ. Жирэмсэн болон нярай хүүхэдтэй ээжүүдэд тохиромжтой. Бяцхан төгөл хотхон. Утас: 99118457

Avatar

хэ хэ хэ 2020-01-21 73.92.12.67

Алдгийм байна,физикийн хууль ч өнгөрч,уул нь яг ийм масстай(жинтэй) дөрвөлжин чулуу,бөөрөнхий чулуу хоёрыг машин мөргөхөд бөөрөнхий нь өнхрөөд нилээн хэдэн хүн нядаачихмаар юм. Үнэ мөнгөний хувьд ч талийна бизээ,Ийм ядуу багажтай компани ийм том том боржин чулуунуудыг бөөрөнхий хэлбэрт оруулах боломж байхгүй,нэгийг нь 18 саяаар хийлгэе гэсэнч хүч бололцоо нь хүрэхгүй. Гаднаас авна гэвэл…. Үлгэр,зөгнөл…..

Avatar

үрэлгэн төр 2020-01-21 182.160.32.178

наад үнэтэй чулуугаа хэлбэрийг нь өөрчлөөд тавибал яасан юм вэ? дахиж мөнгө идэх аргуу ,гудамжинд хэдэн саяаар нь хаяхаасаа зовдоггүй улс вэ ?хотын захиргаа гэж 100 ямаанд 60 ухна болсон газар наад олон давхардсан ажил үүрэгтэй орон тоогоо цомтгооч хотын даргаа

Avatar

Зочин 2020-01-21 124.158.95.187

Дарга нар талбайг хамгаалах нэрээр өөрсдийгөө л хамгаалах тухай бодоод явчих юм. Их хот маань хаанаа илүү эмзэг байна хараач ээ.

Avatar

Зочин 2020-01-21 103.229.121.97

ZAMA ZASI GEHER JAGSDAG

Avatar

Зочин 2020-01-21 202.21.108.242

Нээрээ л төрийн мөнгө уйлдагүй ёолдогүй болхоор дураараа эдлэх юм. Татвар төлөгчид бид юунд зориулагдаж мөнгөө өгөөд байгаагаа мэддэг болж эхэлж бна. Хулгайчууд тэжээх гэж, хулгайчуудаа хамгаалах гэж мөнгө өгөөгүй шүү Амарсайхаан.

Avatar

Амарсайхан 2020-01-21 150.129.140.224

ТАЛБАЙД ЧУЛУУН ХАМГААЛАЛТ ХИЙСЭН НЬ ЗӨВӨӨ. ХАРИН ХЭЛБЭР ХИЙЦЭНДЭЭ Л АНХААРАХ ХЭРЭГТЭЙ

Avatar

Зочин 2020-01-21 202.21.99.42

Хэлбэр нь яачаад байгаан гоё л хэлбэр куб чинь

NewsMN Гар утасны хувилбар Татах
NEWS.mn

Мэдээллийн эх сурвалж